blaðið - 21.04.2006, Blaðsíða 21

blaðið FÖSTUDAGUR 21. APRÍL 2006
VIÐTALI 21
Endalaus skilyrði
Þú hefur þá orðið sjálfstœð mjög
fljótt?
„Já, þannig lagað. En samt var fólk
alltaf að hnoðast með mann og ég,
sem er frekar viðkvæm sál, þoldi
þetta ekki alveg til lengdar. Ég þurfti
bara að hætta og koma heim fyrir
svona fjórum árum síðan. Þá fékk
ég nóg af þessu og komst að því að
þetta væri ekki fyrir mig lengur. Ég
komst líka að þvi að fyrirsætustörf
voru ekki það eina sem ég vildi fá út
úr lífinu. Þær sem vilja gera þetta
gefa sig ioo% í það og ég var einfald-
lega ekki tilbúin til þess. Manni voru
endalaust sett skilyrði. Til dæmis
þurfti ég alltaf að passa hvað ég
setti ofan í mig og passa húðina og
þess háttar og ég var í raun bara lítil
stelpa sem vildi ekki standa í þessu.
Á sama tíma er ég samt ánægð með
reynsluna því nú kann ég reyndar
vel að passa upp á þessa hluti.“
Fékk nóg í París
Það má segja að Ylfa hafi fengið
nóg af bransanum þegar hún fór að
vinna í París. Eftir að hafa byrjað
þrettán ára að starfa sem fyrirsæta
hafði hún elst og þroskast eins og
eðlilegt er með fólk á kynþroska-
aldri en svo kom að því að ummálin
hennar breyttust.
„Mér fannst svo margir vera að
finna að mér. Fólk var að segja við
mig að ég væri feit jafnvel þó að
mér þætti ég alls ekkert feit. Við
þetta fór sjálfsálit mitt að minnka
og mér hætti bara að líða vel. Ég
vildi heldur ekki fara eftir þessum
skilyrðum sem mér voru sett. Aðrar
stelpur voru að hamast í líkamsrækt
og taka að sér verkefni en ekki ég og
þá mætti mér áreiti og ég var spurð
hvað ég væri eiginlega að spá. Mér
leiddist þetta áreiti svo mikið að
ég vildi ekki vinna við þetta lengur
og ákvað að fara bara heim og snúa
mér að öðru. Ég mátti ekki fara út
að skemmta mér, ekki borða sæl-
gæti o.s.frv. en mér fannst bara svo
gaman að gera þessa hluti - sem er
vissulega ekkert óeðlilegt fyrir unga
stelpu. I þessu starfi þarf fólk að hafa
mikinn sjálfsaga og kunna að temja
sér stífar vinnureglur, en hvenær
eru ungar stelpur rosalega agaðar?
Það er nú ekki oft...“ segir Ylfa.
Vondar fyrirmyndir
Þú segist ekki hafa haft mikinn
áhuga á tísku til að byrja með.
Kom þessi áhugi til þín í gegnum
fyrirsœtustarfið?
„Já, það má alveg segja það. Bæði
fékk ég áhuga á tískunni en um
leið veit ég líka svo vel hvað liggur
að baki. Til dæmis finnst mér þetta
með fyrirmyndirnar svo merkilegt.
Ungar stelpur eru kannski að finna
sér fyrirmyndir í tísku og glans-
tímaritum en þær hugsa ekki út í að
þessar konur sem þær eru að taka
sér til fyrirmyndar gera ekki annað
en að hugsa um útlitið og á sama
tíma hafa þær efni á því. Tökum
Paris Hilton sem dæmi sem er fyrir-
mynd margra stelpna í dag. Paris Hil-
ton á ótrúlega mikið af peningum
og getur haft fólk í vinnu við að láta
sig líta vel út. Þrettán ára stelpur
taka sér hana til fyrirmyndar en
átta sig ekki á því að þetta kostar
allt saman peninga. Það sama má
segja um þessar stelpur sem virðast
svo ótrúlega fullkomnar á myndum.
Konur eins og Naomi Campbell og
Kate Moss sem eru með óaðfinn-
anlega húð og ótrúlega fallegar en
málið er að það getur hver sem er
verið fallegur á ljósmynd. Þetta er yf-
irleitt allt saman blekking, unnin í
tölvum, og það versta við þetta er að
ungar stelpur geta fengið lotugræðgi
og lystarstol af því að þær bera sig
saman við þessar fyrirmyndir og
finnast þær sjálfar vera vanskapaðar
í samanburðinum.“
Að lokum spyr ég Ylfu hvað hún
hafi tekið sérfyrir hendur eftir að
hún sneri baki við bransanum og
hvað standi til íframtíðinni.
„Ég hef verið á hönnunarbraut Iðn-
skólans í Hafnarfirði undanfarin ár
en er í smá hléi frá námi núna. Mér
finnst námið ótrúlega skemmtilegt
og í dag langar mig mikið til að hella
mér út í frekara nám á sviði hönn-
unar. Samtímis hef ég líka verið
að vinna sem verslunarstjóri og á
lagernum hjá Spútnik og það finnst
mér mjög gefandi og skemmtilegt
starf. Hvað varðar nánustu framtíð
þá stendur til að ég fari með Ásgrími
Má Friðrikssyni, búningahönnuði
Silvíu Nóttar, til Aþenu en ég verð
aðstoðarmaður hans á meðan á
keppninni stendur. í sambandi við
fyrirsætustörfin... maður getur víst
aldrei sagt aldrei, kannski að ég taki
að mér einhver ákveðin verkefni ef
eitthvað ómótstæðilegt býðst,“ segir
þessi unga kona að lokum sem fékk
svo sannarlega að þroskast öðruvísi
en jafnöldrur hennar.
..enn önnur föröun fyrir
ítalska Vouge
Hér er verið
að farða
Ylfufyrir
myndatöku
fyrir ítalska
Vouge
Ylfa og Edda vinkona hennar,
fjórtán ára gamlar á leið til New
York.
Ylfa og Edda í
penthouse íbúð
Kate Ford, dóttur
Eileen Ford
Ylfa, Sólveig Káradóttir og Edda
Pétursdóttir í París, en þar fékk Ylfa
fyrst nóg af bransanum.
§
5
Z
1
Díklófenak tvíetýlamín 11,6 mg/g
Voltaren Emulgel® er notaö sem staðbundln útvortis meðferð vlö vöðva- og llðverkjum. Lyfið má ekki bera á skrámur. opin sár eða á exem, varist snertingu vlö augu og slimhúðir, notist einung'ts útvortis og má aldrei taka inn. Á meðgöngu skal ávalt le'ita ráöa læknis
eða lyfjafræðings áöur en lylið er notað, þó skal það ekki notað á siðasta þriðjungi meðgöngu. Litil hætta er á ofskömmtun vegna útvortls notkunar lyfsins. Lesa skal vandlega leiðbeiningar á umbúðum og fylglseðli. Goymið þar sem böm hvorki ná til né sjá.