Árbók VFÍ/TFÍ - 01.06.2009, Page 31
og annars tæknimenntaðs fólks. Orðasafnið er unnið samkvæmt alþjóðlegum staðli um
íðorðafræði og er sérstakur kafli í bókinni helgaður þeirri fræðigrein.
Iðorðabókin var ritdæmd á vegum Stofnunar Árna Magnússonar í íslenskum fræðum
síðla árs 2008. Ritdómurinn er birtur í 29. árgangi tímaritsins íslenskt mál og almenn mál-
fræði sem íslenska málfræðifélagið gefur út. Iðorðabókin fær mjög góða umsögn í rit-
dómnum og kemur vel fram hvernig Orðanefnd BVFl hefur aukið íslenskan orðaforða og
með vönduðum skilgreiningum hefur verið mótað orðafar á íslensku í umhverfistækni.
íðorðabókin telst vera tímamótaverk í íðorðafræðum á íslandi. Ritdómara þykir þetta
metnaðarfulla verk ekki hafa fengið verðskuldaða athygli og hvetur til betri kynningar
og dreifingar á bókinni. Stjórn BVFÍ vinnur nú að úrbótum í þeirn efnum.
Starfsemi Orðanefndar BVFI hefur legið að mestu niðri frá útgáfu íðorðabókarinnar.
Unnið er að endurvakningu nefndarinnar en mikill áhugi er hjá BVFÍ að viðhalda því
mikla starfi sem farið hefur fram innan nefndarinnar.
Sveinn Óli Pálmarsson, formaður BVFÍ
Rafmagnsverkfræðingadeild
I stjórn RVFÍ starfsárið 2008-2009 sátu Reynir Freyr Bragason formaður, Eyrún Linnet
stallari, Ólafur Páll Einarsson ritari og Stefán Rósinkrans gjaldkeri. Starfsemi deildar-
innar hefur verið með hefðbundnum hætti. Þema vetrarins 2007-2008 var jarðvarmi og
veturinn 2008-2009 hefur það verið nýsköpun á sviði rafmagnsverkfræði.
Aðalfundur RVFÍ 2008 var haldinn í Reykjanesvirkjun 28. maí 2008 þar sem ofangreind
voru kosin í stjórn. Að loknum hefðbundnum aðalfundarstörfum fengu fundargestir að
fara í skoðunarferð um virkjunina og sýninguna Orkuverið Jörð. Víðir Sveinn Jónsson,
kynningarstjóri HS, leiddi hópinn bæði um virkjunina og sýninguna og var margt mjög
áhugavert að sjá. Sýningin Orkuverið Jörð vakti mikinn áhuga fundargesta enda sjaldan
sem útskrifaðir verkfræðingar fá að „leika" sér. Sýningin er byggð upp til að fræða gesti
um orku jarðar og fá þeir að gera tilraunir sem ætlað er að varpa ljósi á viðfangsefnið.
Þann 9. maí 2008 var haldin móttaka í Verk-
fræðingahúsinu við Engjateig þar sem heiðurs-
verðlaunin „Rafmagnsverkfræðingur ársins" voru
veitt í annað sinn. Að þessum atburði standa VFÍ,
með þátttöku RVFÍ, og IEEE á íslandi. Markmiðið
er m.a. að vekja athygli á árangri rafmagnsverk-
fræðinga í starfi og afrekum þeirra sem vert er að
halda á lofti. Verðlaunin eru veitt þeim raf-
magnsverkfræðingum sem hverju sinni þykja skara
fram úr í störfum sínum á sviði rafmagnsverkfræði
eða fyrir íslenskt samfélag. Sameiginleg dómnefnd
VFI og IEEE á Islandi valdi verðlaunahafana en að
þessu sinni hlutu tveir verkfræðingar verðlaunin,
þeir Árni Benediktsson fyrir úrræðagóðar lausnir
við gangsetningu Kárahnjúkavirkjunar og Þór Jes
Þórisson fyrir aðild sína að uppbyggingu gagna-
neta Símans.
Verðlaunahafarnir tveir. F.v. Árni Benediktsson,
þróunarstjóri orkusviðs Landsvirkjunar og Þór
Jes Þórisson, framkvæmdastjóri tæknisviðs
Símans hf.
Þann 14. janúar 2009 var farið í heimsókn til heil-
brigðistækni- og nýsköpunarfyrirtækisins Kine.
Þar tók Baldur Þorgilsson á móti hópnum og sagði
frá fyrirtækinu. Kine starfar á sviði heilbrigðistækni og sérhæfir sig m.a. í þráðlausum
vöðvaritsmælum (EMG), hreyfigreiningartækni og þróunum á lausnum til mælinga á
lífeðlisfræðilegum stærðum fyrir rannsóknir, endurhæfingu, vinnuvistfræði og íþróttir.