Árbók VFÍ - 01.01.1991, Blaðsíða 71

Tækniarmáll 69
Töluverðar breytingar voru gerðar á Suðurlandsbraut á árinu á svæðinu milli
Grensásvegar og Kringlumýrarbrautar.
A árinu voru verulegar framkvæmdir við Sætún undirbúnar en hún verður breikkuð
og gerð að aðalumferðaræð við sjávarsíðuna.
Þá var áfram haldið frumathugunum á framtíðartengingum borgarinnar til austurs
samfara vexti byggðarinnar í Grafarvogi og framtíðarsvæðinu í Geldinganesi.
7.2 Hafnargerð
Framkvæmdir í hafnargerð á árinu 1989 skiptust á eftirfarandi máta:
Almennarhafnir........ 650.1 millj. kr.
Reykjavíkurhöfn....... 227.3 millj. kr.
Landshafnir...........34.5 millj. kr.
Ferjuhafnir ..........3.0millj.kr.
Hér er um að ræða nokkuð hærri upphæð en árið 1988.
Haldið var áfram gerð ferjubryggju í Stykkishólmi þar sem sett var upp ferjubrú og
viðlegubryggja úr tré fyrir ferjuna. Einnig voru settar upp flotbryggjur fyrir smábáta alls
30 m. Kostnaður við framkvæmdina á árinu var 57.6 milljónir kr.. Einnig var sett upp
ferjubrú hinum megin Breiðafjarðar að Brjánslæk og kostaði sú framkvæmd kr. 22
milljónir á árinu
Á Akureyri var unnið við þekju og kantbita á stálþil í Fiskihöfninni auk þess sem þar
var unnið að dýpkunarlramkvæmdum. Heildarkostnaður var 37.8 milljónir.
í Reykjavíkurhöfn var lögð mest áhersla á uppbyggingu flutningahafnar í Sunda-
höfn. Lokið var við að lengja tvo helstu gámabakka landsins.
Kleppsbakki var lengdur í 315 metra og byggð ný landtenging fyrir ekjubrú.
Framkvæmdakostnaður 1989 var 37.8 milljón kr..
Holtabakki sem er helsta athafnasvæði Skipadeildar SÍS var orðinn of stuttur sem
tveggja skipa lega fyrir skip í áætlunarsiglingum og var oft verulegur skortur á
viðlegurými. Bakkinn var nú lengdur úr 195 í 245 metra og kostaði sú framkvæmd á árinu
1989 45 milljón kr..
Hafnargerð hófst einnig við Vogabakka á nýja hafnarsvæðinu í Kleppsvík í samræmi
við tveggja ára áætlun hafnarstjórnar en ráðgert er að taka nýtt hafnarsvæði þar í notkun
1990. Þetta voru mestu framkvæmdir ársins og varð framkvæmdakostnaður 87.4 milljónir
kr.
Hafnarstjórn reiknar með að viðhaldskostnaður mannvirkja hafnarinnar fari hækk-
andi á næstu árum og dragi þannig til sín fé frá nýbyggingunt en mörg af eldri
mannvirkjunum einkum í Gömlu höfninni eru nú nær ónothæf vegna aldurs.
7.3 Fjarskipti
Póst- og símamálastofnunin fjárfesti fyrir 625,7 milljónir króna á árinu 1989. Áframhald
varð á raunminnkun fjárfestinga milli ára eins og meðfylgjandi súlurit úr ársskýrslu
stofnunarinnar sýnir.
Á sama tíma hefur orðið raunlækkun á gjaldskrá Pósts og síma en engu að síður hafa
tekjur stofnunarinnar aukist vegna þeirra miklu tækniframfara sem orðið hafa og leyfa
aukna umferð og hagkvæmar fjárfestingar.
Áberandi breytingar hafa verið innan þjónustuliða stofnunarinnar.
Þannig er stöðugur samdráttur í telexumferð til og frá landinu.
í stað telex kemur hraðvaxandi notkun myndrita og gagnanets.