blaðið - 13.02.2007, Blaðsíða 12
blaði
Útgáfufélag:
Stjórnarformaður:
Ritstjóri:
Fréttastjóri:
Ritstjórnarfulltrúi:
Ár og dagurehf.
SigurðurG.Guðjónsson
Trausti Hafliðason
Gunnhildur Arna Gunnarsdóttir
Elín Albertsdóttir
Umhverfis- og
virkjanamál
Umhverfismál eru orðin fslendingum mjög hugleikin nú á síðari árum,
svo mjög reyndar að alveg er óhætt að tala um vakningu í þeim efnum.
Vinstri grænir, sá stjórnmálaflokkur sem lætur umhverfismál sig mestu
varða, hefur aldrei notið meiri vinsælda og grasrótarhreyfingar sem hafa
það eina markmið að vekja athygli á og þrýsta á um breytta stefnu í umhverf-
ismálum spretta upp víða um land. Nægir þar að nefna Framtíðarlandið, Sól
í Straumi, Sól á Suðurnesjum og Sól á Suðurlandi.
f síðustu viku felldu félagsmenn í Framtíðarlandinu tillögu um að bjóða
fram til Alþingis í vor. Það var líkast til farsæft skref því stjórnmálaflokkar
sem leggja ofuráherslu á eitt málefni og hafa ekki stefnu í öðrum málum
eiga takmarkað erindi á Alþingi. Það eru nefnilega mörg önnur mál sem
brenna á samfélaginu eins og efnahagsmál, menntamál, málefni eldri borg-
ara, félagsmál og svo mætti lengi telja.
Þó efast megi um réttmæti svokallaðra eins-málefnis stjórnmálaflokka
þá er jákvætt þegar borgarar fandsins taka sig saman í þeim tilgangi að veita
stjórnvöldum aðhafd. Það er jákvætt þegar fólk binst samtökum til þess að
knýja stjórnvöld um rök fyrir stórum ákvörðunum eins og virkjanafram-
kvæmdum, byggingu álvera og lagningu vega. í dag dugar ekki fyrir stjórn-
málamenn að benda á hagkvæmniútreikninga í Excel-skjölum máli sínu
til stuðnings því það eru önnur mál sem skipta orðið afveg jafnmiklu máli
- umhverfismál.
Um helgina bárust fregnir af fundi í Árnesi í Skeiða- og Gnúpverjahreppi.
Það voru Náttúruverndarsamtök Suðurlands og Sól á Suðurlandi-sem
stóðu fyrir fundinum en á honum var virkjanaáformum Landsvirkjunar
í Neðri-Þjórsá mótmælt. Landsvirkjun stefnir að því að byggja þrjár virkj-
anir á svæðinu; Urriðafossvirkjun, Hvammsvirkjun og Holtavirkjun. Þess
ber að geta að Skipulagsstofnun hefur þegar fallist á framkvæmdirnar en
úrskurðir vegna mats á umhverfisáhrifum þeirra voru birtir fyrir næstum
þremur árum. Þá hefur Landsvirkjun þegar boðið út hönnun virkjananna
en það gerði hún skömmu fyrir síðustu áramót.
I ályktun sem var samþykkt á fundinum í Árnesi var skorað á sveitarfé-
lögin fjögur sem hafa með málið að gera að veita fyrirhuguðum virkjunum
ekki brautargengi. Spurningin sem vaknar nú er hvort það sé ekki einfald-
lega of seint. Þá virðist sem sveitarstjórnarmenn í þessum sveitarfélögum,
Rangárþingi ytra, Skeiða- og Gnúpverjahreppi, Ásahreppi og Flóahreppi,
séu flestir alls ekki á þeirri skoðun að hætta við virkjanagerðina. „Helsti
gallinn við þennan fund var að meirihluti fundarmanna var aðkomufólk
og niðurstaðan lýsir ekkert viðhorfum heimamanna sem mig grunar að séu
almennt jákvæð,“ segir Gunnar Örn Marteinsson, oddviti Skeiða- og Gnúp-
verjahrepps, í Blaðinu í dag. Þá vaknar önnur spurning, er það endilega sjálf-
gefið að ákvarðanir um virkjanamál eigi að vera í höndum heimamanna líkt
og formaður Framsóknarflokksins hefur sagt?
Trausti Hafliðason
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@biadid.net, frettir@bladid.net, auglysingar@bladid.net
Prentun: Prentsmiðja Morgunblaðsins
Jeppadekkin frá
38x15,5R15
38" MTZ dekkin komin aftur
Viðarhöfða 6 - Sími 577 4444
12
ÞRIÐJUDAGUR 13. FEBRÚAR 2007
blaðið
..,gVó>ÍA/ &>Vo\ÍR TzL(&b(/ftJ MjW-
VÚ TzTtr EKK'/ /tL&Jó'Hr
k-á \>ú 8?±yzr EKkj K*UR0iFL
T-’Y'-rjR- e)TtA VirrJi
j BAliG^ÍUNU.
Stöngin inn á Sprotaþingi
Ný menntastefna sem byggist á
frelsi í stað miðstýringar er inntakið
í nýrri skólapólitík Samfylkingar-
innar. Ný stefna og aukin framlög til
menntamála. Það verða leiðarljósin
fyrir menntasókn Samfylkingar-
innar í vor. Þá tekur vonandi við ný
ríkisstjórn jafnaðarmanna af þeirri
hægrisinnuðu íhaldsstjórn sem
hefur byggt upp samfélag okurs og
ójöfnuðar síðustu tólf árin.
Okkur gefst alla vega einstakt tæki-
færi til breytinga. Það tækifæri er
núna í vor. Kjósum íhaldið og okrið
í burtu á einu bretti.
Á sama tíma hafa sprotarnir ekki
verið gróðursettir. Lítill metnaður
er í menntamálum og fjandsamlegt
viðmót í garð nýsköpunar- og sprota-
geirans. Stóriðjunni allt er inntakið í
atvinnupólitík hægri flokkanna.
En nú eru að hefjast nýir tímar og
kom það einstaklega skýrt fram á
dögunum.
Þrjú - núll á Sprotaþingi
Nýlega héldu Samtök iðnaðarins og
Samtök sprotafyrirtækja svokallað
Sprotaþing. Það var þannig byggt
upp í þetta skiptið að þingflokkum
stjórnmálaflokkanna var boðið að
koma með þrjú þingmál sem miðuðu
að uppbyggingu hátækniiðnaðar-
ins. Fá á þau mál gagnrýni og breyt-
ingartillögur inni á þinginu og loks
atkvæðagreiðslu þingsins um hvaða
tillögur þættu bestar.
Samtals mættu þingflokkarnir
með 13 þingmál til að leggja í dóm
Sprotaþings og fyrir hönd okkar
jafnaðarmanna voru þau Ágúst Ól-
afur, Katrín Júlíusdóttir og Dofri Her-
mannsson á þinginu og kynntu til-
lögur sem unnið hefur verið að innan
þingflokksins í vetur. Þetta reyndist
hin vaskasta sigursveit.
Samfylkingin hefði getað mætt
með mikinn fjölda vel undirbúinna
tillagna því um skeið hefur flokk-
urinn unnið mikla vinnu í að finna
leiðir til að styrkja nýja atvinnulífið.
Samfylkingin var þess vegna búin að
setja saman stóra tillögu um hátækni-
áratuginn - verkefni til næstu 10 ára
þar sem markvisst væri unnið að því
að búa hátækni- og þekkingariðnað-
inum góð vaxtarskilyrði.
Samfylkingin mætti til leiks með
þrjár tillögur alls. Tvær varðandi há-
tækniáratuginn og heildartillöguna
til að sýna að við vitum að hér þarf
að taka á málum með heildstæðum
Viðhorf
Björgvin G. Sigurðsson
hætti. Mat þeirra tæplega 200 gesta
Sprotaþingsins á því hvaða þrjár til-
lögur væru bestar voru eftirfarandi:
Tillaga Samfylkingarinnar
um að stórefla Rannsóknar- og
tækniþróunarsjóð
Tillaga Samfylkingarinnar um
að koma upp endurgreiðslukerfi á
R&D-kostnaði
Tillaga Samfylkingarinnar um
hátækniáratuginn
Þrjú núll fyrir Samfylkinguna.
Samfylkingin sýndi með þessum
tillögum að við höfum lagt mikla
vinnu í að finna leiðir til að búa nýja
atvinnulífinu sem best skilyrði.
Ófriður á hægri kantinum
Það vantar ekki spennuna eða kosn-
ingamálin fyrir vorið. Útlitið er erfitt
fyrir Sjálfstæðisflokkinn t.d. þó að
lítið sé um það rætt. Fylgi flokksins
er lágt í könnunum en alþekkt er að
37% í könnunum er ávísun á fylgi upp
á ca. 32% hjá íhaldinu. Alltaf ofmælt í
könnunum rétt eins og áhrifamáttur
þess í íslenskri pólitík hefur alltaf
verið ofmetinn mjög.
Þá er ekki friðvænlegt á hægri
kantinum. Klofningur Frjálslyndra
boðar nýtt afl hægra megin við
miðju; hægri græna væntanlega.
Það framboð mun ef þokkalega til
tekst taka nokkur dýrmæt prósent af
Sjálfstæðisflokki.
Samfylkingin mun koma á óvart í
vor. Núverandi kannanir eru að mínu
mati ekki vísbendingar um það sem
í vændum er í vor. Við jafnaðarmenn
verðum í fínum málum og verðum
á svipuðum slóðum og fyrir fjórum
árum, í kringum þriðjungsfylgi.
Góð og skilvirk stefnumótunar-
vinna, öflug forysta og fínir framboð-
listar strika undir þessa skoðun mína.
Ingibjörg Sólrún og Ágúst Ólafur
hafa staðið sig vel í þeirri umhleyp-
ingasömu stjórnmálatíð sem vont
gengi í könnunum er. Þau hafa staðið
það vel af sér og haldið prýðisvel á
málum sem samstillt forysta flokks-
ins. Mjög vel heppnuð fundaferð Ingi-
bjargar Sólrúnar um byggðamál und-
anfarnar vikur undirstrikar það.
Einsog kempan Jóhanna Sigurð-
ardóttir dró skýrt fram í Silfri Egils
í byrjun febrúar: Við munum vinna
í vor. Þar fór hún á kostum og hélt
málstað okkar glæsilega fram og sló
á allt svartagallsrausið í ótrúlegasta
fólki sem fýkur nú af hjörunum þó
það komi nokkrar vondar kannanir.
Áfram svona.
Höfundur er þingmaður
Samfylkingarinnar í Suðurkjördæmi
Klippt & skoríð
Veldi„gömlu"olíufélagannaferminnkandi
og fyrir stuttu ákváðu Ríkiskaup að kaupa
sitt eldsneyti fyrir Landhelgisgæsluna
næstu tvö árin frá Atlantsolíu. I
Hingað til hafa Esso, Skeljungur j
og Olís skipst á um hnossið.
Framkvæmdastjóri Atlantsolíu
telur áfangann sýna og sanna að M
samkeppni sé loks að þrífast á eldsneytismarkaðl
hér á landi. Er það vel en furðu vekur að olíufé-
lögin öll, Atlantsolía meðtalin, hafa veriö afar sam-
stiga í verðhækkunum á bensíni og dísilolíu til bíl-
eigenda undanfarna mánuði og hvergi lengurað
sjá fyrirvaralausar verðbreytingar eins og raunin
varfyrst þegar Atlantsolía hóf starfsemi sína. Víst
lækkar félagið reglulega verð sín á stöku stöðum
en það hefur að mestu verið tii jafns við önnur fé-
lög og aðrar lágverðsstöðvar um langt skeið.
Tímasetning nýs átaks Lýðheilsustöðvar
og Landssambands smábátaeigenda
sem ber heitið „Borðum meiri fisk" gæti
verið betri. Ekki aðeins er fiskverð almennt á
fslandi í sögulegu hámarki heldur birti önnur
ríkisstofnun þremur dögum fyrr niðurstöður úr
eftirlitsverkefni um örveruástand í fiskafurðum.
Voru niðurstöðurnar dapurlegar enda kom í Ijós
að vel yfir helmingur þeirra fiskafurða sem rann-
sakaðar voru
reyndist ekki
standast við-
miðunarmörk.
Var í öllum tilvikum um unninn fisk að ræða en
annað er ekki í boði fyrir nútímafólk þar sem
ekki er lengur hægt að kaupa ferskan fisk af
smábátaeigendum við höfnina eins og víða var
hægt áðurfyrr.
Stutt er síðan Þorgerður Katrín
menntamálaráðherra og Valgerður
Sverrisdóttir utanríkisráðherra öskr-
uðu sig hásar með íslenska
landsliðinu í handbolta í Þýska-
landi og nú berast fréttir af
Guðna Ágústssyni landbún-
aðarráðherra með uppistand á
Klörubar á Kanaríeyjum. Sé ætlunin að næla
sér í atkvæði í Ijósi hrapallegra niðurstaðna
Framsóknarflokksins í síðustu könnunum
þykir klippara langt seilst. Hitt vekur og at-
hygli að ráðherrar virðast ekki víla fyrir sér
að fara einkaferðir erlendis þó Alþingi sé í
fullum gangi. Kannski eru sumar- og vetrar-
fríin ekki nógu löng?
albert@bladid.net