blaðið - 24.06.2006, Blaðsíða 26

I
26 I MATUR
«HRk
LAUGADAGUR 24. JÚNÍ 2006 blaöið
Ferskt melónusalat
Þar sem ég er staddur úti í Króatíu
á meðan ég skrifa þennan texta og
hitinn er frá 23-28 stigum þá er ekk-
ert betra en að borða eitthvað létt
og frískandi og drekka ískaldan
bjór með. Þó það sé ekki eins heitt
heima á Islandí þá getur komið gott
og heitt veður inn á milli rigninga-
daganna. Á þeim dögum er tilvalið
að bjóða upp á eitthvað létt og frisk-
andi í matinn. Þar sem ég er undir
ferskum Miðjarðarhafsáhrifum
þessa dagana fannst mér tilvalið að
koma með hugmynd að góðu salati
þar sem vatnsmelóna er í aðalhlut-
verki, bæði sem meðlæti í salatinu
og í dressingunni. Vatnsmelónan er
tilvalin sem sætan í vinagrettu þar
sem þarf að vera rétt hlutfall á milli
súru, sætu og olíu ásamt kryddi.
Þetta salat er tilvalið sem léttur for-
réttur eða sem aðalréttur og þá er
hægt að bæta kjöti við, eins og
kjúklingi eða rækjum svo
það verði matarmeira.
Salat með vatnsmelónu, tómötum, aspas
og salthnetum ásamt dressingu með
vatnsmelónu-vinegrettu.

Grill og
ostur
Fyrir fjóra sem forrétt ur annars skal bæta
helmingi við sem aðalréttur
Blandað salat (helst að hafa klettasalat
með í blöndunni)
12 stk ferskur aspas (skræla og sjóða)
4 stk tómatar (skornir í grófa bita)
1/3 vatnsmelóna (skorin í grófa bita)
'/2 rauðlaukur (skorinn í fína strimla)
ca 4 matskeiðar salthnetur (ein á
mann)
(
Ijúffengur kostur!
Aðferð:
Öllu blandað
saman og stillt
huggulega upp á
disk, dressingin
er síðan sett yfir.
Dressing:
ca 5 matskeiðar vatnsmelóna (helst engir
steinar)
4 msk balsamico-edik
Safi úr '/2 sítrónu
8 msk ólífuolía
1 tsk dijon sinnep
4-6 blöð fersk mynta
salt og nýmalaður pipar
Aðferð:
Allt sett saman i blandara og keyrt
saman í fína vinegrettu.
Kveðja, Raggi
Eldað við
rœtur
Heklugossins
Bókin Delicious Iceland er nýkomin út en þar er
uppskriftum og veiðisögum blandað saman í máli og myndum.
Bókin Delicious lceland
Epla- og gráðostasalat með ristuðum valhnetum.
Ævintýrakokkurinn Völundur
Snær Völundarson er nýbúinn að
gefa út bókina Delicious Iceland:
Tales of unique northern delic-
acies sem er vægast sagt fjölbreytt
og glæsileg. í bókinni er upp-
skriftum og veiðisögum blandað
saman í máli og myndum.
Völundur upplifði ansi mörg ævin-
týri við gerð bókarinnar og hvert
öðru skemmtilegra. Til að mynda
eldaði hann við rætur gossins í
Heklu, náði í svartfuglsegg í björg
og dorgaði. Völdundur gaf sér
tíma til að ræða við blaðamann
þrátt fyrir annríki enda er dreng-
urinn að ganga upp að altarinu
idag.
Völundir segir að hugmyndin að
bókinni hafi kviknað þegar hann
heimsótti reglulega ísland með er-
lendum vinum sínum. „Þeir urðu
alveg hugfangnir af mörgu sem þeir
sáu hér og ég hugsaði með mér að
þessu þyrfti að gera góð skil. Ég nota
því margt í bókinni sem þeir voru
hrifnir af. Ég og Hreinn Hreinsson
ljósmyndari byrjuðum saman á bók-
inni árið 1998. Þá var ég nýkomin frá
Chicago þar sem ég var hjá Charlie
Trotter sem er einn virtasti kokkur-
inn í Ameríku. Ég var því fullur af
hugmyndum og ætlaði mér aldeilis
að gera bók. Hreinn tók myndir
af mér í alls kyns ævintýrum, við
veiddum ál, heimsóttum bónda
fyrir norðan sem gerði fíflavín og
bjuggum þannig til fullt af sögum.“
Glóandi hnullungar við
eldamennskuna
Ein af þeim sögum er þegar Völ-
dundur eldaði lamb í hraunjaðri
Heklugossins sem hann segir að
hafi verið mögnuð reynsla. „Ég var
að vinna á Hótel Holti og heyrði í
útvarpinu á leiðinni í vinnuna að
Hekla væri byrjuð að gjósa. Ég er að
norðan og enginn af vinum mínum,
jeppaköllunum, var til staðar í
bænum þannig að ég hringdi upp
í Hummer umboð. Eg kynnti mig
og sagði að ég vildi endilega kom-
ast í gosið því ég vildi elda uppi á
hrauni. Hálftíma seinna vorum ég
og Hreinn komnir
af stað og keyrðum
upp að hraunjaðr-
inum. Hnullung-
arnir duttu niður
glóandi en ég steikti
lamb á pönnu,“
segir Völundur
og hlær. „Lambið
bragðaðist frábær-
lega og þetta var
geggjuð lífsreynsla."
Bók Völundar er
á ensku og er því
hugsuð sem land-
kynning og fyrir
ferðamenn. Sjáífur
segir Völundar að
hún sameini í raun
allar þessar fallegu
myndabækur sem eru um ísland en
segja í rauninni ekki neitt. „Þetta er
ævintýraleg bók.“
Spennandi sögur um nytjar íslands
Völundur flutti til Bahamas árið
2000 en kemur reglulega heim til
íslands. Þeim ferðum eyddi hann að
hluta til í ævintýri fyrir bókina. „Ég
og Hreinn fórum að dorga, náðum
í svartfuglsegg í björg og héldum
áfram að gera spennandi sögur um
nytjar íslands. Þegar við vorum
búnir að mynda þá vantaði einhvern
til að skrifa þetta verk og þá fengum
við í lið með okkur mann sem
heitir Haukur Ágústsson. í bókinni
skrifar hann um ísland, islenskar
matarvenjur og hvernig matarmenn-
ingin hefur þróast á íslandi. Það eru
sögur þar á milli sem eru ævintýra-
legar. 1 uppskriftunum tek ég alltaf
eitt grunnhráefni sem er íslenskt og
elda síðan eitthvað framandi úr því
og nýti mína reynslu til þess en ég
hef verið út um allan heim síðustu
níu ár,“ segir Völundur og bætir við
að hann hefði aldrei gert þessa bók
ef ekki hefði verið fyrir Hrein og
Hauk.
Skíthræddur í sigi
,Þetta hefur verið skemmtileg lífs-
reynsla," segir Völundur. „Öll þessi
ævintýri eru eftirminnileg en það
var eitt sem ég átti alls ekki von á
og það var á Langanesi. Þar hittum
við eggjabændur sem síga bjargir
tíu daga á ári í leit að eggjum. Við
ætluðum að mynda þetta og sjá
hvernig þeir færu að þessu. Þá tóku
þeir ekkert annað í mál en að setja
mig í siggræju og ég var látinn
síga niður 100 metra bjarg. Ég var
skíthræddur," segir Völundur með
kímni í röddinni.
svanhvit@bladid.net
Völundur eldaði lamb við hraunjaðarinn þegar Hekla gaus.„Hnullungarnir duttu niður
glóandi en ég steikti lamb á pönnu. Lambið bragðaðist frábærlega og þetta var geggjuð
Iffsreynsla."