Fréttabréf Ættfræðifélagsins - 01.03.2002, Blaðsíða 22

Fréttabréf ættfræðifélagsins í mars 2002
12. Ættargranskingarfelagið KT-SLEKT
Það gladdi stjórn Ættfræðifélagsins að fá fregnir af
því að ættfræðifélag, „Ættargranskingarfelagið KT-
SLEKT“, hefði verið stofnað hinn 1. febrúar 2001 í
Tórshavn (Havn) í Færeyjum. íslendingar og
Færeyingar eiga svo margt sameiginlegt, sem tengja
þjóðirnar öflugum böndum, ekki hvað síst sterk
blóðbönd - forn og ný, enda hafa samskipti þjóðanna
verið mikil í tímans rás og verða áfram, svo þarna
var um mjög svo spennandi framtak að ræða, sem
gagnast getur ættfræðirannsóknum er stundir líða -
bæði í Færeyjum svo og á Islandi.
Markmið félagsins er að tölvuskrá færeysk mann-
töl, þ.e. „at teldutaka fólkateljingar...“ [telda = tölva],
sem er bæði metnaðarfullt og stórhuga framtak.
I tilefni af stofnun félagsins ákvað stjórn
Ættfræðifélagins að færa Ættargranskingarfelaginu
KT-SLEKT, að gjöf manntöl, sem Ættfræðifélgið
hefur gefið út, þ.e. Manntölin frá 1845 S, V og NA -
þrjú bindi; svo og Manntöl 1910 I, II, III og IV -
fjögur bindi. Svo og nokkra árganga að Fréttabréfi
ÆF.
S.l. sumar var einn stjórnarmanna Ættfræði-
félagsins, Ragnar Böðvarsson, á ferð í Færeyjum og
hitti þar einn eða fleiri stjórnarmanna KT-SLEKT og
kom þannig á persónulegum samböndum.
Formaður Ættfræðifélagsins brá sér til Færeyja
dagana 16. til 19. febrúar 2002 með áðurnefndar
bókagjafir og afhenti þær á aðalfundi Ættar-
granskingarfelagsins KT-SLEKT, sem haldinn var
laugardaginn 16. febrúar2002.
Var fróðlegt að fylgjast með aðalfundinum og
þeim stórhug sem kom fram hjá fundarmönnum, þar
sem þeir á skipulegan hátt hafa skipt með sér verkum
við þessa teldutöku. Þá hélt formaður erindi um Ætt-
fræðifélagið og það helsta, sem er á döfinni í ætt-
fræðistörfum á Islandi, og svaraði síðan fyrirspurn-
um fundarmanna. Þakkaði formaður félagsins
Goeran Wennerström gjafimar og kveðjur, og bað
einnig fyrir kveðjur og þakklæti til Ættfræðifélags-
ins með ósk um frekara samstarf í framtíðinni, sem
komið er hér með á framfæri og leysti hann út með
bókagjöf.
Vonandi verður gerð betri grein fyrir þessari ferð
í Fréttabréfinu.
13. Fjármál
Reikningar félagsins sýna allgóða stöðu fjármála og
eigna félagsins. Agúst Jónatansson, gjaldkeri, stend-
ur vel að verki og heldur vel um fjárreiður félagsins.
Sjá hér síðar í Fréttabréfinu.
14. Stjórnarmenn kveðja
Það er nú svo í lífinu að menn koma og fara. Nú
verðum við að sjá á bak tveimur stjórnarmönnum -
þeim Hauki Hannessyni og Magnúsi Óskari
Ingvarssyni, sem um nokkurra ára skeið hafa lagt
félaginu lið - aðallega á sviði Fréttabréfsins og lagt
þar mikið af mörkum og stuðlað að eflingu þess, sem
hefur getið sér góðs orðs.
Haukur hætti í varastjóm strax í byrjun starfsárs -
hann átti sæti stjórn félagsins þegar frá 1997,
varamaður, 1998 meðstjórnandi, 1999 varaformaður,
2000 meðstjórnandi og 2001 sem varamaður í stjórn.
Haukur hefur löngum verið aðalmaður við
Heimasíðu félagsins, sem hann tók við árið 1997, og
mun svo verða áfram. Hann sá og um útgáfu á
Félagatali félagsins, sem kom út í júní 2000. Sat og
í ritnefnd Fréttabréfsins, sá um umbrot þess og
viðskipti við prentsmiðjur. Er það vandasamt verk,
sem mikla alúð verður að leggja í. Hafi hann þökk
fyrir.
Magnús Óskar [MÓI] kom til liðs við stjórn
félgsins 1998 sem varamaður, og áfram 1999, árið
2000 varð hann ritari stjórnar en meðstjórnandi
2001. Sat og í ritnefnd Fréttabréfsins og lagði þar
drjúga hönd á ritun efnis og útvegun, sem er geysi-
mikið verk. Störf hans einkenndust af nákvæmni og
samviskusemi. Þá var ekki síður mikilvægt fyrir
óreyndan formann að leita til MÓA um ráð, þegar
vandasöm málefni skutu upp kollinum. Þá var gott
að eiga hann að. Þótt hann segi nú skilið við stjórn
félagsins, þá hefur hann heitið því að styðja félagið
áfram, t.d. með skrifum í Fréttabréfið; er það
fagnaðarefni, ég mun ganga eftir því svona í róleg-
heitum. Hafi hann þökk fyrir.
Það er sjónarsviptir að sjá á bak þessum félögum
úr stjórninni. Þakkaði formaður þeim félögum og
óskaði þeim góðs farnaðar á lífsins vegum. Undir
þessar þakkir tóku fundarmenn með því að klappa
duglega fyrir þeim.
15. Tala félaga
Stjórninni telst svo til að tæplega 800 séu skráðir
félagar, þar af eru tæplega 600 skuldlausir. Rætt
hefur verið um hvernig standa skuli að sendingum
Fréttabréfs til skuldugra félaga. Við hvað skal miðað,
þegar hætta skal?
Nýir félagar 2001: Á síðasta starfsári hafa 25
einstaklingar og 2 stofnanir gengið í félagið.
Hœttir félagar 2001: Á síðasta starfsári hafa 20
einstaklingar sagt sig úr félaginu, um helmingur
þeirra er um áttrætt - er mikil eftirsjá í þeim.
Látnir félagar 1999-2001: Á síðustu starfsárum
1999-2001 létust 14 félagar, sem ekki hefur verið
gerð grein fyrir áður, þar af einn 1999,7 árið 2000 og
6 árið 2001 eftir því sem stjórnin hefur komist næst,
kannski fleiri, án þess að stjómin hafi fengið spumir
um það. Vísast í skrá um Látna félaga 1999-2001
annars staðar í Fréttabréfinu.
Ólafur H. Óskarsson, fonnaður
http://www.vortex.is/aett
22
aett@vortex.is