blaðið - 18.11.2005, Blaðsíða 30

30 I BESTI BITIWM
FÖSTUDAGUR 18. NÓVEMBER 2005 blaðiö
Kjúklingur er ekki
endilega bara kjúklingur
•}
Á síðustu árum
hefur það verið að
fcerast í vöxt að kjúk-
lirigur sé reglulega á
boðstólum á kvöld-
matartímum þjóðar-
innar. Sífellt eykst úr-
valið á þessum gœða
málsverði og eru
margir sölustaðir
farnir að selja heil-
grillaða kjúklinga á
viðunandi verðlagi.
Oft vill nefnilega
tíminn hlaupa á Ijós-
hraða frá nútíma-
manninum og ekki
gefst ráðrúm til að
standa í stórtækri
eldamennsku. Þá er
. prýðilegt að grípa
meðsérgóðar; hollar
og mettandi lausnir
á sanngjörnu verði
ogfáar slíkar stand-
ast heilgrilluðum
kjúkling snúningin.
Bragð-
lauka-
veisla
Sá kjúklingur sem þótti skara fram
úr í þessari úttekt, þó að afar naumt
hafi verið á mununum, var hinn
rómaði kjúklingur Melabúðarinnar
við Hagamel. Það er nú kannski ekk-
ert skrýtið að gæðin skíni þar í gegn
enda hefur Melabúðin verið lofuð
fyrir kjötborð sitt um árabil en það
hefur fylgt versluninni allt frá því
að hún hóf starfsemi þann 4. júlí
1956. Melabúðin á líka mjög ákveð-
inn og mikilvægan stað í hugum
margra höfuðborgarbúa sem á ein-
hvern hátt hafa komist í tæri við
þessa persónulegu verslun í hjarta
vesturbæjarins.
Kjúklingur Melabúðarinnar hefur
rauðbrúnt yfirbragð sem orsakast
líklega af kryddinu. Kryddblandan
hefur reyndar ákveðna sérstöðu og
erfitt er að festa reiður á því hvað
það er sem gefur þann sérstaka, en
gífurlega bragðgóða keim. Á meðan
að meyrt kjöt kjúklingsins nýtur sín
til fullnustu þá bætir kryddblandan
einhverju algerlega sérstöku við
sem orsakar sprengingu fyrir
bragðlaukana.
Heill, grillaður kjúklingur úr
Melabúðinni myndi henta einkar
vel í matarboð í góðra vina hópi við
hversdagslegar aðstæður. Hann er í
senn bragðmikill og svipsterkur og
því góður grunnur til að byggja frá-
bært kvöld á.
t.juliusson@vbl.is
Stór
og mikill
Hagkaup er leiðandi fyrirtæki á
matvörumarkaðinum á íslandi.
Stærðin kemur þó ekki niður á vöru-
t úrvali né gæðum og er kjöt- og fisk-
borðið þar engin undantekning.
í Hagkaupum er boðið upp á
stóran og mikinn kjúkling. Það
fyrsta sem vekur eftirtekt bragð-
laukanna er gómsæt áferð húðar
og sérlega vel samansett gróf
kryddblanda. Húðin og kryddið
renna saman í eitt og skapa bragð-
góða skorpu sem skilur eftir sig
skemmtilega óvæntan og náttúru-
legan ferskleika. Bringan sjálf var
eilítið þurrari en í sumum hinna
kjúklinganna en slíkt fellur þó vel
að smekk margra. Lærin eru þó
afar safarík. Því væri Hagkaups
kjúklingurinn líklega prýðilegur ef
rétt sósa væri valin með til að vega
upp á móti eilítið þurru kjötinu.
Hagkaupsfuglinn er þó í alla
staði einkar fallegur og fer vel á
hvaða matarborði sem er. Með
réttu meðlæti er hann veislumatur.
(Melabúðinni er borgað fyrir kjúklinginn eftir þyngd, en verð fyrir heilan er vanalega í kringum 700 krónur.
Ljóst yfirbragð
Nóatún er verslun sem er rómuð
fyrir vel útilátið og fjölbreytt kjöt-
borð. Á heimasíðu verslunarinnar
segir raunar að það sé ein helsta
skrautfjöður Nóatúns og eru þar
alls engar ýkjur á ferðinni. Hann er
framleiddur undir mjög ströngum
framleiðsluskilyrðum þar sem
áhersla erlögð á að krydd, steikingar-
áhöld, hitaborð og pakkningar séu
til fyrirmyndar.
Nóatúnskjúklingurinn er með
ljósara yfirbragð en hinir kjúkling-
arnir sem teknir voru fyrir. Það út-
skýrist mögulega af því að hann er
hóflega kryddaðri en kollegar hans
í heilgrillaða bransanum. Hann
er einkar hæfilega grillaður sem
skilar því að kjötið sjálft er einstak-
lega safaríkt og mjúkt. Því er hann
tilvalinn til þess að snæðast einn og
sér, enda bráðnar nánast hveri ein-
asti biti uppí manni.
Kjúklingurinn frá Nóatúni er
afar öruggur á bragðið og virð-
ist hafa alla eiginleika til þess að
heilla stóran og breiðan hóp mat-
gæðinga. Hann er traustvekjandi
á bragðið og vekur einna helst
upp minningar um kjúklinga æsk-
unnar sem mæður okkar elduðu á
sunnudagseftirmiðdögum.
Heill, grillaöur kjúklingur kostar 799
krónur í Nóatúni.
Sérstakur á bragðið
Heill, stakur fugl án meðlætis kostar 1200 krónur hjá BK kjúklingum..
BK Kjúklingar er eini eiginlegi
kjúklingstaðurinn sem tók þátt í
könnun okkar að þessu sinni. Stað-
urinn hefur verið staðsettur við
Grensásveg um árabil og er BK í
margra huga hinn eini sanni skyndi-
bitakjúklingur enda fer þar saman
gott framboð á kjúklingum og per-
sónuleg þjónusta. Þá býður BK kjúk-
lingur upp á fjölbrey tt meðlæti og er
ekki úr vegi að koma fjölskyldunni
á óvart með maís á línuna þegar
verslað er við BK.
BK kjúklingurinn er fullur og
vel kryddaður fugl. Hann er ívið
dekkri yfirlitum en hinir, væntan-
lega vegna sérstakrar kryddblöndu.
Hann er einnig nokkuð sérstakur á
bragðið og var nokkuð frábrugðin
hinum kjúklingunum sem fengust
hjá matvöruverslununum. Húðin
var heldur seig og fitug en kjötið hið
prýðilegasta. Það máþó ekki skiljast
þannig að hann hafi ekki verið góm-
sætur, þvi það var hann klárlega.
Ferð á BK Kjúklinga er tilvalin
þegar að fjölskyldan vill fara öll
saman út og snæða staðgóðan kvöld-
verð án þess að stofna fjárhagnum í
stórtæka hættu.