blaðið - 24.06.2006, Blaðsíða 19

blaðið LAUGARDAGUR 24. JÚNÍ 2006
VIÐTALI 19
hrúgast inn á. Það er frekar ólíklegt.
Það er engu að síður gott fyrir
sjálfsmynd okkar og sýnir að hér
séu ekki aðeins forríkir kaupsýslu-
menn sem menn eru misánægðir
með að fá þangað inn heldur höfum
við ýmislegt annað fram að færa
líka. Okkur hefur tekist að sýna
fram á það með tónlistina og núna
með leiklistina, kvikmyndirnar og
ýmislegt fleira."
Baltasar segir að viðhorf Islend-
inga til lista og menningar hafi
breyst mjög á undanförnum árum
og það heyri að mestu sögunni til að
foreldrar reyni að fá börnin sín ofan
af því að feta þá slóð. Ennfremur eru
ungir listamenn óhræddari við að
reyna fyrir sér erlendis.
„Björk er kannski sá tónlistar-
maður sem dregur vagninn og opn-
aði fyrir þann möguleika. Krakkar
sem eru um tvítugt hafa enga minni-
máttarkennd út af smæðinni og að
við getum ekki gert þetta. Það er frá-
bært. Auðvitað örlar stundum á mik-
ilmennskubrjálæði en þeim er þá
kippt fljótlega niður á jörðina aftur.
Það sama má í raun og veru
segja um kaupsýslumennina. Fyrir
þeim er ekkert flókið að fjárfesta í
Danmörku. Það er jafneinfalt og að
gera það hér. Fyrri kynslóðir voru
ragari við þetta vegna þess að þetta
var ekki byggt inn í okkur. I raun
og veru held ég að list og viðskipti
séu mun nátengdari en menn hafa
viljað líta á áður. Þetta er allt hreyfi-
afl og sköpun. Það er rosalega mikil
sköpun í viðskiptum líka.“
Eru menn ckki líka hœttir að líta
á lista- og menningarstarf sem ein-
tóman lúxusi'
„Ég held að ef maður fari til Lúx-
emborgar og verði þar í viku þá átti
maður sig á því að menning er ekki
lúxus heldur lífsnauðsyn. Það er
andlegur dauði að vera þarna. Þar
er ekkert nema bankar, nokkrar
Gucci-búðir og flugvöllur. Þetta er
ekkert líf. Svo keyra allir til Belgíu
eða eitthvert annað í leit að andlegri
næringu."
Reyni ekki að geðjast öllum
BaÍtasar Kormákur hefur nýlokið
tökum á kvikmyndinni Mýrinni
sem gerð er eftir samnefndri sögu
Arnalds Indriðasonar. Eftirvinnsla
er í fullum gangi en stefnt er að
því að myndin verði frumsýnd í
haust. Baltasar segir að tökurnar
hafi gengið vel fyrir sig og að hann
sé afskaplega ánægður með þann
hóp sem hann hafi unnið með. Það
komi síðan í hlut annarra að meta
árangurinn.
Ertu trúr upprunalegu sögunni?
„Ég er mjög trúr henni en ég skrifa
þetta náttúrlega fyrir tjaldið. Það er
mikilvægt að finna lykilinn að henni
sem kvikmyndahandrit en ekki
reyna að endursegja skáldsögu eða
reyna að geðjast öllum. Það er frekar
tilgangslaust. Alveg eins og í leikara-
valinu þá tók ég vissa afstöðu sem ég
vissi að það yrðu ekki allir sáttir við
en ég held að flestir verði það þegar
myndin verður sýnd. Stundum er
betra að taka skýra stefnu en að
reyna að geðjast öllum. Ég er búinn
að heyra hundrað ólíkar skoðanir á
því hver eigi að leika Erlend. Ég vildi
bara fá besta leikarann sem ég taldi
hafa allt til að bera í þetta hlutverk.
Það var svo einfalt. Ef maður ætlar
að halda athygli áhorfenda í tvo
tíma þá er ekki um of marga leikara
að velja.“
Var handritið unnið í samráði eða
samstarfi við Arnald Indriðason?
„Við höfðum þann háttinn á að
ég bar þetta undir hann og það var
ekki að neinni kröfu af hans hálfu.
Ég bauð honum upp á það sem hann
þáði. Hann gaf okkur ýmsar ráðlegg-
ingar sem við þáðum með þökkum.
Þetta er eins gott og það getur orðið.
Það góða við sögurnar hans Arn-
alds er að þetta eru persónusögur
og þær eru mjög trúverðugar i sam-
tímanum. Menn héldu alltaf að það
væri ekki hægt að skrifa krimma á
íslandi en það var náttúrlega vegna
þess að þeir voru alltaf að skrifa am-
eríska krimma eða eitthvað annað.
Islendingar vilja lesa um ísland.
Það er að ákveðnu leyti bjargvættur
menningarinnar að Islendingar þrá
íslenska menningu. Það selst til
dæmis engin bók jafnvel og íslensk
bók ef hún hittir í mark. Það sama
má segja um íslenskar biómyndir en
fólk tekur heldur ekki hverju sem
er. Ef fólk nær ekki sambandi við ís-
lenskt efni þá er það alveg dautt.“
Jaðarkvikmyndir og
sakamálasögur
Nú hefur Mýrin verið gefin út víða
erlendis og hlotið ágœtis viðtökur og
viðurkenningar. Hefurðu orðið var
við áhuga á myndinni erlendis vegna
þess?
„1 Þýskalandi hefur bókin örugg-
lega mjög mikið að segja. Það má
ekki gleyma því að það er gefið út
mikið af svona bókum úti um allan
heim og það eru gerðar bíómyndir
eftir fæstum þeirra. Það er ekki sjálf-
sögð tenging þar á milli. Ef þetta
væri amerísk bók og það væri gerð
mynd á ensku eftir henni þá myndi
það án efa virka betur. Þegar maður
er aftur á móti með bíómynd á öðru
tungumáli en ensku þá verður hún
flokkuð sem jaðarkvikmynd og það
er erfitt að komast út úr því. Þeir
sem fara í jaðarbíó eru ekki endilega
þeir sömu og lesa sakamálasögur.
Menn átta sig ekki endilega á þessu.
Þeir halda kannski að fyrst að bókin
hafi selst vel þá sé ekkert mál að búa
til bíómynd en það þarf ekki endi-
lega að vera.“
Baltasar bendir á að engu að síður
megi búast við því að Mýrin fái góða
kynningu og dreifingu erlendis.
„Fjármagnið kemur að miklu
leyti frá þýsku sjónvarpsstöðinni
ADR sem er önnur stærsta sjón-
varpsstöðin í landinu. Þar verður
myndin talsett og sýnd í sjónvarpi.
Þá hefur fyrirtæki í eigu Lars Von
Trier tryggt sér heimssöluréttinn á
myndinni og mun einnig standa að
kynningu á henni á mörkuðum. Það
er mjög mikilvægt og fáar myndir
sem njóta þess.“
Eru fleiri verkefni í bígerð?
„Ég er með mjög spennandi verkefni
í bígerð sem ég get ekki sagt frá. Svo
er ég líka að vinna að bíómynd bæði
hér heima og úti. Ég vil hafa góðan
tíma fyrir verkefni og vita hvað ég
er að fara út í. Maður er farinn að
átta sig á því að það skiptir miklu
máli hvað maður eyðir tímanum
sínum í enda er tími manns ekki
ótakmarkaður.“
einar.jonsson@bladid.net
SUMAR
SPRENGJA

Fullt golfsett
Karla og kvennasett
Mjög vandað Oryx golfsett sem
vio eigum bæði fyrir konur og karla.
Verð: 19.900.-
Fara golfskór
Þessir vinsælu golfskór bjóðum við
núna á sannkölluðu sumarverði.
Verð: 2.450.-
Golfpokar
Erum með úrval af golfpokum
af öllum stærðum og gerðum.
Verð frá: 3.900.-
50% afsláttur
Allur fatnaður á 20-50% afslætti.
Tour Touch fleygjárn (wedge) með 52°, 56° og 60° - verð 1.950.- (50% afsl.)
...og mörg önnur spennandi tilboð
YHole in One
! GOLFVERSLUN
Opnunartími: V
Mán - fös ....10 - 19
Laugardaga ...10-16
L Sunnudaga ....12-16
MUNID EFTIR 0UTLET
H0RNINU - ALLT
Á 50% AFSLÆTTI
HOLEINONE • BÆJARLIND 1-3 • 201 KÓPAVOGUR / JAÐRI • 600 AKUREYRI • SÍMI: 577 4040 • WWW.HOLEINONE.IS
kaldaljós 2006