Árbók VFÍ/TFÍ - 01.06.2009, Blaðsíða 169
Stefna Verkfræði- og náttúruvísindasviðs
Verkfræði- og náttúruvísindasvið byggir sýn sína á
mikilvægri stefnumótunarvinnu sem unnin var
innan háskólans árið 2005. Þessi stefna speglar
stefnu háskólans - að vera framúrskarandi í
kennslu og rannsóknunr og hafa framúrskarandi
stjórnsýslu til að byggja undir þá ætlun að verða
einn af 100 bestu háskólum heims. Frá sameiningu
verkfræðideildar og raunvísindadeildar sumarið
2008 hafa verið haldnir tveir stefnumótunarfundir:
einn með kennurum og vísindamönnum sviðsins
°g síðan annar með öllum starfsmönnum. Fyrri
fundinn, í mars 2009, leiddi dr. Haukur Ingi
Jónasson, lektor í iðnaðarverkfræði-, vélaverkfræði-
°g tölvunarfræðideild. Þar var unnið að því að
endurmeta gildin sem störf okkar grundvallast á í
Ijósi þjóðfélagsástandsins. Gildin sem voru valin
voru frelsi, gleði, gæði og virðing. Síðan var farið í
þverfaglega hugarflugsvinnu til þess að finna fleti
þar sem starfsmenn mismunandi deilda geta átt
samleið í nýjum rannsóknarverkefnum. I ágúst
beindist stefnumótunarvinnan, undir handleiðslu
ór. Árna Geirssonar hjá ráðgjafarfyrirtækinu Alta,
að því að kanna stýritæki sviðsins og skoða hvernig
þau nýtast til að ná fram stefnunni. Upp úr þessum
vinnufundum er stjórn sviðsins nú að móta bæði
þverfaglega framtíðarsýn og skorkort fyrir allar
deildir. Þeirri vinnu lýkur í lok árs 2009.
Starfsemi sviðsins
Kennsla á sviðinu á þessu ári hefur haldið áfram
áfallalaust, þrátt fyrir þrengingar í þjóðfélaginu.
Stefna háskólans hefur verið að vernda störfin,
þannig að ekki hefur verið þrengt að kennslu nema
hvað kennslu- og tilraunastofur eru þéttar setnar.
Haustið 2008 voru teknir inn 510 bakkalár-
nemendur á sviðið (66% í verkfræði). í janúar 2009
tók sviðið við 220 nemendum (47% í verkfræði) og
í ágúst voru innritaðir 660 nemendur (48% í verk-
fræði). Síðan haustið 2008 hafa vinsælustu náms-
leiðirnar verið umhverfis- og byggingarverkfræði
(172 nýnemar), iðnaðarverkfræði (151) og vélaverk-
fræði (132). Aðrar vinsælar greinar á sviðinu eru
Jíffræði (142 nýnemar), ferðamálafræði (125),
h'lvunarfræði (108), lífefnafræði (99), rafmagns- og
tölvuverkfræði (86), jarðfræði (74), stærðfræði (69),
landfræði (62) og eðlisfræði (53).
Hemendum í framhaldsnámi hefur fjölgað veru-
lega á sviðinu. Frá haustinu 2008 hafa 188 hafið
tneisfaranám (79% í verkfræði) og af 60 nemendum
sern hafa hafið doktorsnámi eru 12 í verkfræði-
greinum (20%).
Starfsmenn verkfræði- og náttúruvísindasviðs Háskóla íslands við
stefnumótunarvinnu í mars 2009.
Hópmynd af starfsmönnum Verkfræði og náttúruvísindasviðs í
grillveislu að loknum stefnumótunarfundi (ágúst 2009.
Sviðsforseti og deildarforsetar við útskrift nemenda frá Háskóla
íslands í júní 2009. Frá vinstri: Sigurður S. Snorrason, forseti líf- og
umhverfisfræðideildar, Guðmundur G. Haraldsson, forseti raun-
vísindadeildar, Magnús Tumi Guðmundsson, forseti jarðvísinda-
deildar, Kristín Vala Ragnarsdóttir.forseti verkfræði- og náttúru-
vísindasviðs.Sigurður Magnús Garðarsson,forseti umhverfis- og
byggingaverkfræðideildar.Ólafur Pétur Pálsson,forseti iðnarverk-
fræði-, vélaverkfræði- og tölvunarfæðideildar,og Karl Sölvi
Guðmundsson,forseti rafmagns og tölvuverkfræðideildar.
Kynning og tæknigreina
fyrirtækja og stofnana
1 6 7