Bændablaðið - 10.03.2004, Blaðsíða 2

2 Miðvikudagur 10. mars 2004
Jónas Helgason,
formaður Æðar-
ræktarfélags
Íslands
Ekki verið
hægt að anna
eftirspurn
eftir æðardún
Gott útlit er með sölu á
æðardún á þessu ári eins og í
fyrra og eftirspurn er vaxandi.
Japansmarkaður hefur aftur
tekið við sér eftir
efnahagsþrengingar þar í
landi síðustu misserin. Þá dró
örlítið úr eftirspurn eftir
æðardún um tíma en
markaðurinn náði sér fljótt.
Jónas Helgason, formaður
Æðarræktarfélags Íslands, segir
að Japanir séu langstærstu
kaupendur æðardúns frá Íslandi.
Verulegt magn sé flutt héðan
beint til Japan og eins er nokkuð
flutt þangað í gegnum
Þýskaland. Verðið hefur verið
mjög gott að undanförnu. Jónas
segir mikið spurt um æðardún
um þessar mundir en ekki sé
hægt að anna eftirspurn þar sem
nánast öllum æðardún frá fyrra
ári er ráðstafað nú þegar.
Á undanförnum árum hefur
dúntekja hér á landi numið um
þrjú þúsund kílóum á ári. Jónas
segir að í fyrra hafi dúntekja
verið eitthvað minni en árin á
undan. Vegna hagstæðs
veðurfars í fyrra var
nýtingarhlutfall á dún með því
besta sem gerist. En minna var
af fugli en vanalega og segir
Jónas að svo hafi virst sem hann
vantaði æti.
,,Fugl kom eðlilega að sl.
vor en víða fór hann aftur til
sjávar til að fita sig betur og var
því seinni í varp en venjulega.
Þetta er einhver spurning um
lífríkið sem maður veit ekki
hvað var. Ég hef ekki trú á því
að vargur í varpi eigi sök á því
að minna var um fugl í fyrra en
venjulega. Aftur á móti er ég
mjög hræddur við
grásleppunetin fyrir ströndum
landsins. Sögur gengu um
mikinn æðarfugl í
grásleppunetum í Faxaflóa í
fyrra hvað sem rétt er í því. Fugl
sem lendir í netum kemur aldrei
aftur. En fugl sem ekki verpti í
fyrra vegna þess að hann var
ekki nógu feitur getur skilað sér
aftur í vor ef skilyrði verða
eðlileg," segir Jónas.
Hann bendir á að margt sé
að gerast í lífríkinu sem geti
raskað því svo sem hlýnandi
sjór. Menn viti ekki hvaða
afleiðingar það kann að hafa.
Sömuleiðis bendir Jónas á að
mikið af svartfugli hafi drepist í
fyrra og var talað um ætisskort í
því sambandi og vel má vera að
æðarfuglinn hafi skort æti.
,,En ef allt fer vel í vor er
útlitið heldur bjart hjá
æðarbændum," segir Jónas
Helgason.
Bændasamtökin hafa selt
orlofsíbúð þá við Bogahlíð sem
þau hafa rekið undanfarin tvö
ár. Í stað hennar hefur verið
tekin í notkun nokkru stærri íbúð
við Sólheima. Umsjónarmaður
er eins og áður Katla
Sigurgeirsdóttir, s. 821 4840. /JÓ
Landbúnaðarráðu-
neytið staðfestir gæða-
handbók í sauðfjárrækt
Landbúnaðarráðuneytið hefur
staðfest að gæðahandbók í sauð-
fjárrækt uppfylli öll helstu ákvæði
laga og reglugerðar um gæðastýr-
ingu í greininni. Gæðahandbókin
inniheldur ítarlegar leiðbeiningar
um hvernig skrá skuli upplýsingar
um þá þætti sem gæðakerfið tekur
til, s.s. grunnupplýsingar um
býlið, atburði, skýrsluhald, land-
notkun og beit, jarðrækt og fóður-
öflun, fóðrun, aðbúnað og um-
hverfi, heilsufar og lyfjanotkun.
Ennfremur öll eyðublöð sem þarf
til að skrá ofantalda þætti, auk
ýmissa gagnlegra upplýsinga.
Útgáfa, viðhald og dreifing
handbókarinnar er á ábyrgð
Bændasamtaka Íslands. Nánari
upplýsingar um gæðastýringu í
sauðfjárrækt má finna á vef BÍ,
www.bondi.is
Þann 17. apríl næstkomandi ætlar
Bútækniklúbbur skólafélags Landbúnaðarhá-
skólans á Hvanneyri að standa fyrir dráttar-
véladegi. Að sögn Sigurðar Þórs Guðmunds-
sonar, sem er annar tveggja talsmanna þessarar
skemmtunar, er hún í samvinnu við UMF Ís-
lending sem ætlar að nota tækifærið og standa
fyrir undankeppni í dráttarvélaakstri fyrir
Landsmót UMFÍ í sumar. Sömuleiðis er ætlunin
er að halda keppni í dráttarvélaakstri milli nem-
enda á Hvanneyri. Eins verður haldin þrauta-
keppni á vélum fyrir gesti og gangandi í sam-
vinnu við Bútæknideildina á Hvanneyri og
ráðsmann staðarins.
Öllum vélaumboðunum á Íslandi er boðið
að halda sýningu á dráttarvélum sínum og jarð-
vinnslutækjum þennan dag að Hvanneyri.
Haldin verður dráttarkeppni milli bænda í
sveitunum í nágrenni við Hvanneyri. Dráttar-
vagn fullhlaðinn áburði, alls um 50 tonn, verður
á staðnum og eiga bændur að koma með
dráttarvélar sínar og draga vagninn ákveðna
vegalengd undir tímamælingu. Fleiri átaks-
mælingar eru fyrirhugaðar. Búvélasafnið verður
með sérstaka sýningu þennan dag á vélum
safnsins. Í lokin verður haldin grill-pylsuveisla.
Þeir sem hafa áhuga á að taka þátt í
keppninni þurfa að láta skrá sig eigi síðar en 11.
mars. Sigurður Þór Guðmundsson og Hjalti
Steinþórsson gefa allar nánari upplýsingar í
símum 473-0062, 895-6003 og 868-0083.
Netfang þeirra er
nem.sigurdurthg@hvanneyri.is og
nem.hjaltis@hvanneyri.is
Dráttarvéladagur á Hvanneyri 17. apríl
"Þetta er elsta starfandi hrossa-
ræktarfélag landsins svo vitað sé þó
sennilega hafi fyrsta hrossaræktar-
félagið verið stofnað 1903 norður í
Húnvatnssýslu en það félag leið
síðar undir lok, „ sagði formað-
urinn, Bergur Pálsson í Hólmahjá-
leigu.
Hrossaræktarfélag A-Landeyja
hefur starfað óslitið í hundrað ár, af
mismiklum krafti þó. Upphaflega
var fyrirkomulagið þannig að
bændur hér útbjuggu stóðhesta-
girðingu sem var talin "fjörutíu
engja dagsláttur" að stærð og hélt
þar stóðhesta og hryssur. Félagið
var mjög öflugt í starfssemi sinni
oft á tíðum, t.d. á árunum 1930 til
1945, þá átti félagið sjálft alltaf
stóðhesta og lengi vel átti það tvo
hesta, þá Húna frá Hindisvík og
Börk frá Efra-Seli og þeir voru í
notkun í u.þ.b. fimmtán ár.
Stóðhestar helguðu sér svæði
„Fyrirkomulagið var þannig að
ekki var um stóðhestagirðingar að
ræða eins og við þekkjum nú á
dögum heldur gengu stóðin bara út
um allt og stóðhestunum var ein-
faldlega sleppt í hópinn. Þeir
helguðu sér svo svæði og hryssu-
hóp og þegar hópur hvers hests lá
fyrir komu bændurnir og skráðu
hvaða hryssur voru hjá hverjum
hesti og þannig var ættfærslan sett á
blað. Auðvitað eru vinnubrögðin
önnur nú en þarna höfðu menn ekki
önnur ráð og það er ljóst að þegar
hestarnir höfðu skipt merunum á
milli sín þá var ekkert um það að
þær flökkuðu á milli, þær ein-
faldlega tilheyrðu þeim hesti er
hafði valið þær. Svona var þetta
alveg framundir 1960 en þá gekk
félagið í Hrossaræktarsamband
Suðurlands og hefur haldið hesta
alla götur síðan, í sérstökum stóð-
hestagirðingum,“ sagði Bergur.
Ungfolasýning tókst vel
Félagið tilheyrir nú Hrossa-
ræktarsamtökum Suðurlands og
stundar enn stóðhestahald í Austur-
Landeyjum. Meðal hesta sem
félagið hefur boðið upp á eru Gauti
frá Reykjavík, Garpur frá Auðs-
holtshjáleigu, Víkingur frá Voð-
múlastöðum og margir fleiri. Hátt í
þrjátíu manns eru nú í félaginu og
starfsemin fer vaxandi. "Við höfum
bryddað upp á þeirri nýbreytni
undanfarin ár að verðlauna þá fé-
lagsmenn sem eiga hæst dæmdu
kynbótahrossin á svæðinu það árið
og svo höfum við farið í skemmti-
og fræðsluferð sem notið hefur
vinsælda. Í fyrra héldum við svo
ungfolasýningu þar sem ráðunautar
komu og tóku út tveggja, þriggja og
fjögurra vetra fola og það tókst
mjög vel."
Bergur segir það reginmis-
skilning að hrossarækt í Landeyjum
gangi út á kjöt- og blóðframleiðslu
þó auðvitað sé slíkt ágætis
aukabúgrein. "Vissulega eru hér
bændur sem hafa sínar tekjur úr
hrossarækt í gegnum þessa þætti,
en það er algerlega sér og tengist
annarri hrossarækt ekki neitt. Hér er
hópur manna og kvenna sem ræktar
prýðishross og af þessu svæði hefur
komið fjöldinn allur af feikna
góðum hrossum. Hrossaræktar-
félagið hefur metnað til að halda
slíku starfi áfram og við munum
bjóða upp á góðan fyrstu verðlauna
stóðhest í sumar eins og fyrri
sumur."
Spennandi ráðstefna
Metnaður félagsins nær einnig
út fyrir stóðhestahaldið því ráð-
stefnan sem félagið stendur fyrir
verður spennandi og má lesa nánar
um dagskrá hennar í auglýsingu hér
í blaðinu. Að kvöldi ráðstefnu-
dagsins mun félagið svo blása til
fagnaðar og sjálfsagt munu ein-
hverjir leggja þar drög að ræktun
ársins í ár og jafnvel hafa hestakaup
eins og góðra manna er siður í góðu
teiti. /HGG
Hundrað ár í hrossarækt
Hrossaræktarfélag Austur-Landeyja er elsta starfandi
hrossaræktarfélag í landinu en félagið fagnar 100 ára afmæli um
þessar mundir. Af því tilefni stendur félagið fyrir ráðstefnu í
Gunnarshólma föstudaginn 19. mars nk.
Bergur Pálsson, formaður
Hrossaræktarfélags A-Landeyja.
Félagið stendur fyrir opinni
ráðstefnu um sögu og þróun
hrossaræktar í Gunnarshólma í A-
Landeyjum, föstudaginn 19. mars
nk. kl. 13.
Vestfirðingar skeggræða við setningu búnaðarþings
Því verður seint trúað að þarna hafi skort umræðuefni. F.v. Vestfirðingarnir Jónas Helgason, formaður
Æðarræktarfélags Íslands, Guðmundur Grétar Guðmundsson, Kirkjubóli og Kristinn H. Gunnarsson,
þingmaður. Myndin var tekin í við setningu búnaðarþings.
23.mars
Útkomudagur næsta
Bændablaðs. Þarftu að
auglýsa?
Síminn er 563 0300