Bændablaðið - 10.03.2004, Qupperneq 11

Miðvikudagur 10. mars 2004 11
FRAMLEIÐNISJÓÐUR
LANDBÚNAÐARINS
AUGLÝSIR
Framleiðnisjóður landbúnaðarins styður með styrkjum og lánum verkefni til nýsköpunar og
framleiðniaukningar í landbúnaði og við aðra eflingu atvinnu í dreifbýli, sbr. lög nr. 89/1966.
Framleiðnisjóður leggur áherslu á að fjármagn sjóðsins verði til viðbótar framlögum frá
ábyrgðaraðilum verkefnanna, bæði eigin fjár og því sem þeir kunna að afla frá öðrum.
Framleiðnisjóður leggur á árinu 2004 áherslu á viðfangsefni sem hafi þessi markmið:
a. að auka framleiðni búgreina með rannsókna- og þróunarverkefnum
b. að styrkja tekjumöguleika á einstökum búum með nýsköpun í búrekstri
c. að efla kunnáttu og færni í búrekstri
d. að efla og styrkja markaði fyrir búvörur og þjónustu búanna
e. að styðja hagræðingu í úrvinnslu búsafurða og efla atvinnufyrirtæki í
dreifbýli
Mikilvægt er að í umsókn sé
markmið verkefnis sett fram með skýrum og mælanlegum hætti,
sýnt fram á faglega og fjárhagslega möguleika umsækjanda til þess að leysa verkefnið af hendi,
glögg grein gerð fyrir kostnaði við verkefnið og hvernig það skuli fjármagnað; einkum er
mikilvægt að gera grein fyrir eigin framlagi umsækjanda til verkefnisins.
sýnt fram á fýsileika verkefnis og áætlaðan ábata af því á fyrirsjáanlegum tíma.
Framleiðnisjóður landbúnaðarins áskilur sér rétt til þess
að meta með sjálfstæðum hætti getu umsækjenda til þess að standa undir fyrirætlunum sínum
og taka tillit til hennar við úthlutun styrkja (einkum hvað snertir faglega kunnáttu/færni á sviðinu
og fjárhagslega burði/möguleika/stöðu);
að meta framvindu og árangur verkefnis, sem styrkur hefur verið veittur til og haga greiðslu
hans samkvæmt niðurstöðu slíks mats. Í því sambandi er styrkþegum skylt að veita sjóðnum þær
upplýsingar sem hann telur sér nauðsynlegar í allt að fimm ár frá lokaúthlutun.
Nánari upplýsingar eru veittar á skrifstofu
Framleiðnisjóðs landbúnaðarins, Hvanneyri, 311 Borgarnes.
Sími 430-4300 / myndsími 430-4309 / netfang fl@fl.is
Umsóknum skal skilað til skrifstofu Framleiðnisjóðs landbúnaðarins, Hvanneyri - 311
Borgarnes, á umsóknareyðublöðum sem þar fást. Umsóknareyðublöð fást einnig á
skrifstofum búnaðarsambandanna og á heimasíðu sjóðsins, veffang: www.fl.is
Stjórn Félags ferðaþjónustubænda
hefur síðustu misseri rætt um
mikilvægi þess að skilgreina betur
stöðu ferðaþjónustubænda innan
landbúnaðarins og hvaða hlutverki
þeir eiga að gegna í landbúnaði
framtíðarinnar. Undirritaður hefur
velt þessu nokkuð fyrir sér og er
hér ætlunin að fjalla örstutt um
þetta málefni.
Ferðaþjónusta hefur verið
stunduð út til sveita frá örófi alda
þó svo að framan af væru ekki vel
skilgreindar viðskiptahugmyndir
þar að baki. Gestrisni bænda var
þannig mjög mikilvægur þáttur í
samgöngusögu þjóðarinnar því á
ferðalögum innanlands urðu
ferðalangar að treysta á velvild
gestgjafa um næturgreiða og aðra
þjónustu. Eftir miðja síðustu öld
tók að bera á nokkrum
sveitabæjum sem auglýstu
þjónustu sína og varð til vísir að
félagsskap ferðaþjónustubænda á
árunum 1960 - 1970. Árið 1971
ályktaði búnaðarþing fyrst um
mikilvægi þess að styðja við þessa
nýju búgrein bænda og nokkrum
árum síðar var Félag
ferðaþjónustubænda stofnað og
ferðaskrifstofan Ferðaþjónusta
bænda hf. varð til árið 1990.
Nú eru um 30% af gistirými
fyrir utan höfuðborgarsvæðið í
eigu ferðaþjónustubænda.
Langflestir eru í Félagi
ferðaþjónustubænda og eru
markaðssettir undir merkjum þess
og ferðaþjónusta almennt sögð
vera kröftugasti vaxtarbroddurinn
í sveitum landsins.
Í starfi mínu í stjórn Félags
ferðaþjónustubænda síðustu tvö
árin hef ég samt rekið mig á
ýmislegt sem hefur látið mig efast
um að ferðaþjónustubændur séu
almennt viðurkenndir sem
bændur. T.d. er ekkert
atvinnugreinanúmer innan
Hagstofu Íslands sem
ferðaþjónustubændur lenda í. Þar
eru þeir í hópi orlofshúsa,
sumarhúsa, gistiheimila eða
hótela. Erfitt er því að fá yfirlit
frá Hagstofunni hvernig okkar
búgrein stendur þar eð við erum
ekki skilgreindir sérstaklega.
Einnig má nefna gjaldflokk
sveitarfélaga í fasteignaskatti. Í
lögum segir að húsnæði sem
flokkast sem íbúðarhúsnæði eða er
nýtt til landbúnaðar falli í lægri
skattflokk. Samt flokkast allt
húsnæði sem er notað til að selja
ferðaþjónustu á lögbýlum í hærri
skattflokk. Þriðja dæmið er
hvernig Lífeyrissjóður bænda
skilgreinir ferðaþjónustu en
samkvæmt samkomulagi
Bændasamtakanna og
fjármálaráðherra greiðir ríkið 6%
mótframlag þeirra er stunda
búskap. Ferðaþjónustubændur eru
ekki taldir starfa að viðurkenndri
búgrein samkvæmt vinnureglum
sjóðsins. Fjórða dæmið sem má
nefna er aðkomu
ferðaþjónustubænda að Lánasjóði
landbúnaðarins en þar sem
ferðaþjónustubændur greiða ekki
búnaðargjald af sinni starfsemi
eiga þeir ekki rétt á lánum eins og
aðrar búgreinar. Staðreyndin er
samt sú að mikill meirihluti
ferðaþjónustubænda hefur greitt
búnaðargjald af annarri starfsemi í
langan tíma en virðast missa allan
rétt um leið og þeir breyta um
búhætti og byrja í ferðaþjónustu.
Ferðaþjónusta er í miklum vexti
nú og helstu vandamál
ferðaþjónustubænda er of
skammur lánstími, of hátt
vaxtastig og erfiðleikar við að fá
lán til starfsemi utan þéttbýlis.
Hægt væri að telja upp fleiri
atriði í þessum dúr en þess í stað
er réttara að nefna það sem vel er
gert til að styðja við þessa nýju
búgrein sem er nú að þróast í
sömu átt og ferðaþjónusta annars
staðar í heiminum. Fyrst má
nefna Framleiðnisjóð
landbúnaðarins sem hefur stutt við
ferðaþjónustubændur af mikilli
framsýni síðustu árin og veitt
fjármagni til þróunar og
rannsókna á ýmsum sviðum
ferðaþjónustu í dreifbýli.
Landbúnaðarráðuneytið hefur þar
að auki sýnt það í verki að
ferðaþjónustubændur eiga mikið
hlutverk innan landbúnaðar
framtíðarinnar og innan
landbúnaðarháskólanna er unnið
starf sem tengist kennslu,
rannsóknum og þróun á þessari
ungu búgrein.
Ferðaþjónustubændur eru einnig
að vinna töluvert starf tengdt
umhverfismálum og gæðamálum
sem t.d. samgönguráðuneytið og
umhverfisráðuneytið hefur stutt
við að vissu leyti.
Að mati undirritaðs munu
ferðaþjónustubændur gegna
viðamiklu hlutverki í landbúnaði
framtíðarinnar enda er
ferðaþjónusta atvinnugrein sem er
er miklum vexti í heiminum og
fjölmörg tækifæri felast í sölu og
skipulagningu á þjónustu til
ferðamanna í sveitum landsins.
Öll notkun og nýting á landi ætti
að flokkast sem landbúnaður enda
er allt ytra umhverfi landbúnaðar
að breytast. Ef hann á að þróast til
sjálfbærari áttar þá er mikilvægt
að endurskoða skilning á
hugtakinu "landbúnaður" og
einskorða hann ekki aðeins við
grunnframleiðslu búvara heldur
líta á alla þá sem nota og nýta land
sér til viðurværis sem þátttakendur
í landbúnaði.
Marteinn Njálsson
formaður Félags
ferðaþjónustubænda
Stunda ferða-
þjónustubændur
landbúnað?
Marteinn Njálsson á golfvellinum
hjá Suður Bár.
Sauðfjárbændur athugið!!!
_________________________________________
L a m b o o s t
Pasta til inntöku fyrir nýborin lömb

Lamboost er fæðubótarefni sem er auðugt af broddmjólk og næringarefnum
og er sérstaklega hannað með þarfir lítilla og léttra lamba í huga. Lamboost
veitir þessum lömbum aukna orku sem er þeim lífsnauðsynleg eftir fæðingu.
Lamboost stuðlar að jafnvægi þarmaflórunnar og getur þannig komið í veg
fyrir skitu. Lamboost er án efa betri kostur en sýklalyf.

Lamboost inniheldur:

Þríglýseríð sem frásogast hratt, nauðsynlegar fitusýrur og glúkósi
sem veitir lömbunum aukna orku sem er þeim lífsnauðsynleg eftir
fæðingu.
Mjólkursýrugerlar (SF68) tryggja jafnvægi þarmaflórunnar og
koma þannig í veg fyrir skitu.
Flókin samsetning vítamína, styrkjandi jurtakraftur og járn stuðla
að bættri vellíðan og auka kraft.

Lamboost er auðvelt í notkun og er með íslenskum leiðbeiningum.
Lamboost þarfnast ekki blöndunar og má nota strax. _________________________________

Nánari upplýsingar getur þú fengið hjá dýralækninum þínum eða hjá
umboðsaðila.
Umboðsaðili: Ísfarm ehf. Sími: 540 8080
Heildsöludreifing: Lyfjadreifing ehf. Sími: 5900 200
Sauðfjárbændur athugið!!!