Bændablaðið - 10.03.2004, Blaðsíða 24
24 Miðvikudagur 10. mars 2004
Fjarnám á vaxandi vinsældum að fagna
hér á landi enda gefur það mörgum tækifæri
til að mennta sig sem annars hefðu ekki átt
þess kost. Tækniháskóli Íslands hefur tekið
upp fjarnám í iðnfræði og næsta haust mun
rekstrarfræði væntanlega bætast við. Aðsókn
í tækninámið hefur verið mjög mikil sem
sýnir best þörfina fyrir fjarnám.
Stefanía Katrín Karlsdóttir, rektor THÍ,
segir að fjarnámið hafi farið mjög vel af stað.
Ætlunin var að fara rólega af stað og byrja
með tíu til fimmtán nemendur en fyrr en
varði höfðu 90 manns óskað eftir að komast í
fjarnámið sem er miklu stærri hópur en hægt
var að taka við. Aðeins var hægt að taka við
37 nemendum. Iðnfræðinámið hentar vel
fyrir iðnaðarmenn sem vilja bæta við
þekkingu sína og þeir fá meistararéttindi
þegar þeir ljúka náminu.
,,Langflestir þeirra sem sóttu um að
komast í fjarnám í iðnfræðinni eru utan af
landi og maður sér þörfina fyrir
tæknimenntun úti á landsbyggðinni. Allt er
þetta fólk í fullri vinnu og því ekki auðvelt
fyrir það að taka sig upp og flytja búferlum
til að komast í nám. Fjarnám hentar því afar
vel og fólk er afskaplega þakklátt fyrir að fá
þetta tækifæri, sérstaklega fólk úti á landi.
Margir eru til að mynda að koma í fjarnámið
af Austurlandi og það endurspeglar þá miklu
uppbyggingu er að eiga sér stað fyrir austan.
Þeir sem eru með iðnmenntun vilja bæta við
þekkingu sína til að takast á við verkefnin
fyrir austan. Ljóst er að þörfin fyrir þetta nám
er til staðar og ekki bara fyrir fólk af
landsbyggðina heldur alla því þetta er skóli
án veggja," sagði Stefanía Katrín.
Hún segir að hægt væri að taka við
fleirum í fjarnám í framtíðinni en nú stunda
það. Skólinn er hins vegar í kvótakerfi hvað
nemendafjölda varðar og hefur orðið að
hafna mörg hundruð manns á hverju ári.
Tækniháskólinn hefur bara ákveðna upphæð
á fjárlögum og þar segir hversu margir
nemendur mega vera í hverri námsdeild.
Stefanía Katrín segir að brýn þörf sé fyrir
aukið fé til THÍ svo hægt verði að sinna
þeirri eftirspurn sem er eftir tækninámi.
,,Ekki síst er þetta nám nauðsynlegt í ljósi
könnunar sem Samtök iðnaðarins létu gera í
vetur en þar kemur fram að þörf fyrirtækja í
landinu fyrir fólk með menntun í verk- og
tæknigreinum er gríðarlega mikil á næstu
árum. Mér finnst það því þjóðfélagsleg
skylda að útvega atvinnulífinu þetta fólk svo
það fái að þróast áfram og byggjast upp en
það gerist ekki ef starfsfólk með réttu
menntunina vantar. Tækniháskólinn getur
komið til móts við þörfina fyrir verkmenntað
fólk á næstu árum en til þess þarf að auka
fjárveitingu til skólans," segir Stefanía Katrín
Karlsdóttir.
fjarnám
Stefanía Katrín Karlsdóttir,
rektor Tækniháskóla Íslands
Þörfin fyrir fjarnám
er mikil hér á landi
Sigrún Margrét Vilhjálmsdóttir
Fjarnám er góður kostur
Sigrún Margrét
Vilhjálmsdóttir á Egilsstöðum
hefur stundað fjarnám í hjúkrun
við Háskólann á Akureyri og er að
ljúka BS prófi þaðan í vor. Hér er
um fjögurra ára nám að ræða og
segist Sigrún hafa tekið allt námið
í fjarnámi.
,,Fyrsta árið vorum við í
Neskaupstað og vorum þá 12 í
byrjun í náminu en 8 héldu áfram
og eru að ljúka námi í vor. Fjórar
eru frá Neskaupstað og fjórar frá
Egilsstöðum. Fjarnámið er þannig
hjá okkur að við erum raun alveg í
tímum með öðrum nemendum á
Akureyri þótt við höfum aðstöðu í
húsakynnum Fræðslunets
Austurlands. Við erum með
fjarfundabúnað og sitjum í tímum
eins og þau á Akureyri. Við getum
haft samband við kennara og aðra
nemendur að vild. Þetta er alveg
eins hjá þeim fjórum sem búa í
Neskaupstað en þær hafa aðstöðu í
Verkmenntaskólanum þar," sagði
Sigrún.
Enda þótt fjarnám gefi kost á
að fara hægar í sakirnar og taka
námið á lengri tíma en þeir sem
stunda skólann segir Sigrún að þær
hafi tekið námið á sama hraða og
nemendurnir á Akureyri. Hún
segir að á hverri önn fari þær í eina
viku til Akureyrar og sæki þá tíma
í skólanum. Sömuleiðis þurfi þær
að fara í verklegt nám á sjúkrahúsi
en það þurfi að sjálfsögðu allir
nemar í hjúkrun að gera hvort sem
þeir eru í fjarnámi eða stundi nám
í skólanum.
,,Mér þykir fjarnámið frábært
og þægilegt því við þurfum ekki
að fara burt úr okkar heimabyggð
til þess að ljúka námi," segir
Sigrún Margrét Vilhjálmsdóttir.
Gunnþóra Snæþórsdóttir:
Mér líkar þetta afskaplega vel
Gunnþóra Snæþórsdóttir á
Egilsstöðum er að ljúka
hjúkrunarnámi í vor og hefur verið
í fjarnámi allan tímann eins og
Sigrún M. Vilhjálmsdóttir. Hún
segir að þær sem hafa stundað
hjúkrunarnám í fjarkennslu á
Egilsstöðum hafi verið nokkuð
víða til húsa við fjarnámið þar til
Fræðslunet Austurlands tók til
starfa í haust í nýju húsnæði með
frábærri aðstöðu til fjarnáms. Þær
byrjuðu í Neskaupstað og voru
síðan til húsa í Menntaskólanum á
Egilsstöðum og víðar.
Gunnþóra var spurð hvernig
henni hafi líkað að stunda námið
með fjarkennslufyrirkomulagi.
,,Mér hefur líkað það
afskaplega vel og ég hefði aldrei
farið í þetta nám nema að geta
stundað það með þessum hætti og
verið heimavið. Fjarnámið var því
forsenda þess að ég fór í námið.
Ég hygg að þannig sé það með
marga sem hafa farið í nám með
fjarkennslufyrirkomulagi," segir
Gunnþóra,
Hún segir að eftir að
Fræðslunet Austurlands flutti í
núverandi húsnæði hafi öll aðstaða
til fjarnáms stórbatnað því nú séu
þær beintengdar við
Menntaskólann á Akureyri og því
óháðar símanum. Áður hafi þetta
allt gengið hægar fyrir sig með
lakari nettengingum.
Ásta Sigríður Sigurðardóttir:
Svona nám eykur fólki
sjálfstraust
Ásta Sigríður Sigurðardóttir, á
Þingmúla í Skriðdal, stundar
fjarnám í ferðamálafræðum við
Hólaskóla. Hún hefur sótt aðstoð
til Fræðslunets Austurlands við
námið hvað varðar aðstöðu,
námsaðstoð, próf og fjarfundi.
Hún hefur stundað námið í einn og
hálfan vetur en það er alls 45
einingar og segist Ásta fara yfir á
þeim hraða sem henti henni með
vinnu á búinu.
,,Ég er með réttindi
svæðisleiðsögumanna og þess
vegna fór ég í þetta
ferðamálafræðinám til að auka við
þá þekkingu sem ég hafði á eigin
svæði og fá þannig meiri víðsýni,"
sagði Ásta Sigríður.
Hún segir að aðstoðin hjá
Fræðsluneti Austurlands hafi verið
ómetanleg og þá alveg sérstaklega
í byrjun því þá kunni hún ekki
einu sinni á tölvu og að fara inn á
netið sem er forsenda fjarnámsins.
,,Það er dálítið álag að fara í
fjarnám og kunna lítið fyrir sér
enda þótt starfsfólk Hólaskóla sé
einstaklega hjálplegt og vilji allt
fyrir nemendur gera," segir Ásta.
Hún segir að sér hafi líkað
námið ákaflega vel, hún hafi
kynnst mörgu góðu fólki í
tengslum við það og námið auki
fólki sjálfstraust.
,,Það er frábært að stunda
svona fjarnám og þegar maður
eykur við þekkingu sína líður
manni miklu betur fyrir utan hvað
svona nám nýtist manni til margra
hluta," sagði Ásta Sigríður.Gunnþóra Snæþórsdóttir (t.v.) og Sigrún Margrét Vilhjálmsdóttir við
nám í húsnæði FNA á Egilsstöðum. /Bændablaðið HB
Hefur ræktað
fóðurkál í
sama stykkinu
í rösk 20 ár
Jens Jóhannsson, bóndi á Teigi
í Fljótshlíð, hefur ræktað fóðurkál
í sama stykkinu í meira en 20 ár
og aldrei þurft að hafa áhyggjur af
arfa. Hann segir að arfinn komi
ekki ef hans aðferð er notuð. ,,Við
förum þannig að við þetta að á
vorin þegar við mokum út úr fjár-
húsunum látum við skítinn í þetta
flag og plægjum það síðan og
völtum. Þar næst sáum við fóður-
kálsfræi og völtum yfir strax aftur.
Þar með losnar maður alveg við
arfa. Ef menn láta líða einhvern
tíma frá því að flagið er plægt þá
fær arfinn forskot og nær yfir-
höndinni en með þeirri aðferð sem
við notum nær fóðurkálið yfir-
höndinni," sagði Jens í samtali við
blaðið.
Kenningin er sú að ef menn
nota sama stykkið til kálræktar ár
eftir ár komi upp mikill arfi. Jens
segir að það sé hætta á slíku ef
menn fara rangt að. Hann segir að
ef menn plægja og láta sáningu
bíða, hvað þá ef menn herfa
flagið, þá komi arfinn um leið. En
með þeirri aðferð sem hann notar
losni hann alveg við arfa.
Hermann Árnason, stöðvar-
stjóri Sláturfélags Suðurlands,
segir Jens hafa náð góðum árangri
við flokkun sláturlamba. Jens
segist hafa reynt að stunda sauð-
fjárrækt sem best með því að nota
sæðingar og vinsa síðan úr bestu
lömbin. Hann er með á fimmta
hundrað fjár á fóðrum í vetur.
Grunnskólabörn í Búðardal hafa
gefið úr skólablað sem þau kalla
Hroll og er 36 síður. Blaðið, sem er
hið skemmtilegt aflestrar, er prýtt
fjölda mynda og teikninga. Í því
eru fréttir, sögur, ljóð og viðtöl
m.a. við Villa á pöbbnum, Guðrúnu
skólastjóra, Jóa löggu og Guð-
mund kennara.
Ásta Sigríður Sigurðardóttir