Litli Bergþór - 01.12.2001, Blaðsíða 26

KORSTARF I BISKUPSTUNGUM
Mig langar að segja örlítið frá sönglífi okkar
Tungnamanna og annarra uppsveitamanna á þessu ári sem
nú er að líða og því mikla og góða starfi, sem Hilmar Örn
Agnarsson, kórstjóri okkar og organisti í Skálholti, hefur
verið og er að vinna í tónlistarmálum
okkar. En það vill oft gleymast að geta
þess, sem vel er unnið og þakka það.
GLORI VIVALDI
í byrjun árs æfði Skálholtskórinn
kórverkið GLORIA eftir Vivaldi og
flutti það ásamt einsöngvurunum
Sigrúnu Hjálmtýsdóttur, (Diddú), og
Önnu Sigríði Helgadóttur við góðar
undirtektir, fyrst í Skálholtskirkju á
skírdag og síðan endurtekið í
Fossvogskirkju nokkrum dögum síðar.
Er í raun undravert hvað Hilmari tekst
að fá útúr okkur venjulegum
„amatörum", eins og við erum nú flest í
Skálholtskórnum. Tókst flutningurinn
með ágætum að mati sérfróðra manna.
Eftir venjulegan kórsöng í páska og
fermingarmessum héldum við síðan árlegan „síðasta
vetrardags-fagnað" kórsins ásamt kórum Miðdalssóknar í
Laugardal og Hveragerðis. Frumfluttum við þar meðal
annars lag eftir Bjarna Sigurðsson frá Geysi, en á áætlun
kórsins er að flytja meira af lögum hans á næstunni.
NORSK KIRKJUKANTATA
Eftir stutt hlé í júní, hófust æfingar fyrir
Skálholtshátíð og að vanda var safnað saman söngfólki
víða að héðan úr uppsveitunum og kallaður
Skálholtshátíðarkór. í þetta sinn komu auk þess til liðs
við okkur söngfólk úr Þorlákshöfn og Hveragerði, vegna
þess að til flutnings var valin kirkjukantatan „Víst mun
vorið koma“ eftir norsku tónskáldin Sigvald Tveit og
Eyvind Skei. Það var sr. Tómas Guðmundsson,
fyrrverandi prófastur í Hveragerði, sem kom með verkið
A œfingu í Skálholti.
IÐU • BISKUPSTUNCUM
SlMI 486-8840 • FAX 486 8778
KT. 490179-0549
Viðgerðir á búvélum
og öðrum tækjum í
landbúnaði.
Bifvélaviðgerðir.
Smurþjónusta. Olíusíur
( bíla og dráttarvélar.
til landsins fyrir um 10-12 árum síðan. Fékk hann sr.
Árelíus Níelsson, þá prest í Langholtskirkju, til að þýða
textann og kynnti það síðan fyrir Hilmari Emi. En hann
var þá kórstjóri og organisti í Þorlákshöfn. Síðan gengu
þeir með drauminn, um að flytja verkið, í
maganum þar til í
sumar, að kom að því.
Verkið er töluvert
öðmvísi tónlist en
Skálholts-kórinn er
vanur að flytja og
eitthvað allt
annað en
Gloria
Vivaldis.
Sögðu sumir
að þetta væri
norskt
þjóðlagapopp
með
alþjóðlegu ívafi, en þarna gætir m.a. grískra
og suður amerískra áhrifa. Einsönvarar með (
kórnum voru Páll Rósinkrans og Maríanna
Másdóttir og hljómsveit undir stjórn Carls
Möller, lék undir. Á milli kafla var lesið úr
opinberunarbók
Jóhannesar, en verkið er
um sýnir Jóhannesar.
Tókst flutningurinn á
Skálhlotshátíð mjög vel,
svo vel að það var ákveðið
að endurtaka tónleikana.
Var það gert nú í
byjun nóvember eftir
nokkrar æfingar í haust,
því töluvert af nýju fólki
bættist í hópinn. Voru
tónleikar í Þorlákskirkju í
Þorlákshöfn föstudaginn 9. nóvember og í Langholtskirku
laugardaginn 10. nóv., auk opinnar loka-æfingar í
Skálholtskirkju í vikunni á undan. Allt gekk þetta
ágætlega undir styrkri stjón Hilmars og voru tónleikarnir í
Langholtskirkju teknir upp og verða gefnir út á geisladisk
nú fyrir jólin. (Tilvalin jólagjöf!!! - fæst hjá kórfélögum.)
Rétt er að geta þess að kór Menntaskólans að Laugarvatni
kom til liðs við okkur við endurflutninginn og er öllum
þeim sem lögðu okkur lið við þetta skemmtilega verkefni
þakkað fyrir frábæra hjálp og samveru.
Framundan er aðventan og jólin með öllum sínum
fallega söng og til mikils að hlakka fyrir söngfólki og
söngunnendur í Biskupstungum.
Geirþrúður á Miðhúsum.
Hilmar Órn, kórstjóri og
Páll Rósinkrans.
Litli - Bergþór 26