Árbók VFÍ - 01.01.1991, Blaðsíða 69

TækniannáH 67
7 Samgöngur og fjarskipti
7.1 Vegamál og gatnagerð
Bifreiðaeign landsmanna jókst verulega milli áranna 1987 og 1988 eða alls um 3.72%.
í samræmi við almenna efnahagsþróun hérlendis sem lýsti sér í miklum samdrætti
einkaneyslu á árinu 1989 varð verulegur samdráttur í innflutningi bifreiða á árinu 1989
þannig að bifreiðaeign landsmanna dróst saman um 3.32% á árinu.
Þessi samdráttur varð mun sterkari í fólksbílaeign en hjá vöru- og sendibílum eða
3.48% á móti 1.62% enda hafði innflutningur fólksbifreiða aukist mun meira árið á
undan.
Nýskráningar fólks- og hópferðabifreiða voru samkvæmt bráðabirgðatölum frá
Bifreiðaskoðun íslands 6601 á árinu 1989 á móti 14417 á árinu 1988 svo segja má að um
hrun hafi verið að ræða.
Heildarútgjöld til vegamála reiknuð á föstu verðlagi drógust saman á árinu og
lækkuðu úr 3,84 milljörðum á árinu 1988 í 3,787 milljarða á árinu 1989 reiknað á verðlagi
ársins 1989.
Samdráttur varö í þjóðarframleiðslu íslendinga á árinu 1989 og það leiddi til þess að
útgjöld til vegamála uröu hærra hlutfall af þjóðarframleiðslu á árinu 1989en árið áðureða
1.34% á móti 1.25% árið 1988. Þetta hlutfall varð lægst 1.16% 1987 en hæst 2.35% árið
1972
Samkvæmt fjárlögum hefur verið reiknað með því að markaðir tekjustofnar
vegasjóðs nægðu fyrir útgjöldum.
Raunin varð sú að tekjuafgangur varö 1987 og 1988 þannig að inneign vegasjóðs hjá
ríkissjóði nam 170 m.kr í árslok 1988.
I fjárlögum ársins 1989 var hins vegar þegar gert ráð fyrir þessum tekjuafgangi og
gott betur því reiknað var með að 682 milljón kr. af mörkuðum tekjustofnum vegamála
rynnu til ríkissjóðs.
Bráðabirgðatölur ríkissjóðs sýna að þessi upphæð nam í reynd 529 milljón kr.
Langstærstu útgjaldaliðir eru sem fyrr nýbygging og viðhald þjóðvega sem samanlagt
gera urn 80% útgjalda með nokkuð jafnri skiptingu.
Miðað við áriö á undan hefur viðhaldskostnaður þó aðeins aukist á kostnað
nýbygginga og anarra þátta.
Þannig jókst hlutfall viðhalds af heildarútgjöldum úr 36.7% árið 1988 í 39.9% árið
1989 en hlutfall nýbygginga lækkaði að sama skapi úr 42.6% árið 1988 í 41.8% árið 1989.
I viðhaldi þjóðvega með bundnu slitlagi hefur klæðning rutt öðrum aðgerðum til
hliðar eins og tafla 7.1 sýnir.
Taflci 7.1
Viðhald þjóðvegci með bmulnu slitlagi 1989
Viðhaldsaðferð fjöldi km
Malbikun............. 5.8
Pjöppuð þurrsteypa . . . 0.2
Afrétting + klæðning . . 4.9
Klæðning............. 180.1
Á árinu 1989 var unnið fyrir verulegt fé að svokölluðum stórverkefnum á stofnbraut-
um. Unnið var áfram við gerð ganga í Ólafsfjarðarmúla auk þess sem unnið var að
undirbúningi Vestfjarðaganga og hafnar forrannsóknir á Hvalfjarðargöngum með tilliti
til jarðfræði og umferðaþunga.