Litli Bergþór - 01.12.1989, Blaðsíða 10

enda lentum við í neðsta sæti á
eftir Laugvetningum en Umf.
Hvöt úr Grímsnesi sigraði á
mótinu. Athygli vakti flokkur
húsmæðra úr Tungunum enda
stóðu þær sig með stakri prýði
íkeppnieinsogviðvaraðbúast.
Nú er vetrarstarfið komið í
fullan gang, þ.e. íþróttaæfingar
á þriðjudagskvöldum undir
stjórn Óla þjálfara, og gengur
það mjög vel enda nær hann
sérstaklega góðu sambandi við
krakkana. En íþróttir eru ekki
bara fyrir krakka eða einhvern
sérstakan aldurshóp. íþróttir
eru fyrir alla og nú um þessar
mundir er HSK að hrinda af
stað átaki í almenningsíþróttum
eins og flestum mun kunnugt.
Við sem komin erum af
Keppendur og starfsmenn á þjóðhátíðarmóti.
táningaaldrinum ættum því að
taka við okkur núna og notfæra
okkur þá þjónustu sem HSK
ætlar að bjóða upp á, sem er
m.a. að aðstoða fólk og
leiðbeina við að byrja á ein-
hverri líkamsrækt.
Nemendur ÍKÍ á Laugarvatni
munu verða til taks í janúar að
leiðbeina fólki og hef ég
ákveðið að fá þá til liðs við
okkur þriðjudagskvöldið 9.
janúar 1990 kl. 21 í Aratungu.
Ég vona að sem flestir sjái til að
koma á þann fund og fræðast
um gildi almenningsíþrótta og
hvernig við getum stundað þær
á sem einfaldastan og bestan
hátt. Munum að trimm er fyrir
alla, líka konur og karla.
Jóhanna Róbertsdóttir.
Fréttir
- Hlíöaveitan.
Hitaveita Hlíðamanna var formlega tekin í notkun laugardaginn
9. desember. Þetta er rnikið og vandað mannvirki. Borholan á
Efri-Reykjum leggur til orkuna. Sú hola er með afkastameiri
borholum, gefur 50 lítra á sekúndu af 100 stiga heitu vatni auk
óhemju af gufu. Hugmyndin er að virkja gufuna til
raforkuframleiðslu sem síðar verður notuð til að dæla
hitaveituvatninu. Alls eru 10 býli sem tengjast þessari veitu nú.
Auk þess er búið að semja við Verslunarmannafélag Reykjavikur
um að þeir fái vatn í sitt sumarhúsahverfi. Aðalstofninn er 8
kílómetra langur. Fyrsti hluti er úr 6" víðunt rörum en stærsti
hlutinn er 5". Heimæðar eru nálægt 10 kílómetrar alls. Allar
þessar lagnir eru einangruð stálrör að vönduðustu gerð.
Eignaraðild er þannig að búið er að selja 23 hluti sem er 1/2 lítri
hver eða 11 1/2 lítri af 27 lítrum sem Hlíðarveitan á. I næsta
blaði verður nánar sagt frá byggingarsögu þessarar hitaveitu.
Þ.Þ
Litli - Bergþór 10