blaðið - 01.07.2006, Blaðsíða 23

blaöið LAUGARDAGUR 1. JÚLÍ 2006
VIDTALI 23
menn að kæfa hláturinn og þá kom í
hlut einhvers annars að halda áfram
lygaspunanum. Við hefðum ekki
haldið þetta út í sjónvarpi," segir
Valgeir.
„Frá því að platan kom í búðir hefur
þetta aprílgabb verið eins konar
myllusteinn um háls okkar. Það var
það flókið, viðamikið og margþætt
að fólk hefur yfirleitt trúað einum
hluta þess ef ekki fleirum. Nú er
komið fram í júní og við erum í raun
og veru enn að leiðrétta þetta apríl-
gabb. Það virðist aldrei vera nógu vel
ofan af því undið.“
MH var gróðrarstía
skemmtilegheita
Áhugi er til staðar hjá hljómsveit-
inni á að halda tónleika eða fylgja
plötunni á einhvern hátt eftir. Þar
sem hljómsveitarmeðlimir eru
allir uppteknir í öðrum verkefnum
verður þó ekki hægt um vik að gera
það. Valgeir og Jakob Frímann eru
þeir einu sem lögðu tónlistina fyrir
sig en Gylfi Kristinsson forsöngvari
Frummanna er menntaður sálfræð-
ingur og Ragnar Daníelsen er hjarta-
skurðlæknir. Valgeir segir að Gylfi
sé æskuvinur hans og Ragnari hafi
hann kynnst í Menntaskólanum við
Hamrahlíð.
„Við tókum nokkur Simon og Garf-
unkel lög á skólaskemmtun í Hamra-
hlíðarskólanum. Með því lögðum
við okkar af mörkum til félagslífs
skólans. Þetta var nýr skóli og menn
þurftu að standa fyrir öllu sjálfir.
Það var ekkert til sem hét hefðir,
þarna rikti mikið frelsi og MH var
ákaflega frjór vettvangur og gróðrar-
stía mikilla skemmtilegheita," segir
Valgeir.
Tónlist til að drepa tímann
Valgeir er ekki frá því að menn njóti
tónlistar á vissan hátt öðru vísi nú
en á þeim árum þegar Stuðmenn
komu fyrst saman.
„Nú ganga menn með þúsundir
laga í litlum spilurum í brjóstvas-
anum. Ég set spurningarmerki við
þessa miklu ofgnótt vegna þess að
ég held að hún sé ekki til þess fallin
að menn njóti tónlistar betur. Áður
hlustaði maður á plötu frá fyrsta til
síðasta lags og síðan sneri maður
henni við. Menn sátu með umslag
í hendi sem á var að finna ýmsar
upplýsingar. Þetta var meiri athöfn
og mun félagslegri en gengur og ger-
ist í dag á tímum heyrnartóla. Við
félagarnir hittumst iðulega í þeim
tilgangi einum að hlusta saman á
tónlist. Nú er fólk með tónlist i eyr-
unum hvar sem er og henni er oft á
tíðum aðeins ætlað að drepa tímann
á meðan fólk er í líkamsrækt eða úti
að skokka. Ég er sjálfur ekkert skárri
en aðrir en ég sakna samt þess tíma
þegar það var meiri athöfn að hlusta
á tónlist,“ segir Valgeir.
Auk þess að taka þátt í endur-
lífgun hinna upprunalegu Stuð-
manna kemur Valgeir einnig fram
á tónleikum með hinum eiginlegu
Stuðmönnum um þessar mundir en
hann sagði skilið við sveitina fyrir
mörgum árum. Hljómsveitin mun
meðal annars leika á NASA við Aust-
urvöll í kvöld og fleiri tónleikar eru
fyrirhugaðir á næstu vikum.
Ekki genginn aftur í Stuðmenn
„Ég er ekki genginn í hljómsveit-
ina með formlegum hætti en það
er mjög skemmtilegt að rifja upp
gömul kynni og takta og svo er
þetta svo frábærlega spilandi hópur.
Eg kem fram sem sérstakur leyni-
gestur ásamt Stefáni Karli Stefáns-
syni leikara og Birgittu Haukdal
söngkonu. Stefán er alveg frábær
tónlistarmaður, góður söngvari og
slagverksleikari og hæfileikamaður
fram í fingurgóma. Birgitta gæðir
sveitina þeim kvenlega yndisþokka
sem hefur einatt fylgt Stuðmönnum
og hefur fögur hljóð eins og alkunna
er“ segir Valgeir.
Valgeir segir að ekki hafi mikið
breyst frá því að hann var í hljóm-
sveitinni og stemningin sé alltaf
jafngóð. „Fólk syngur með og kann
þessi lög meira og minna. Mér finnst
alltaf jafnmerkilegt að heyra fólk
syngja lög sem ég samdi fyrir löngu
og átti ekki von á að yrðu nokkurn
tíma meira en skammlífar dægur-
flugur. Þau virðast sum hafa tekið
sér varanlega bólfestu milli eyrn-
anna á fólki og í börkum þess. Það
er mjög notaleg tilfinning," segir Val-
geir Guðjónsson að lokum.
einar.jonsson@bladid. net
Stuðmennanno 2006.Valgeir
Guðjónsson er ekki formlega genginn til
liðs við sína gömlu félaga en segist hafa
gaman að því að koma fram með þeim og
rifja upp gamia tíma.

I , J

y' ■Kí • 1
m / SL ■/'
Wmá
Þín eigin brúðarsvíta
Hágæða sælurúm
Nolterúm

Þessi geysi vinsælu rúm eru mjög fullkomin með nuddi Þýsk hágæðarúm sem fást í nokkrum
og þráðlausri fjarstýringu sem hefur minni fyrir stærðum. Þau eru með fjaðrabotni
hinarýmsu stillingar. eða lyftirúmi og eru með nettri
Margar stærðir og mismunandi stífleikar á spring- fjarstýringu.
dýnum.
Opið alla virka daga frá kl. 8-18 og á laugardögum frá kl. 10-14.
RB-rúm Dalshrauni 8 220 Hafnarfirði Sími 555 0397 rbrum@rbrum.is www.rbrum.is
K
II
RÚM
Stofnað 1943

rtíms
Hágæðarúm á góðu verði.
Smíðuð eftir þínum óskum.
Islensk hönnun - islensk framleiðsla