Neytendablaðið - 01.03.2006, Blaðsíða 21

Neytandinn svarar
Hólmfriður Sveinsdóttir
Hólmfríður Sveinsdóttir svarar neytenda-
spurningunum að þessu sinni. Hólmfríður
er verkefnastjóri á Rannsóknamiðstöð
Viðskiptaháskólans á Bifröst. Hún er býr
því ýmist i Reykjavík eða í Borgarfirðinum
en þangað rekur hún ættir sínar.
Hvaða matvara skemmist oftast í ís-
skápnum hjá þér?
Uff, það er nú ýmislegt sem á það til að
skemmast í ísskápnum hjá mér. Ég bý ein
og þaö er mjög óhagkvæm fjölskyldustærð
þegar kemur að matarinnkaupum. Einni
fæðutegund hendi ég þó oftast og það eru
bananar. Það virðist vera einhverskonar
ástar-/haturssamband milli mín og banana.
Ég kaupi þá mjög oft og hendi þeim eigin-
lega jafn oft. Skrítið ...
Lestu allan markpóst sem kemur inn um
bréfalúguna?
Nei. Afskaplega lítið. Ég les reyndar miklu
meira af slíkum pósti á Bifröst. Það er
trúlega vegna þess að í Borgarfirði er hefö
að auglýsa fundi og aðra mannfagnaði á
dreifiblööum sem send eru á hvert heimili.
í Reykjavík aftur á móti les ég nánast ekki
neitt af þessum svokallaða ruslpósti.
Biður þú um Tax Free þegar þú verslar
erlendis?
Ég gerði það hérna áður fyrr en reyndin
varð oftast sú að ég hafði ekki tíma til að
innheimta „gróðann" þegar út á flugvöll var
komið. Ég hef ekki enn fyrirhitt þann flugvöll
í heiminum sem hefur þetta aðgengilegt. Ég
er því í langflestum tilfellum ekkert að ergja
mig eða afgreiðslufólkið á því aö biðja um
Tax Free-kvittanir.
Hefur þú keypt ónýtan hlut erlendis og
ekki getað skilaö?
Eina sem ég man eftir í augnablikinu eru
„skartgripir" sem ég keypti af einhverjum
götusala í ísrael sem áttu að vera með
einhverjum ægilega fínum steinum. Þegar á
reyndi var þetta mesta skran sem sést hefur
norðan Alpafjalla, held helst að þetta hafi
verið eitthvert lélegt sápulíki.
Hefur ýtinn sölumaður fengið þig til
að kaupa eitthvað sem þú hefðir aldrei
annars keypt?
Já, já það kemur fyrir. Síðast þegar það
gerðist var það á matsölustað þar sem
dýrindis kokteil var prangað upp á mig
(reyndar mjög góðum). Annars þarf alveg
sérstaka lagni á mig hvað þetta varðar. Ég
kaupi þannig ekkert í símasölu en kurteisu
og lymskulega ýtnu afgreiðslufólki tekst oft
að láta mig eyöa miklu meiru en efni standa
til og þörf er á.
Hvenær fórstu síðast í strætó?
Það er ansi langt síðan ég fór í strætó á
Islandi. Ég bjó i Belgiu fyrir rúmum tveimur
árum og notaði þá strætó talsvert. I skól-
anum sem ég var í fengu allir stúdentarnir
ókeypis strætókort. Mjög til eftirbreytni.
Hefurðu veitt í matinn?
Bara á sjóstöng og finnst það mjög skemmti-
legt. Ég er þó enn ekki komin það langt í
veiðimennskunni að ég geti hugsað mér að
koma við kvikindin strax eftir að þau koma
úr sjónum. Það verða aðrir að sjá um að
gera að aflanum. Svo fór ég reyndar einu
sinni á selveiðar við suðurströnd Grænlands
en við fengum því miður ekkert þannig að
ég varð af þeirri lífsreynslu. Sem betur fer
fyrir selinn.
Hvenær skiptir þú síðast um banka eða
tryggingafélag?
Hér kemst upp um íhaldssemi mína. Ég hef
aldrei skipt. En auðvitað á maður að vera vel
vakandi og fylgjast með hvort bestu kjörin
séu boðin. Eins og margir Borgfirðingar þá
má segja aö ég hafi fæðst inn í Sparisjóð
Mýrasýslu. Ég veit svo sem ekkert hvort ég
gæti fengið betri kjör annarsstaðar en ég er
viss um að ég fæ hvergi betri þjónustu en
þar.
Hvenær prúttaðir þú síðast um verð á
vöru?
Æi, ég er nú hálfaumur prúttari. Líður alltaf
eins og ég sé að ræna þann sem ég reyni
að prútta við. Veit þó að það er hin mesta
firra.
Hvað er versta neytendahneykslið sem þú
manst eftir?
Veit ekki hvað skal tiltaka. Ekki það að ég
sé sérstaklega gjörn á að hneykslast en mér
finnst samt margt hneykslanlegt sem snertir
íslenska neytendur. Verðsamráð er þannig
þeim sem slíkt stundar til mikillar hneisu,
má hér nefna oliufélagasamráðið fræga.
Mérfinnst líka hátt matvælaverð hérá landi
algjört hneyksli.
Hverju myndir þú vilja breyta varðandi
neyslu þína?
Ég get alveg örugglega bætt mig á mörgum
sviöum. Hvað matarinnkaup varðar þá hef
ég nú tekið stórstígum framförum undan-
farin misseri. Ég reyni að kaupa sem mest
lífrænt ræktað og án allra óþverraaukaefna.
Gallinn er að það er miklu dýrara en þaö fer
miklu betur í skrokkinn og því verður maður
að láta sig hafa það.
Viltu fá vín í matvöruverslanir?
Já, takk.
Kaupir þú vörur sem eru með vottuðu
umhverfismerki?
Já, ég geri það iðulega ef þær eru á boð-
stólum.
Ertu dugleg að flokka heimilisúrgang?
Nei, ekki nóg. Það eina sem ég flokka er
pappír, mjólkurfernur og dósir. Jú og ekki
má gleyma litlu stykkjunum sem halda
kveikjuþræðinum á sínum stað í sprittkert-
unum. Ég er afskaplega dugleg að safna
þeim. Mamma vinkonu minnar sendir þau
svo til konu í Afriku sem endurnýtir þau.
Þessi litlu stykki ku vera dýrasti partur kert-
anna.
Eru íslendingar meðvitaðir neytendur?
Nei, ég held að við séum almennt afskap-
lega lítið meðvituð sem neytendur. Við
getum hins vegar verið harðir KR-ingar,
kommar eða Hvolhreppingar - en við skil-
greinum okkar sjaldnast sem neytendur. Ég
veit ekki hvað er hægt að gera til að vekja
okkur til meðvitundar um mátt okkar sem
neytendur. Ég er þó sannfærð um að við
gætum áorkað ýmsu í neytendamálum ef
við létum af þessu sinnuleysi okkar og létum
okkur málin varða.
21 NEYTENDABLAÐIÐ1.TBL. 2006