Neytendablaðið - 01.12.2005, Síða 12

í marshefti breska neytendablaðsins Which? er fjallað um hrein-
gerningu án kemískra hreinsiefna. Könnun Which leiddi í Ijós að oftar
en ekki duga gömul húsráð vel í baráttunni við óþrifnaðinn. Sitróna
virkar t.d. vel til að ná burt erfiðum blettum (blóð-, kaffi-, rauðvíns- og
grasblettum). í tilraun Which? kom í Ijós að sítróna reyndist sérstak-
lega vel á rauðvínsbletti en einnig á blóð- og grasbletti. Þá reyndist
sódavatn vel á kaffibletti. Hefðbundið hreingerningarefni reyndist
ekki eins vel og var einnig mun dýrara.
Sítróna á blöndunartækin og örbylgjuofninn
Sítróna virkar mjög vel til að hreinsa örbylgjuofninn. Sítrónusafi er
kreistur út í vatn og skálin sett í ofninn og hitaö að suðu. Eftir þetta
er auðvelt að strjúka óhreinindin innan úr örbylgjuofninum.
Sítróna var einnig notuð til að þrifa blöndunartæki. Sítróna er þá
skorin í tvennt (eða fleiri bita) og makað á blöndunartækin sem
veröa skínandi hrein. Þetta þótti nokkuð subbuleg aðgerð og var
auðveldara að nota hefðbundið sprey sem er þar aö auki ódýrara.
Hins vegar var árangurinn af sítrónuþvottinum mjög góður.
Oþarflega mikið af varasömum kemískum efnum
Margar hreingerningarvörur innihalda varasöm efni og því ætti að
nota þær í hófi. Flestar hreingerningarvörur innihalda ilmefni sem
geta verið ofnæmisvaldandi auk ýmissa efna sem oftar en ekki eru
óþörf inni á heimilum. Sítrónuilmur er t.d. mjög algengur i hrein-
gerningarvörum en best virðist vera að nota venjulega sítrónu meö
sínum náttúrulega ilmi og heitt vatn.
FLöSKUM EKKI Á PESSU...