blaðið - 13.02.2007, Blaðsíða 20
ÞRIÐJUDAGUR 13. FEBRUAR 2007
blaöiö
menntun@bladid.net
Ungmenni í framhaldsskólum
Haustið 2005 voru 98 prósent 16 ára ungmenna á
Norðurlandi vestra innrituð í framhaldsskóla og var
hlutfallið hvergi hærra. Lægst var það á Suðurnesjum
og Suðurlandi eða 90 prósent.
Brottfall á Suöurnesjum
Hæsta innritunarhlutfall 19 ára ungmenna í
framhaldsskóla haustið 2005 var 74 prósent á
Vestfjörðum en lægst var það á Suðurnesjum
eða 52 prósent.
Stúlkur standa
sig betur
StúÍRur stóðu sig almennt betur
en drengir á samræmdum prófum
í stærðfræði og íslensku í 4. og 7.
bekk síðastliðið haust. Sem dæmi
nefna að í 4. bekk eru 28 prósent
stúlkna með háa einkunn í íslensku
en tæp 19 prósent drengja. Meiri
*• munur er á kynjunum í 7. bekk þar
sem 28,6 prósent stúlkna eru með
háa einkunn í íslensku en 15,8 pró-
sent drengja.
(stærðfræði er aftur á móti lítill
munur á frammistöðu kynjanna í 4.
bekk en aðeins meiri þegar komið
er upp í 7. bekk.
Samræmd próf í 4. og 7. bekk voru
* haldin 19. og 20. október síðastlið-
inn og voru niðurstöður kynntar í
vefriti menntamálaráðuneytisins
á dögunum. í 4. bekk var meðal-
tal einkunna bæði í íslensku og
stærðfræði 6,7 og er það svipað og
síðastliðin ár.
í 7. bekk urðu nokkrar breytingar á
meðtölum frá því í fyrra. Meðaltal
í íslensku lækkaði úr 7,3 í 7,0 en
meðaltal í stærðfræði hækkaði úr
6,9 í 7,3.
Hvatningar-
verðlaun
Frestur til að skila tilnefningum til
Hvatningarverðlauna menntaráðs
Reykjavíkur hefur verið fram-
lengdur til 26. febrúar.
Hvatningarverðlaunin eru veitt
árlega fyrir þróunar- og nýbreytni-
starf í grunnskólum borgarinnar.
Markmið verðlaunanna er að vekja
athygli á því gróskumikla starfi sem
fram fer í grunnskólum Reykjavíkur
og stuðla að auknu nýbreytni- og
þróunarstarfi. Foreldrar, nemendur,
kennarar, skólar og borgarstofnanir
geta tilnefnt skólaverkefni til verð-
launanna.
Menntskælingar velta ffyrir sér kynímyndum og jafnréttismálum
Jafnrétti í brennidepli
Eftir Einar Örn Jónsson
einar.jonsson@þladid.net
Jafnrétti kynjanna hef-
ur verið í brennidepli í
Menntaskólanum í Kópa-
vogi en félagsfræðideild
skólans hefur undanfarin
þrjú ár stýrt evrópsku Co-
meniusar-verkefni „Equ-
ahEqual" sem fjallar um
jafnréttismál og kynjaímyndir. Auk
Menntaskólans í Kópavogi taka skól-
ar í Armeníu, Belgíu, Eistlandi, Nor-
egi og Spáni þátt i verkefninu sem
hlaut Jafnréttisverðlaun Kópavogs í
fyrra.
Nemendur hafa meðal annars gert
könnun á viðhorfum fólks í löndun-
um sex til kynjaímynda og jafnrétt-
ismála. Garðar Gíslason,' félagsfræð-
ingur og kennari við Menntaskólann
í Kópavogi, segir að niðurstöðurnar
hafi verið forvitnilegar og gaman sé
að bera þær saman milli landa.
„ísland og Noregur skera sig svolít-
ið úr hvað varðar frjálslynd viðhorf
til kynímynda og annars slíks. Við
könnuðum til dæmis viðhorf til þess
að strákar bæru skartgripi. Það féll
í góðan jarðveg í Armeníu en menn
voru hlutlausari hér. Við spurðum
hvort það væri í lagi að stelpa reyndi
við strák og viðhorf til þess voru
mun jákvæðari á Norðurlöndunum
en í hinum löndunum," segir Garðar.
Tungumálið kynbundið
Nemendurnir hafa einnig rýnt í
vel þekktar sögur og ævintýri með
kynjagleraugu á nefinu og séð þær í
nýju ljósi fyrir vikið.
„Við höfum verið að leika okkur að
því að snúa við sögum og ævintýrum.
Hvernig verður til dæmis Rauðhetta
og úlfurinn ef Rauðhetta er strákur
og úlfurinn úlfynja? Eða Mjallhvít
og dvergarnir sjö ef Mjallhvít væri
ungur drengur og dvergarnir konur?
Það þarf svo lítið til að fá hugmynda-
flugið á fullt hjá nemendunum," seg-
ir Garðar og bætir við að einnig hafi
þaubeint sjónum sínum að kynbund-
inni notkun tungumálsins.
„Eins og Þorgerður Einarsdóttir, dó-
sent í kynjafræði við Háskóla íslands,
hefur bent á notum við tungumálið
mjög kynbundið. Það er til dæmis tal-
að um að duglegir strákar hafi mörg
járn í eldinum á meðan stelpur hafa
ýmislegt á prjónunum. Þetta er lýs-
andi dæmi um hvað við erum í raun
og veru ómeðvituð um hvernig við
notum tungumálið," segir Garðar.
Enn fremur er fjallað um feðraveld-
ið og birtingarmyndir þess til dæmis
í heimilisstörfum og launamismun.
„Það er fjallað um konukrónuna
sem er 75 prósent af þeirri krónu
sem karlar fá. Rannsóknir sýna okk-
ur fram á það að konur eru með 75
prósent af launum karla að meðal-
tali. Við vekjum athygli krakkanna
á þessu og bendum á að það þurfi
náttúrlega að breyta þessum hugs-
anagangi. Við látum þá líka skoða
hver gerir hvað heima og hver ber
ábyrgðina. Það er ekki nóg þó að karl-
inn eða strákarnir séu látnir gera eitt-
hvað ef konan ber ábyrgðina,“ segir
Garðar.
Vandamál strákanna
Verkefnið er unnið innan félags-
fræðideildar en að sögn Garðars er
hægt að fjalla um þessi málefni í
hvaða grein sem er.
„í hagfræði eða stærðfræði geturðu
reiknað út launamun og annað í
þeim dúr. I sögunni geturðu farið
til baka og skoðað hvað hefur áunn-
ist og hvaða breytingar hafa orðið á
stöðu kynjanna," segir hann.
Garðar leggur áherslu á að í verk-
„Það er til dæmis talað
um að duglegir strákar
hafi mörg jám í eldinum á
meðan stelpur hafa ýmis-
legt á prjónunum. Þetta
er lýsandi dæmi um hvað
við emm í raun og vem
ómeðvituð um hvemig við
notum tungumálið
efninu sé sjónum ekki aðeins beint
að hlutskipti kvenna í samfélaginu
og bágri stöðu þeirra.
„Við tökum líka upp vandamál
strákanna sem eru vissulega stór.
Við erum í raun og veru að tala um
það sem við getum kallað gjald karl-
mennskunnar. Þá erum við að tala
um brottfall úr skólum sem er meira
hjá strákum en stelpum. Karlar lifa
styttra en konur. Það eru þeir sem
lenda frekar á meðferðarstofnunum
og sitja inni. Við beinum því líka
sjónum okkar að því að samfélagið er
svolítið fjandsamlegt gagnvart þeim.
Það eru ekki bara karlar sem kúga
konur, karlar kúga líka aðra karla og
konur geta kúgað karla þannig að það
er allur gangur þar á,“ segir Garðar.
Að sögn Garðars finnst nemend-
unum verkefnið skemmtilegt en þó
virðast sumir þeirra vera svolítið við-
kvæmir fyrir hugtakinu femínisma.
„Ég veit ekki af hverju fólk er svona
neikvætt gagnvart femínisma. Ég
held að það skilji ekki þetta hugtak
og líti á það sem eitthvert skammar-
yrði,“ segir Garðar sem telur mikil-
vægt að fræða fólk um merkingu
þess.
„Femínismi gengur ekki út á for-
réttindi heldur jafnræði milli kynja.
Fólk á að fá að njóta sín í þessu ís-
lenska samfélagi óháð kyni, trú, lit-
arhætti eða hverju sem er. Það eru
skilaboðin sem við erum að reyna
að senda út og veitir ekki af því að
fordómar eru náttúrlega alls staðar,“
segir Garðar.
Nemendurnir blása til sérstakrar
jafnréttisviku í Menntaskólanum
í Kópavogi 12.-16. mars í samstarfi
við jafnréttisnefnd Kópavogs. Þar
verður kastljósinu beint að jafnrétt-
ismálum í víðu samhengi. Dagskrá-
in verður miðuð að þremur hópum,
nemendum, kennurum og starfs-
fólki og almenningi.
Haldnir verða fyrirlestrar um jafn-
réttismál aukþess sem boðið verður
upp á veglega skemmtidagskrá með
tónleikum og öðrum uppákomum.
Femínismi misskilinn „Ég
veit ekki af hverju fólk er
svona neikvætt gagnvart
femínisma. Ég held að það
skilji ekki þetta hugtak og líti
á það sem eitthvert skamm-
aryrði," segir Garðar.
510 3744
blaði
Námskynning háskólanna
Námsframboð hefur aukist mjög
að vöxtum hér á landi á undanförn-
um árum enda hefur bæði háskólum
og námsleiðum fjölgað. Mikilvægt
er að þeir sem hyggja á háskólanám
kynni sér vel þá möguleika sem í
boði eru áður en þeir taka ákvörðun
um hvað þeir ætla að læra.
Á háskóladeginum sem fram
fer laugardaginn 17. febrúar gefst
fólki gott tækifæri til að kynna sér
ólíkar námsleiðir sem í boði eru í
háskólum landsins.
Frá klukkan 11-16 kynna allir há-
skólar landsins starfsemi sína og
námsframboð og fara kynningarn-
ar fram á þremur stöðum í Reykja-
vík. í Borgarleikhúsinu er hægt að
kynna sér starfsemi Háskólans á Ak-
ureyri, Háskólans á Bifröst, Háskól-
ans í Reykjavík, Hólaskóla - Háskól-
ans á Hólum, Landbúnaðarháskóla
íslands og Listaháskóla íslands. Há-
skóli íslands
verður
m e ð
kynningu i Háskólabíói og Kennara-
háskóli íslands í húsakynnum sín-
um við Stakkahlíð.
Sams konar kynningar verða
haldnar í Menntaskólanum á ísa-
firði og Háskólasetrinu þann 1. mars,
í Menntaskólanum á Egilsstöðum
þann 7. mars og í Verkmenntaskól-
anum á Akureyri þann 8. mars.
Nánari upplýsingar um háskóla-
daginn og hvern skóla fyrir sig má
nálgast á vefsvæðinu haskoladagur-
inn.is.
Úr vöndu að ráða Þeirsem hyggja
á háskóianám standa frammi fyrir
fjöibreyttu námsframboði.