Litli Bergþór - 01.12.2001, Blaðsíða 14

Sigríður og Sveinn í Bræðratungu
frh....
L-B: Aður en ég sný mér að því að
spyrja Svein útúr, hver eru börn ykkar?
Sigríður: Guðrún er elst, fædd
1956, gift Þorsteini Þórarinssyni frá
Fellskoti og búa þau hér í Reykholti.
Hún er Verslunarskólagengin og vinnur
á hreppsskrifstofunni í Aratungu. Þau
eiga 2 syni, þá Valgeir og Smára. Svo
er Skúli, húsamíðameistari, fæddur
1958. Hans kona er Þórdís Sigfúsdóttir
og þau búa í Reykjavík. Þau eiga lrka 2
stráka saman, þá Svein Halldór og
Þórarinn Hrafn, en fyrir átti Þórdís 2
börn, Þórhildi og Oskar. Kjartan er
fæddur 1962, stúdent frá Laugarvatni
og nam síðan 3 vetur við Háskólann,
fyrst viðskiptafræði og síðan íslensku.
Hann býr nú hér í Bræðratungu og er
sambýliskona hans Guðrún Magnúsdóttir frá
Kjóastöðum. Þau eiga eina dóttur, Sigríði Magneu.
Fjórði í röðinni er Stefán, fæddur 1965. Hann fór í
Bændaskólann á Hvanneyri og í framhaldi af því í
vélsmíði í Tækniskólanum og býr nú í Mosfellsbæ. Hans
kona er Sigrún Þórarinsdóttir og þau eiga tvíburastrákana
Þorstein og Bergsvein, en fyrir átti Stefán dótturina
Gunnhildi Erlu með Særúnu Harðardóttur, héðan frá
Hvítárbakka. Yngstur okkar barna var Halldór, fæddur
1971, en hann dó á 3. ári, í nóvember 1973, af slysförum.
En það getur oft verið fjörugt hér þegar barnabörnin
eru í heimsókn, sérstaklega eru þeir miklir atorkumenn
tvíburarnir hans Stefáns og duglegir að hreyfa sig!
Þegar hér er komið sögu er Sveinn laus úr símanum
og sestur hjá okkur Siggu.
Sveinn: Ég veit ekki hvort það þýðir nokkuð að fá
eitthvað upp úr mér, frekar en upp úr honum pabba þegar
Guðmundur Daníelsson kom og ætlaði að taka viðtal við
hann. Það fór svo að Guðmundur skrifaði aldrei neitt á
blað, því pabbi dró fram koníaksflösku og svo var
spjallað um alla heima og geima fram á kvöld.
En blaðamaður Litla-Bergþórs vill ekki láta deigan
síga og mundar pennann um leið og hann spyr Svein um
œttir hans og uppruna.
Sveinn: Já, ég er fæddur hér í Tungu 6. júlí 1927. Þá
var verið að reka á fjall og því fáir heima til að sækja
lækni. Enga ljósmóður var að hafa, því María á Bóli var
upptekin við að taka á móti honum Bubba heitnum á
Reykjavöllum. Það var því Agústa í Lambhúskoti, sem
tók á móti mér, því læknirinn var ekki kominn.
Það má segja að ég sé allra sveita kvikindi, því ættir
mína liggja vítt og breitt um landið. Foreldrar mínir voru
reyndar báðir komnir út af dætrum sr. Björns Jónssonar í
Bólstaðahlíð, en sr. Björn átti 8 dætur, sem allar giftust
prestum. Og frá honum er komin Bólstaðahlíðarætt, sem
er mjög fjölmenn.
Foreldrar mínir voru Valgerður Pálsdóttir f. 1899 frá
Tungu í Fáskrúðsfirði og Skúli Gunnlaugsson f. 1888 frá
Kiðjabergi í Grímsnesi.
Litli - Bergþór 14 --------------------------
Svo ég reki það aðeins nánar, þá
voru móðurforeldrar mínir Páll
Þorsteinsson, fæddur 1863, bóndi og
hreppstjóri í Tungu í Fáskrúðsfirði og
Elínborg Stefánsdóttir fædd, 1867, frá
Þóreyjarnúpi og var móðir mín 9. í hópi
14 systkina. Tólf þeirra lifðu til
fullorðinsára.
Páll, afi minn, var fæddur í
Víðivallagerði í Fljótsdal, ættaður af
Héraði og frá Vopnafirði. Hann bjó áður
á Víðilæk og í Þingmúla í Skriðdal áður
en hann fluttist að Tungu. Elínborg,
amma mín, var ættuð úr Húnavatnssýslu
í báðar ættir, en amma hennar í föðurætt
var Elísabet Björnsdóttir, prests í
Bólstaðarhlíð.
Föðurforeldrar mínir voru
Gunnlaugur Jón Halldór Þorsteinsson, fæddur 1851 á
Ketilsstöðum á Völlum í Fljótsdal, síðar bóndi á
Kiðjabergi í Grímsnesi frá 1886 og lengi hreppstjóri og
sýslunefndarmaður þar, og Soffía Skúladóttir, dóttir
Skúla Gíslasonar, prests á Breiðabólstað í Fljótshlíð.
Hún var fædd 1865. Þau eignuðust 6 börn og var faðir
minn næst elstur, næstur á eftir Guðrúnu, einu systurinni
í hópnum. Hin voru Steindór, lögfræðingur í Reykjavík,
Jón, stjórnarráðsfulltrúi í Reykjavík, Halldór, cand.
theol., bóndi á Kiðjabergi og Ingi, bóndi í Vaðnesi. Þú
getur lesið um ættir foreldra minna í þessum bókum -
segir Sveinn og réttir blaðamanni 2 bækur, önnur er um
framætt Skúla Gunnlaugssonar í Bræðratungu (útg. 1994)
og hin um Tunguætt (útg. 2000), báðar teknar saman af
Páli Flygenring, en þeir Páll og Sveinn eru systrasynir.
Þar sér blaðamaður að þau Gunnlaugur og Soffía á
Kiðjabergi voru bæði komin af prestum og sýslumönnum
í marga ættliði. Gunnlaugur var sonur Þorsteins
Jónssonar, sýslumanns á Kiðjabergi, sem fæddur var í
Skálholti 1814, kominn af Jóni Jónssyni sýslumanni á
Móeiðarhvoli. Móðir Gunnlaugs, Ingibjörg Elísabet
Gunnlaugsdóttir, var fædd 1830. Hún var dóttir
Gunnlaugs Oddssonar dómkirkuprests og ættuð úr
Skagafirði og Húnavatnssýslum. Móðir hennar, Þórunn,
var dóttir Björns Jónssonar í Bólstaðarhlíð.
Fjölskyldan á Kiðabergi: Skúli, Sojfia, Gunnlaugur, og
Hlldór ásamt Sven Poulsen en hann er 2. frá hægri.
Valgerður og Skúli, búðkaupsmynd.