blaðið - 17.02.2006, Síða 10

10 I ERLENDAR FRÉTTIR
FÖSTUDAGUR 17. FEBRÚAR 2006 bla6iö
Ljósmynd Edward Steichens, Tjörn-tunglskin, seldist fyrir metfé í New York á þriöjudag.
Ljósmynd selst fyrir metfé
Sjaldgæf ljósmynd eftir bandaríska
ljósmyndarann Edward Steichen seld-
ist fyrir metfé á uppboði í New York
á þriðjudag. Ljósmyndin, sem ber tit-
ilinn Tjörn-tunglskin og var tekin í
New York árið 1904, seldist fyrir 2,9
milljónir Bandaríkjadala (rúmlega
185 milljónir ísl. kr.) og hefur aldrei
fengist jafnháttverð fyrirljósmynd á
uppboði. Á myndinni, sem er 41x48
sm að stærð, sést tjörn í skóglendi og
brýst birta gegnum trjágreinarnar
og endurspeglast í vatninu.
Aðeins eru tvær aðrar prentanir
til af myndinni og eru þær báðar í
eigu safna. Ekki hefur verið gefið
upp hver keypti myndina.
Edward Steichen var einn af
helstu frumkvöðlum ljósmyndunar-
innar og var einn af fyrstu Banda-
ríkjamönnunum sem gerðu til-
raunir með litljósmyndun snemma
á síðustu öld.
Fyrra met var sett í nóvember
á síðasta ári þegar mynd eftir Ri-
chard Prince seldist fyrir 1.248.000
Bandaríkjadali (79.892.000 ísl. kr.)
á uppboði.
Danskt sætabrauð
fær nýtt nafn
Mbl.is | Bakarar í Teheran hafa
nefnt svokölluð „dönsk sætabrauð“
upp á nýtt í kjölfar deilna vegna
skopmyndanna af spámanninum
Múhameð. Sætabrauðin, sem
eru ekki ólík íslenskum vínar-
brauðum, kallast nú „Rósir frá spá-
manninum Múhameð".
„Það má enginn gera grín að
okkar dáða og virta spámanni,"
sagði Hassan Nassezadeh, bakari í
miðborg Teheran, í viðtali við Reut-
ers-fréttastofuna út af málinu.
Vínarbrauðin eru bökuð á
staðnum og því ekki beinlínis
hluti af herferð frana að sniðganga
danskan varning.
Þessi nafnabreyting þykir
minna á það er veitingahús í
Bandaríkjunum hættu að selja
franskar kartöflur og nefndu
þær „frelsiskartöflur" eftir að
stjórnvöld í Frakklandi neituðu að
styðja Bandaríkjamenn í innrás-
inni í frak árið 2003.
Sameinuðu þjóðirnar hvetja
til lokunar Guantanamo
Reuters
f nýrri skýrslu Mannréttindaskrifstofu Sameinuðu þjóöanna eru bandarísk stjórnvöld
hvött til þess að draga fanga f Guantanamo-búðunum fyrir rétt eða láta þá lausa.
Louise Arbour, framkvæmdastjóri
mannréttindaskrifstofu Sameinuðu
þjóðanna, telur fátt annað koma til
greina en að fangabúðum Banda-
ríkjamanna í Guantanamo-flóa
á Kúbu verði lokað. Hún lét þessi
orð falla í London í gær þegar hún
kynnti nýja skýrslu sem byggð er á
rannsókn Sameinuðu þjóðanna á
fangabúðunum.
Arbour sagðist efast um að banda-
ríska dómskerfið gæti bætt þann
skaða sem þegar hefði orðið þar sem
margir fangar hefðu verið lengi i
búðunum. fskýrslunni eru yfirvöld
í Bandaríkjunum hvött til að þess
að draga fanga fyrir rétt eða láta
þá lausa og loka búðunum. Skýrslu-
höfundar hvetja jafnframt til þess
að bandarískir embættismenn sem
kunna að hafa átt þátt í pyntingum
verði sóttir til saka.
Arbour sagði að hún féllist ekki á
allar tillögur skýrsluhöfunda en hún
teldi fátt annað koma til greina en að
loka búðunum í Guantanamo-flóa.
Gagnrýnir fangaflutn-
inga og leynifangelsi
Arbour var ennfremur ómyrk í máli
um meint leynifangelsi bandarísku
leyniþjónustunnar og fangaflutn-
inga sem hún sagði að brytu í bága
við lög. Ennfremur gagnrýndi hún
harðlega Breta og aðrar þjóðir sem
hafa reynt að komast að samkomu-
lagi sem gerði þeim kleift að flytja
róttæka múslimaklerka og aðra öfga-
menn til landa þar sem lítil virðing
er borin fyrir mannréttindum. Ar-
bour sagðist efast mjög um að slíkt
samkomulag gæti tryggt að fangar
yrðu ekki pyntaðir.
Þetta var ekki í fyrsta skipti sem
Louise Arbour ræðst gegn laga-
legum undirstöðum stríðsins gegn
hryðjuverkum. Ríkisstjórn Banda-
ríkjanna hefur svarað fyrri gagnrýni
hennar af fullum hálsi og saka hana
um að treysta á frásagnir fjölmiðla
og veita ekki athygli þeim alvarlegu
mannréttindabrotum sem eiga sér
stað í heiminum.
Préval lýstur sigurvegari
René Préval var í gær lýstur réttkjör-
inn forseti Haíti en hann hafði áður
sagt að sigur í forsetakosningunum
7. febrúar hefði verið hafður af sér
með stórfelldu kosningasvindli.
Max Marthurin, yfirmaður kjör-
stjórnar, tilkynnti úrslitin í gær
eftir að breytingar höfðu verið
gerðar á fyrirkomulagi talningar á
kjörseðlum.
„René Préval er með 51,15% at-
kvæða þegar búið er að telja atkvæði
frá 96% kjörstaða og er því lýstur
sigurvegari," sagði Mathurin. Hann
lét þessi orð falla eftir að embættis-
menn féllust á að telja ekki með rúm-
lega 80.000 auða kjörseðla.
Stjórnvöld á Haití og kosninga-
René Préval var I gær lýstur réttkjörinn
forseti Haítí.
starfsmenn ræddu breytingarnar
á neyðarfundi örfáum klukku-
stundum áður en ákvörðunin var
tilkynnt.
Mikil mótmæli hafa farið fram
undanfarna daga á Haítí eftir að
brunnir kjörseðlar fundust á sorp-
haugum í grennd höfuðborgarinnar
Port-au-Prince.
Préval hafði varað við auknum
mótmælum ef úrslit sem kynnt voru
eftir talningu um 90% atkvæða
hefðu verið látin standa. Sam-
kvæmt þeim var hann með tæpan
helming atkvæða og því hefði þurft
að efna til annarrar umferðar í
forsetakosningunum.
TÍSKA&
SNYRTING
Mánudaginn 20. febrúar
blaöið
Auglýsendur, upplýsingar veita:
i(ú bladid.net

Reuters
Drög lögð að framtíð Afganistans
Afganskur hermaður gengur á skriðdrekabyssu á sameiginlegri heræfingu þýskra og afganskra hersveita f útjaðri Kabúl í gær. Öryggis-
ráð Sameinuðu þjóðanna samþykkti á fimmtudag frumdrög að áætlun sem miðar að því að efla samstarf milli stjórnvalda i Afganistan
og alþjóðasamfélagsins. Samkvæmt henni munu Sameinuðu þjóðirnar reyna að tryggja lýðræði og öryggi f landinu, auk þess að efla
hagkerfið og hafa hemil á eiturlyfjasölu.