Litli Bergþór - 01.03.2005, Page 8
bjó að Haga í Holtum og dó 37 ára gömul. Helga,
fædd 1936, bóndi og hannyrðakona í Bryðjuholti,
Guðmundur Gunnar, fæddur 1937 smiður og kenn-
ari á Flúðum, ég er fædd 1941. Síðan kemur Anna,
fædd 1944, hún býr á Flúðum og er held ég list-
fengnust af okkur systkinunum. Hún er aðallega að
mála, sauma og gera svona grjótkarla, - segir
Ragnhildur og sýnir mér skemmtilega málaðan karl
gerðan úr tveimur steinum, sem límdir eru saman. -
Yngstur er Sigurður Hjalti, fæddur 1945, plöntuvist-
fræðingur á Náttúrufræðistofnun. Hann hefur ekki
verið mikið í föndri, en er með réttindi sem smiður
og kenndi einu sinni á Flúðum. Þau eiga gamla
húsið á Högnastöðum, en eiga annars heima í
Kópavogi.
Svo á ég einn hálfbróður, sem er reyndar elstur
okkar systkinanna, hann heitir Arni og er fæddur
1930. Pabbi átti hann áður en hann giftist. Ámi á
heima í Reykjavík núorðið, en var á
Kirkjubæjarklaustri, vinnumaður við sauðfjár-
hirðingu mest alla tíð. Hann er einhver mesti kinda-
karl, sem ég hef þekkt.
L-B: Segðu mér frá uppvexti þínum í Bryðjuholti
og skólagöngu.
Ragnhildur: Eg var auðvitað í skólanum á Flúðum
frá 10 til 14 ára aldurs. Veturinn eftir að ég fermdist
var ég hjá Herði og Þóru í Reykjadal sem létta-
stúlka. Þóra er enn á lífi og hefur vinskapurinn við
hana og hennar fólk haldist síðan. Þarna var ég í
fjósi og eldhúsi og við að passa Torfa Harðarson.
Torfi teiknaði síðar mynd af kofanum í Fossrófum,
sem nágrannar og eftirleitarfélagar gáfu Jóni, þegar
hann varð 60 ára. Það voru aðallega Vilborg og
Loftur, sem stóðu fyrir því að fá Torfa til að mála
þessa mynd fyrir hann.
Síðan vann ér heima við búið til 18 ára aldurs.
Maður lifði auðvitað og hrærðist í búskapnum þessi
ár og var vaninn við vinnu. Það var líka mikið um
hannyrðir á heimilinu og ég var alin upp við að flest
væri gert heima, prjónað og saumað. Móðir mín var
mikil hannyrðakona, og hún kenndi okkur það, sem
ég hef reynt að hafa í heiðri, að allt sem þú gerir,
áttu að að gera eins vel og þú getur. Mamma átti
prjóanavél, sem var mikið notuð. Sjálf keypti ég
mér prjónavél þegar ég var um tvítugt. Ég get líka
montað mig af því að ég saumaði sjálf fermingar-
kjólinn minn í handavinnu í skólanum veturinn áður
en ég fermdist, og fannst handavinnukennaranum
allavega nokkuð til um það!
Átján ára fór ég í húsmæðraskólann Varmalandi í
Borgarfirði. Það entist þó stutt því mér leiddist, og
eftir 3 vikur var ég komin heim og fór beina leið
hingað í Kotið. Við Jón höfðum þekkst frá því ég
var 16 ára og hér hef ég verið síðan!
L-B: Þá er komið að því að forvitnast um þínar
ættir og uppruna Jón.
Jón: Ég er fæddur 8. október 1929 og foreldrar
mínir voru Karl Jónsson og Sigþrúður Guðnadóttir.
Karl faðir minn var ættaður úr
Laugardal og Grímsnesi, fæddur
1904. Foreldrar hans voru Jón
Grímsson Laugardalshólum og
Guðný Amórsdóttir frá Minna-
Mosfelli í Grímsnesi. Hún var systir
Einars Arnórssonar, sem var síðasti
íslandsráðherrann. - Hannes Hafstein
var sá fyrsti, 1904. -
Sigþrúður móðir mín var fædd í
Þjórsárholti í Eystrihreppnum 1896
og flutti að Gýgjarhóli með foreldr-
um sínum þegar hún var bam.
Foreldrar hennar voru Guðni Diðriks-
son og Helga Gísladóttir frá
Vatnsholti í Flóa, en Guðni var einn
af Diðrikunum hér í Tungunum, -
sem þóttu ríkir og rassíðir,! sonur
Diðriks Diðrikssonar. Diðrik eldri
var líka forfaðir Rönku. Eins og þú
sérð, erum við öll hvert undan öðru! Aðrir af þeirri
ætt voru Kristján Diðriksson, faðir Sveins frá
Drumboddsstöðum, Jón Diðriksson í Einholti, afi
Haraldar og Trausta í Einholti og Gísli Guðmunds-
son Diðrikssonar frá Kjarnholtum, afi Gísla heitins
oddvita.
Gísli langafi minn í Vatnsholti var járnsmiður og
mætur maður. Einu sinni dó maður brennivínsdauða
á víðavangi og var fluttur í smiðju til Gísla og
lagður til á bak við aflinn. Þegar karl vaknar, sér
hann í glæðurnar og spyr: „Hvar er ég“?. „í
Helvíti“ svarar Gísli. „Ónei“ segir karl þá, „ekki er
hann Gísli minn í Vatnsholti þar“!
Foreldrar mínir bjuggu fyrst í Efsta-Dal, en faðir
Fjölskyldan í Bryðjuholti. Efri röðfrá hœgri: Sigurður Hjalti,
Helga, Ragnhildur, Guðmundur Gunnar. Neðri röð: Guðfinna,
Magnús og Sigríður, foreldrar þeirra systkina og Anna.
Litli Bergþór 8