Fréttabréf Ættfræðifélagsins - 01.03.2002, Blaðsíða 5

Fréttabréf ættfræðifélagsins í mars 2002
svo voru kenningar á nitjándu öld um móður rétt, en
þetta getum við látið liggja milli hluta.
Kirkjan reynir að slíta síg úr þessu samfélagi,
meðal annars með því að lögleiða ókvæni klerka.
Síðasti löglega kvænti kaþólski biskupinn á Islandi
var Magnús Gissurarson sem dó 1236, eftir það voru
þeir einlífismenn en tóku sér stundum konur til
fylgilags. Með þessu vannst tvennt, klerkar gátu
eingöngu helgað sig kirkjunni og ættartengslin voru
að nokkru leyti rofin. Þetta var þáttur í sjálfstæðis-
baráttu kirkjunni þannig að hún kirkjan yrði óháð,
veraldlegri höfðingjastétt og valdaættum.
[Þetta er tekið upp á hljóðsnældu, skrifað niður, síðan
skráð á tölvu. Olgeir Möller, ritari ÆF, 31/1-2002, síðar
lesið og yftrfarið af Sigurði Líndal].
Sigurður Helgi Theódórsson Líndal
Sigurður Helgi Theódórsson Líndal
fæddist 2.7.1931 í Reykjavík, stúdent
frá MR 1951, lauk BA-prófi í latínu og
sagnfræði frá Háskóla Islands 1957, cand.
juris þaðan 1959, sótti framhaldsnám í
réttarsögu í Kaupmannahöfn 1960/61 og við
Rheinische Friedrich Wilhelms Universitat í
Bonn sem styrkþegi Alexander von Hum-
boldt stofnunarinnar 1961/62, tók einkaflug-
mannspróf 1967, cand. mag í sagnfræði frá
Háskóla Islands 1968, fulltrúi borgardómara og síðar
yfirborgardómara 1959/64, hæstaréttarritari 1964/72,
lektor við lagadeild Háskóla íslands frá 1967,
prófessor þar frá 1972 til starfsloka 2001. Meðal
fjölmargra félags- og trúnaðarstarfa var Sigurður
kjörinn forseti Hins íslenska bókmenntafélags 1967,
var dómari í Félagsdómi 1974/81, forstöðumaður
Lagastofnunar Háskóla íslands 1976/01, afkasta-
mikill rithöfundur einkum á sviði réttarsögu, svo
eitthvað sé nefnt [sjá frekar um félags- og trúnaðar-
störf hans og ritakrá í Lögfræðingatali 1736-1992,
1993, #1192].
Maki (9.9.1979): Jóhanna María Jóhannsdóttir,
f. 18.7.1943 í Reykjavík, lauk BA Econ-prófi
(Hons.) frá Manchester University 1966, skrifstofu-
stjóri hjá Heimspekideild Háskóla íslands. Foreldrar
hennar: Jóhann Ingvar Pétursson, f. 4.8.1918, d.
26.9.1990, vélfræðikennari í Reykjavík, og ísafold
Kristjánsdóttir, f. 22.5.1907, d. 27.7.1996, húsmóðir
í Reykjavík. Dóttir þeirra Maríu er Þórhildur
Sigurðardóttir Líndal, f. 10.3.1980 í Reykjavík;
stjúpdóttir Sigurðar en dóttir Maríu er Kristín
Vilhjálmsdóttir, f. 31.1.1973 í Reykjavík.
Um uppruna sinn og ættir sagði Sigurður m.a.
eftirfarandi í fyrirlestri sínum, en útdráttur úr honum
birtist hér á síðum Fréttabréfs Ættfræðifélagsins [með
viðbótum úr Lögfræðingatali, 1993 / birt á ábyrgð
ritnefndar Fréttabréfs Ættfræðifélagsins / ÓHÓ]:
„Faðir minn hét Theódór Björnsson Líndal, f.
5.12.1898, d. 2.2.1975. Hann var hæstaréttarlög-
maður og síðar prófessor við Háskóla íslands. Faðir
hans og föðurafi minn hét Björn Jóhannesson
Líndal, f. 5.6.1876, d. 14.12.1931, ættaður frá Sporði
í Línakradal í Þorkelshólshreppi í V-Húnavatnssýslu,
sem er milli Miðfjarðar og Víðidals. Þaðan
er nafnið „Líndal" komið. Nokkrir Hún-
vetningar hafa borið Líndals-nafnið, eins og
t.d. Jakob Líndal á Lækjarmóti og Jónatan
Líndal á Holtastöðum, en þar er ekkert
samhengi á milli. Aðurnefndur afi minn
Björn Jóhannesson Líndal, tók lagapróf frá
háskólanum í Kaupmannahöfn 1907 og þar
festist nafnið „Líndal" við hann. Hann
giftist danskri konu, sem er ekki amma mín.
Björn var yfirréttarmálflutningsmaður, bóndi,
útgerðarmaður og alþingismaður á Svalbarði á Sval-
barðsströnd í S-Þingeyjarsýslu. Föðuramma mín og
barnsmóðir Björns, hét Sigríður Metúsalemsdóttir, f.
29.4.1863, d. 15.8.1939, ættuð frá Halldórsstöðum í
Laxárdal í S-Þingeyjarsýslu, var húsfreyja á Staðar-
bakka í Miðfirði, þá gift séra Lárusi Eysteinssyni, f.
4.3.1853, d. 5.5.1890. Síðar bjó hún á Húsavík og
loks í Reykjavík Hún var dóttir Metúsalems, f.
5.12.1832, d. 6.3.1905, síðast bónda á Helluvaði og
Arnarvatni í Mývatnssveit í Skútustaðahreppi
Magnússonar. Móðir mín hét Þórhildur Pálsdóttir
Líndal, fædd Briem, f. 7.12.1896, d. 12.3.1991, hús-
freyja í Reykjavík. Hún var dóttir Páls Jakobs
Eggertssonar Briem, f. 19.10.1856, d. 17.12.1904,
síðast amtmanns og alþingismanns á Akureyri. Ég
rek þá ætt ekki frekar, enda kannast margir við
niðjatal Gunnlaugs Briem, langalangafa míns, sem er
tiltölulega nýkomið út [1990]. Móðuramma mín,
seinni kona Páls Briem, hét Álfheiður Helga
Helgadóttir Briem, f. 11.11.1868, d. 28.9.1962. Hún
var dóttir Helga Hálfdánarsonar, f. 19.8.1826, d.
2.1.1894 prestaskólakennara, sonar Hálfdáns Einars-
sonar prests á Eyri við Skutulsfjörð og fyrri konu
hans Álfheiðar Jónsdóttur frá Möðrufelli í Eyjafirði.
Móðir Álfheiðar og kona Helga var Þórhildur
Tómasdóttur, f. 28.9.1835, d. 29.1.1923, sem var
dóttir Tómasar Sæmundssonar, Fjölnismanns, og
konu hans Sigríðar Þórðardóttur frá Garði í Aðaldal
í S-Þingeyjarsýslu.“
(Heimildir: Lögfræðingatal 1736-1992, Reykjavík 1993, útg.
Iðunn, (c) Lögfræðingafélag fslands 1993, ritstjóri Gunnlaugur
Haraldsson; #1192, 1332, 211, 1052).
http://www.vortex.is/aett
5
aett@vortex.is