Árbók VFÍ/TFÍ - 01.06.2009, Page 37
Félag um hljóðhönnun (eða hljóðtækni eða hljóðverkfræði) var stofnað haustið 2006 sem
faghópur innan vébanda VFÍ og TFÍ. í ágúst 2008 stóð félagið fyrir alþjóðlegri hljóðhönn-
unarráðstefnu á íslandi, B-NAM 2008. Þetta er norræn ráðstefna sem haldin er annað
hvert ár til skiptis af norrænu fagfélögunum um hljóðhönnun. Eystrasaltslöndin hafa
einnig átt aðild að henni síðastliðinn áratug. Þetta var í fyrsta skipti sem þessi ráðstefna
er haldin á íslandi.
Ráðstefnan heppnaðist mjög vel. Þátttakendur voru um 110 og haldin voru 47 styttri
erindi auk tveggja lengri erinda frá gestafyrirlesurum, sem báðir voru mjög góðir. Hin
erindin 47 voru flutt í tveimur samsíða lotum, en einnig var svokallað „workshop" um
ákveðið málefni (gæðaflokkun íbúðarhúsnæðis m.t.t. hljóðeinangrunar). Sett var á fót
heimasíða, www.bnam2008.com, þar sem sjá má dagskrá ráðstefnunnar. Fyrirlestrarnir
voru settir inn á usb-lykla sem þátttakendur fengu til eignar, en þeir eru líka vistaðir á
heimasíðunni og ætlunin er að halda henni gangandi í nokkur ár. Heimasíða ráðstefn-
unnar er vistuð á vefsvæði VFÍ/TFÍ, en stutta slóðin hér að ofan á að virka næstu árin.
1 heild má segja að ráðstefnan hafi verið mikil lyftistöng fyrir íslenska hljóðhönnun með
mikilli þátttöku íslendinga í ráðstefnunni, og 13 erindi af 47 styttri erindunum voru
haldin af íslendingum. Þetta er langmesta og langvirkasta þátttaka Islendinga í þessari
ráðstefnu hingað til.
Faghópurinn virkar útávið sem sérstakt félag, og er aðili að evrópskum samtökum
hljóðtæknifélaga, EAA (European Acoustics Association), og samsvarandi norrænum
samtökum líka, NAA (Nordic Acoustics Association), en B-NAM ráðstefnan er haldin í
þeirra nafni annað hvert ár.
Faghópurinn er opinn öllum þeim sem áhuga hafa á hljóðhönnun og hljóðvist innanhúss
og utanhúss. Þeim sem hafa áhuga á að starfa með félaginu er bent á að skrá sig hjá skrif-
stofu VFÍ/TFÍ/SV og koma netfangi sínu á póstlista faghópsins. Meðlimir í hópnum eru
nú um 45.
Steindór Guðmundsson formaður
Endurmenntunar- og símenntunarnefnd VFÍ,TF( og SV
Endurmenntunar- og símenntunarnefnd VFÍ, TFÍ og SV (ENSÍM) starfar að endur-
menntunarmálum félaganna. A starfsárinu voru haldnir fundir með starfsmönnum
Endurmenntunar Háskóla íslands um leiðir til að auka framboð af námskeiðum fyrir
verkfræðinga og tæknifræðinga. í ársbyrjun 2009 var gerð fræðslukönnun í þeim tilgangi
að fá upplýsingar um óskir félagsmanna varðandi endur- og símenntun. Þátttaka var
ekki eins mikil og vonast var eftir en 215 svör bárust. Endurmenntun HI og Ensím-
nefndin munu hafa niðurstöðurnar til hliðsjónar og reyna að tryggja gott framboð af
námskeiðum. Þegar þetta er ritað liggja fyrir drög að formlegum samstarfssamningi
Endurmenntunar HÍ og félaganna þriggja, VFÍ, TFI og SV. Markmiðið er að auka fram-
boð á námskeiðum, vinna saman að kynningu þeirra og efla tengsl skrifstofu félaganna
við Endurmenntun HÍ. Þá mun Endurmenntun bjóða félagsmönnum VFI, TFI og SV
valin námskeið á sérstökum afsláttarkjörum.
(slandsnefnd FEANI
TFÍ og VFÍ eru aðilar að FEANI, Evrópusamtökum félaga verkfræðinga og tæknifræð-
inga. TFÍ og VFÍ skipa sameiginlega sex manna nefnd, Islandsnefnd FEANI, sem hefur
það hlutverk að fjalla um málefni FEANI á Islandi. Félögin skiptast jafnframt á for-
mennsku í nefndinni til tveggja ára í senn. Vegna kostnaðar tekur íslandsnefnd FEANI
ekki virkan þátt í sérnefndum FEANI. Formaður nefndarinnar sækir hins vegar árs-
fundinn sem að þessu sinni var haldinn dagana 1.-4. október 2008 í Búkarest í Rúmeníu.
Fundinn sóttu 98 fulltrúar frá öllum 29 aðildarþjóðum FEANI.
3 5
Félagsmál Vfí/TFÍ