Neytendablaðið - 01.11.2006, Side 24

Umsýsluþóknun fasteignasala
óheimil án samnings
Kaupendur geta þinglýst gögnum sjálfir
Neytendastofa hefur ákvarðað í máli er varðar umsýslugjöld fasteignasala og komist að þeirri
niðurstöðu að fasteignasölunni Fasteign.is hafi ekki verið heimilt að rukka kaupendur um
umsýslugjald þar sem ekki lá fyrir neinn samningur um slíkt.
Neytendasamtökin fagna þessari ákvörðun því hún er í samræmi við skoðun samtakanna sem
hafa gagnrýnt umsýslugjöldin sem fasteignasölur hafa í auknum mæli lagt á kaupendur. Fasteigna-
sölum er ekki heimilt að innheimta umsýsluþóknun nema að fyrir liggi samningur undirritaður af
kaupanda, þ.e.a.s. að kaupandi óski sérstaklega eftir því að kaupa þessa þjónustu. Þá berfasteigna-
sölum skylda til að upplýsa kaupendur um rétt þeirra til aö þinglýsa sjálfir skjölum í tengslum við
fasteignakaup.
Neytendasamtökin gagnrýna hversu langur tími leið frá því að erindið barst Neytendastofu og þar
til ákvörðun lá fyrir - eða rúm tvö ár. Á þessum tíma hafa fjölmargir samningar vegna fasteigna-
kaupa verið gerðir og því var áríðandi að fá úr því skorið sem fyrst hvort viðskiptahættir sem
þessir teldust réttmætir.
Á heimasíðunni www.ns.is er ítarlegri umfjöllun um málið og þar má einnig sjá ráðleggingar telji
fólk á sér brotið. Þá er að sjálfsögðu hægt að hringja í Neytendasamtökin og fá upplýsingar.