blaðið - 02.12.2005, Blaðsíða 38

38 I ÍPRÓTTIR
FÖSTUDAGUR 2. DESEMBER 2005 blaöiö
Deilur hjá Þrótturum:
Palli eða Atli
Fundur var haldinn ígær umframtíð þjálfarans ogfyrirliðans
Miklar deilur hafa staðið yfir und-
anfarna daga hjá knattspyrnudeild
Þróttar í Reykjavík. Ágreiningurinn
er samkvæmt heimildum Blaðsins
um hvort Páll Einarsson fyrirliði
liðsins verði áfram hjá félaginu eða
þjálfarinn Atli Eðvaldsson. Málið á
sér víst nokkurra mánaða forsögu
sem hófst um mitt tímabil síðast-
liðið sumar þegar Atli Eðvaldsson
tók við þjálfun Þróttar af Ásgeiri
Elíassyni. Atli setti þá Pál í stöðu
miðvarðar en Páll hefur ávallt leikið
í stöðu leikstjórnanda á miðjunni.
Páll sem er 33 ára, er uppalinn Þrótt-
ari og að sögn margra Þróttara er
hann hjartað í liði meistaraflokks
félagsins.
Stjórnarfundur var haldinn í
gær í félagsheimili Þróttar í Laug-
ardal um málið. Fundurinn var
boðaður klukkan 17.00 en hálftíma
áður komu nokkrir stuðningsmenn
Þróttar saman í félagsheimilinu til
að mótmæla þvi að Páll yrði látinn
fara frá félaginu eins og allt stefndi
í að yrði úr fyrir fundinn í gær. Sam-
kvæmt heimildum Blaðsins áttu Atli
Eðvaldsson og Páll Einarsson fund
saman fyrir þremur dögum til að
reyna að sætta málið en þar sauð
víst upp úr og eftir það á Atli að hafa
sett stjórninni afarkosti sem voru
þeir að annaðhvort færi Páll eða
hann myndi hætta sem þjálfari.
Kristinn Einarsson formaður
Þróttar hefur undanfarna daga haft
í nógu að snúast varðandi þetta mál
en í gær vildi hann ekki tjá sig um
málið. Sagði að hann væri að finna
lausn á þessu.
Stjórn Þróttar hefur gefið út frétta-
tilkynningu þar sem segir:
“I kjölfar þeirrar umræðu sem átt
hefur sér stað um málefni meistara-
flokks karla, þá áréttar stjórn knatt-
spyrnudeildar að Atli Eðvaldsson er
samningsbundinn þjálfari Þróttar
og Páll Einarsson er samningsbund-
inn leikmaður Þróttar.
Fullkominn einhugur er innan
stjórnar um að leita allra leiða til
að leysa úr þeirri stöðu sem upp er
komin. Lykilatriði í þeirri lausn eru
hagsmunir félagsins“, segir i frétta-
tilkynningu frá knattspyrnudeild
Þróttar.
Atli Eðvaldsson þjálfari Þróttar
vildi ekki tjá sig um málið þegar
Blaðið hafði samband við hann og
sagði að það væri í höndum stjórnar.
Ekki náðist í Pál Einarsson fyr-
irliða Þróttar í gær þrátt fyrir itrek-
aðar tilraunir Blaðsins.
DHL-deildin í hand-
bolta í kvöld
Þrír leikir fara fram í DHL-deild
karla í kvöld og hefjast allir leikirnir
klukkan 19.15. Fylkir og lR mætast
í Fylkishöllinni. Fylkismenn undir
stjórn Sigurðar Vals Sveinssonar
hafa verið að gera góða hluti i hand-
boltanum í vetur og eru fyrir leik
kvöldsins í fjórða sæti með 13 stig
eftir 11 leiki. lR er í ó.sæti með 11
stig en í 10 leikjum. ÍR hefur tapað
tveimur síðustu leikjum sínum í
deildinni, gegn Fram og FH. Fylkir
hefur aftur á móti unnið þrjá síð-
ustu leiki sína í deildinni, gegn Þór
á Akureyri, Stjörnunni í Garðabæ
ogKA.
1 Laugardalshöll mætast Valur og
Þór frá Akureyri. Valsmenn tróna á
toppi deildarinnar með 17 stig eftir
11 leiki en Þór hefur 9 stig í ío.sæti
eftir 11 leiki. Valur tapaði síðast leik
18. október í deildinni en þá töpuðu
Valsmenn á Akureyri fyrir KA. Þórs-
arar frá Akureyri unnu síðast leik
í deildinni 21. október þegar þeir
unnu Víking/Fjölni á Akureyri.
Þriðji leikur kvöldsins fer fram í
Kaplakrika þar sem FH tekur á móti
Víkingi/Fjölni.
FH er í þriðja neðsta sæti með að-
eins 7 stig og hafa FH-ingar verið á
uppleið í síðustu leikjum eftir afleita
byrjun á Islandsmótinu. Víkingur/
Fjölnir er í neðsta sæti DHL-deildar-
innar með 5 stig og eins og FH hafa
þeir verið að hala inn stig í síðustu
leikjum eftir slaka byrjun á mótinu.
Það eru því þrír hörkuleikir í
DHL-deildinni í handknattleik í
karlaflokki í kvöld.
DHLdeild karla
Lau. 03.12 kl.16:1S
Lau. 10.12 kl.17:30
Lau. 17.12 kl.17:30
FRAM-HK Lau. 03.12 kl.15:00
Víkingur/ Fjölnir - FRAM Lau. 10.12 kl.16:15
iR-lBV Lau. 17.12 kl.14:00
íslandsmót barna í skylm-
ingum fer fram um helgina
Islandsmeistaramót barna í skylm-
ingum með höggsverði fer fram á
sunnudaginn kemur. Keppt verður
í íþróttahúsi Hagaskólans og hefst
keppni klukkan 10 um morguninn.
Þarna verða samankomin börn á
aldrinum 7 til 12 ára. Keppnisflokkar
verða tveir, byrjendaflokkur og svo
k-flokkur sem er fyrir lengra komna
en fyrsta árið er í byrjendaflokki.
Gert er ráð fyrir að úrslitin hefjist
rétt fyrir klukkan 16 á sunnudag og
að þeim ljúki um og uppúr klukkan
17-
Búast má við fjörugri keppni en
börn eru æ meira farin að stunda
skylmingar í dag.
Það er því um að gera að mæta í
Hagaskólann á sunnudaginn kemur.
Leikir færðir til
veqna prófa
Mótanefnd Handknattleikssam-
bands Islands hefur orðið við beiðni
þriggja félaga um að færa til leiki
vegna prófa leikmanna í Háskól-
anum í desembermánuði. Liðin eru
Fram, Víkingur/Fjölnir og ÍR. Um
er að ræða þrjá leiki. Fram-HK sem
átti að vera klukkan 15.00 laugardag-
inn 3. desember en hann fer fram
klukkan 16.15 þann sama dag.
Leikur Víkings/Fjölnis á móti
Fram sem vera átti laugardaginn
ío.desember klukkan 16.15 hefur
verið færður aftur um eina klukku-
stund og 15 minútur. Þriðji leikur-
inn sem hefur verið færður til er
viðureign ÍR og ÍBV. ÍR-ingar hafa
staðið í stappi við HSÍ um sinn leik
gegn IBV og hótuðu jafnvel að mæta
ekki til leiks ef þeir fengju hann
ekki færðan til. Til þess kemur ekki
því leikurinn sem vera átti hjá ÍR
og ÍBV laugardaginn 17. desember
klukkan 14.00 hefur verið færður
aftur um þrjár og hálfa klukkustund
og fer því fram laugardaginn 17. des-
ember klukkan 17.30 í íþróttahúsinu
í Austurbergi.