blaðið - 01.07.2006, Qupperneq 28
28 I TILVERAN
LAUGARDAGUR 1. JÚLÍ2006 blaóiö
R&r, j ‘f t > ! i t \a{ « {\ ls I ; ttj tTfí £
mmmárnímáááámmmmJmámmmmJÍJÍÉátm
Hraði og lífsgœðakapphlaup
Það kann að vera að ég muni hljóma eilítið gamaldags í þessum
pistli og á því vil ég biðjast afsökunar fyrirfram. I þessu
nútímasamfélagi sem ísland er orðið, þar sem hraði, velmegun
og lífsgæðakapphlaup eru sett á oddinn, er einstaklega lummu-
legt að vera gamaldags. Ungt fólk í dag virðist ekki geta beðið
eftir að eignast allt sem hugurinn girnist, eigið hús á eigin lóð
og jeppa, að ógleymdu plasmasjónvarpi og sumarbústaðnum á
Kanarí. Foreldrar mínir, ásamt öðrum af þeirra kynslóð, fjár-
festu ekki í stóru húsi á eigin lóð fyrr en þau voru komin hátt
á fertugsaldur. Það var reyndar ekki fyrr en yngsta barnið af
fjórum fæddist en þá var minna mál fyrir fimm manna fjöl-
skyldu að hírast í lítilli blokkaríbúð. í dag er nauðsynlegt að
hvert barn fái sitt eigið herbergi, helst áður en það kemur í
heiminn. Það er reyndar gott og blessað en barnið er á sama
tíma svipt gleðinni, og stundum sorginni, yfir því að deila her-
bergi með systkini.
Ég er kannski skrýtin en ég er sátt í minni litlu blokkar-
íbúð. Þegar ég flyt úr henni mun ég sennilega flytja í aðeins
stærri blokkaríbúð. Eftir nokkur ár í henni verð ég sennilega
tilbúin til að ráðast í nýbyggingu með öllum þeim svita og
tárum sem því fylgir. Að ógleymdum gífurlegum fjárútlátum.
Jafnaldrar mínar og vinkonur eru ekki sammála mér, langt í
frá. Margar þeirra eru þegar búnar að byggja sér hús á eigin
lóð. En þær láta ekki staðar numið þar því auk nýja hússins
er keyptur jeppi og glæsileg húsgögn, því gömlu húsgögnin
voru ekki nógu flott. Það er ekki það að vinkonur mínar séu
sérstaklega snobbaðar eða fjáðar. Alls ekki, ungt fólk út um
allan bæ er að fjárfesta í framtíðarhúsnæðinu áður en það
nær þrítugsaldrinum. Raunar er það svo að flestir vinir
mínir eru annað hvort nýbúnir að byggja eða voru
að kaupa sér lóð. Svo ekki sé minnst á jeppaeign
ina, sem er orðin nokkurs konar faraldur.
Það virðist ekki vera nóg að kaupa húsið og
flytja inn heldur verður allt að vera tilbúið sem
fyrst, bæði hús og garður. Flestir leggja áherslu á
að húsin séu kláruð fyrir eða rétt eftir að flutt er
inn í þau. Það sama á við um garðinn sem er þá
jafnvel kláraður með aðstoð landslagsarki-
tekta. Ég flutti ásamt fjölskyldu minni í nýbyggingu þegar
ég var kornabarn. Þar voru bráðabirgðainnréttingar og bráð-
birgðahurðir sem faðir minn smíðaði og vitanlega var gólfið
steinn. Ég veit ekki til þess að við systkinin höfum skaðast
alvarlega af þessu, jafnvel þótt það hafi tekið föður okkur
um 20 ár að klára húsið endanlega. Ef það tókst þá nokkurn
tíma. Frekar held ég að við höfum verið stolt af því að faðir
okkar gerði allt sjálfur í stað þess að reiða sig á aðra.
Ég veit það ekki, kannski er þessi pistill bara gegnsýrður
af öfundsýki. Kannski er ég ekkert ánægð í lítilli og ömur-
legri blokkaríbúð. Kannski dreymir mig um að sitja,
skuldum vafin, í fallegu einbýlishúsi sem ég byggði á
minni eigin lóð, með jeppa á bílastæðinu, heitan pott í
tilbúnum garðinum og þurfa aldrei að hafa áhyggjur
að neinu framar. Ja, nema skuldunum og leiðanum
yfir því að fá ekki tilbreytingu næstu 30 árin.
svanhvit@bladid.net
HEIMAVÖRN SECURITAS - ÖRYGGISKERFI FYRIR HEIMILIÐ
Ert þú háð/ur
persónuleikapróíum?
Persónuleikapróf er eins misjöfn og þau eru mörg en eitt eiga þau sameiginlegt og það er auðvitað skemmtanagildið. Flest persónuleikapróf eru einungis ætluð til
skemmtunar en ekki er lagt út með að þau séu einhvers konar leiðarvísir um hvernig skal lifa lífinu. Því ber að varast að taka prófin of alvarlega. Hver veit nema hægt sé að
fræðast eitthvað í leiðinni? Það er alltaf hætta á að taka persónuleikapróf of alvarlega og lifa lífi sínu í samræmi við niðurstöðurnar. Hefur þú fallið í gryfju persónuleikaprófa
eða tekst þér að halda þér á mottunni? Taktu prófið og þú færð svar innan skamms.
IErt þú að taka þetta
persónuleikapróf?
a) Nei, ég fletti fram hjá því.
b) Ég er bara að lesa það, ég ætla
sko ekki að taka það.
c) Já og stolt/ur af því.
d) Já en ekki segja neinum.
2Hvað tekurðu
persónuleikapróf oft?
a) Nokkrum sinnum í viku.
b) Aldrei.
c) Mjög sjaldan, kannski svona
vikulega.
d) He’f tekið nokkur
persónuleikapróf um ævina.
3Hvar nálgastu
persónuleikapróf?
a) Fæ þau stundum send í
tölvupósti.
b) Aðallega á Netinu.
c) Ég tek aldrei persónuleikapróf.
d) Kaupi tímarit sem ég veit að
innihalda persónuleikapróf og á
nokkrar uppáhaldssíður á Netinu
þar sem ég tek próf.
4Afneitarðu þeirri
staðreynd að
þú hafir gaman af
persónuleikaprófum?
a) Nei, enda tek ég þau ekki það
oft að ég þurfi að skammast mín
fyrir það.
b) Alls ekki, ég lifi lífi mínu eftir
persónuleikaprófum og það vita
allir.
c) Nei ég get nú ekki beint sagt
það.
d) Persónuleikapróf eru
heimskuleg, þess vegna tek ég þau
aldrei.
STekurðu mikið mark á
persónuleikaprófum?
a) Það væri nú erfitt þar sem ég
tek aldrei persónuleikapróf.
b) Svolítið. Þau eru nú gerð til að
aðstoða fólk.
c) Nei, en niðurstöðurnar eru í
huga mér það sem af er dagsins.
d) Já það þýðir ekkert annað.
Þetta er svipað og að fá góð ráð frá
vini sínum sem hefur alltaf rétt
fyrir sér.
6Þú tekur persónuleikapróf
um ástarsambönd og
kemst að því að kærastinn/
kærastan hentar þér alls ekki.
Hvað tekurðu til ráða?
a) Ég hundsa það að mestu þótt
það sér mér stundum ofarlega í
huga.
b) Ég geri ekki neitt enda myndi
ég aldrei taka mark á asnalegu
persónuleikaprófi, sérstaklega þar
sem ég tek aldrei persónuleikapróf.
c) Hringi samstundis i makann
og segi honum að sambandið gangi
ekki upp þar sem ég hef fallið fyrir
öðrum.
d) Dreg makann með mér í
hjónabandsráðgjöf þó ég viti
fyrirfram að þessu er lokið.
7Hvað veldur því að þú tekur
persónuleikapróf?
a) Ég er áttavillt/ur og veit
ekki hvert líf mitt stefnir. Mig
vantar ráð.
b) Ég nota persónuleikapróf
einungis sem dægrastyttingu.
c) Þó ég viti að það sé lítið að
marka þau þá finnst mér þau oft
sýna mér hliðar sem ég lokaði
augunum fyrir.
d) Það er eitthvað sem ég myndi
aldrei í lífinu gera.
>Þú hefurmiklar
► áhyggjur af ákveðnu
. — -
8;
vandámali. Til hverra
leitarðu til að fá aðstoð við
úrlausn málsins?
a) Ég leita til vina minna en
tek líka persónuleikapróf ef ske
kynni að þar lægi lausnin.
b) Égteknokkurpersónuleikapróf
sem öll fjalla um þetta tiltekna
vandamál. Ég skoða niðurstöðurnar
og tek ákvörðun í framhaldi af því.
c) Það veit ég ekki en eitt
er víst, ég myndi aldrei nota
persónuleikapróf til að leysa úr
mínum vandamálum.
d) Vina og ættingja. Fæ jafnvel
fagaðstoð ef vandamálið er
alvarlegt.
Reiknaðu stigin:
1. a)i b) 2 c)4 d)3
2. a)4 b)i c) 3 d)2
3. a)2 b)3 C)1 d)4
4-a)3 b) 4 C)2 d)i
5- a)2 b)i c)4 d)3
6. a)i b)3 c) 2 d)4
7. a) 4 b) 2 c) 3 d)i
8.a)3 b) 4 C)1 d)2
0-10 stig:
Þú ert svo sannarlega ekki háður
persónuleikaprófum. Reyndar
staðhæfirðu oftar en einu sinni að
þú takir aldrei persónuleikapróf.
En sennilega lifirðu í einhvers
konar afneitun því þetta er
persónuleikapróf og þú varst að
taka það. Kannski ættirðu að láta af
óbeit þinni á persónuleikaprófum
og viðurkenna að þú hafir svolítið
gaman af þeim. Komdu út úr
skápnum! En mundu að allt er gott
í hófi...
11-18 stig:
Þú tekur persónuleikapróf annars
lagið en áttar þig fullvel á því að
þau eru ætluð til skemmtunar. Þú
tekur þau því ekki alvarlega og
lifir þínu lífi án truflunar. Stundum
er allt í lagi að huga frekar að
niðurstöðum prófa því hver veit
nema þú gætir lært eitthvað um
sjálfa/n þig.
19-26 stig:
Það er óhætt að segja að þú
hafir gaman af því að taka
persónuleikapróf. Þú tekur
þau reglulega og tekur mark
á niðurstöðunum. Þér hættir
til að taka of mikið mark á
niðurstöðunum og breytir jafnvel
þinum daglegu venjum í samræmi
við þær. Ekki gleyma að þessi próf
eru gerð til skemmtunar og geta
aldrei komið í stað fyrir ráð frá
góðum vin eða ættingja.
27-32 stig:
Þú ert háð/ur persónuleikaprófum
og tekur þau reglulega. (stað þess
að leita til vina þá leitar þú á náðir
prófanna og finnur þar einhvers
konar huggun. Persónuleikapróf
eru misjafnlega vel unnin og þvi
er aldrei góð hugmynd að taka
svo mikið mark á þeim að þú
breytir llfi þínu í kjölfarið. Þú ert
fullfær um að taka ákvarðanir
um líf þitt sjálf/ur og þarft ekki
eitthvert utanaðkomandi tæki til
þess. Leitaðu frekar til fagaðila eða
ástvina en hvíldu prófin í bili.