blaðið - 16.03.2007, Síða 21

Listapósturinn
3. tbl. • 12. órgangur • 16. mars 2007 • 133 tbl. fró upphafi
Þjóðargersemar á flandri
í elsta galleríi Danmerkur, GI Strand, stendur
nú yfir sýningin Lavaland - Hraun. Þar er teflt
saman landslagsmálverkum meistara Kjarvals og
verkum Ólafs Elíassonar. Á sýningunni eru um
það bil 30 af helstu meistaraverkum Kjarvals og
þar á meðal er „Fjallamjólkin". Eins og í verkum
Kjarvals er íslensk náttúra í öndvegi í verkum
Ólafs. Hann sýnir einkum stórar ijósmyndaserí-
ur og skúlptúra sem kallast á við hraunið í verk-
um Kjarvals.
Ólafur Elíasson hefur á síðustu árum náð að
hasla sér völl á alþjóðlegum listamarkaði og
staðið að ótrúlegum listviðburðum í sýning-
arsölum eins og Tate Modern í London, þar
sem hann setti upp verkið „The Weather Proj-
ect“ í Túrbínusalnum. Hann hefur verið settur
á stall með mönnum eins og Damien Hirts og
jafnvel Picasso. Afar gaman er að skoða verk
þessara tveggja listamanna saman og sjá nálgun
þeirra að náttúru fslands.
G1 Strand galleríið er í húsi sem byggt var
1750 að Gammel Strand 48 í Kaupmannahöfn
en galleríið sjálft var stofnað 1825. Sýning-
arrýmið er á tveimur haeðum og nauðsynlegt að
fara upp þrönga stiga til að skoða listaverkin og
því gæti verið erfitt að koma þeim út ef eitthvað
fseri úrskeiðis. Það er varla haegt að ímynda sér
tapið fýrir íslendinga ef eldur kæmi upp í gall-
eríinu. Það er rétt að taka það fram að starfs-
menn Listasafns fslands tóku húsnæðið út og
töldu það uppfýlla öll öryggisskilyrði. Beint
samband er frá galleríinu til slökkviliðsins og
fullkomið öryggiskerfi á staðnum. Stóra spurn-
ingin er auðvitað hvort eigi yfir höfuð að lána
helstu myndlistargersemar þjóðarinnar úr landi.
Þótt allrar varkárni sé gætt, getur ávallt eitthvað
komið fýrir. Þarna er stór hluti af albestu og
þekktustu verkum Jóhannesar S. Kjarval fluttur
yfir hafið og ef verkin glatast eða eyðileggjast
yrði um algjörlega óbætanlegt tjón að rseða. Það
er líka spurning af hverju svo mörg af albestu
verkum Kjarvals eru sett í sömu körfú en þarna
eru verk á borð við „Skógarhöllina“ og „Reg-
insund“ fýrir utan áðurnenda „Fjallamjólk". En
um Ieið og við förum að gera ríkari kröfur á
varðveislu þessara verka annars staðar verðum
við líka að gera sömu kröfur til íslensku safn-
anna. Staðreyndin er sú að svo illa er búið um
Iistaverk hér heima að þau geta auðveldlega
brunnið eða orðið fýrir vatnstjóni - eins og
dæmin sanna.
Flutningur á þessum þjóðargersemum er
áhættusamur en flogið var með öll verkin til
Kölnar í Þýskalandi og þaðan ekið með þau í
flutningabíl til Kaupmannahafnar. Að vísu
fýlgdi starfsmaður safnsins verkunum. Kannski
ætti að senda slíka sýningu f tvennu Iagi til að
lágmarka áhættuna á tjóni. Einnig má velta fýrir
sér hvort það eigi yfirhöfuð að senda slík verk úr
landi. Er þessi hugmynd ekki dálítið galin? Þótt
Munið vaxtalausu lánin til listaverkakaupa
verkin séu eflaust vel vátryggð, þá eru þau al-
gjörlega óbætanleg. Hefði ekki mátt velja verk
sem eru ekki eins gífúrlega mikilvæg? Erlendis
vakna oft upp spurningar hvort lána eigi verk
milli safna. Sé það gert er oftast um ríkislistasöfn
að ræða en ekki litla sýningarsali þótt virtir séu.
Lykilverk eru afarsjaldan lánuð. Við megum
ekki leyfa okkur það að hlaupa til og lána slík
verk einungis vegna þess að frægir listamenn
óska eftir því.
Eins og áður hefúr verið sagt er sýningin sem
slík mjög áhugaverð og ljóst að langur tími get-
ur liðið þar til tækifæri gefst til að sjá þessi verk.
Ég hvet alla þá sem leið eiga um Kaupmanna-
höfn að fara að sjá sýninguna og tel reyndar að
það sé fullkomlega þess virði að gera sér ferð til
Danmerkur til þess.
JH
Næsta uppboS
verSur haldiS 29. apríl
Næsta uppboð Gallerís Foldar verður
haldið á Hótel Sögu 29. apn'l kl. 19.
Tekið er á móti verkum á uppboðið í
Gallen'i Fold við Rauðarárstíg og leitum
við sérstaklega eftir verkum eftir Asgn'm
Jónsson, Louisu Matthíasdóttur, Þórarinn
B. Þorláksson, Jón Stefánsson, Kristínu
Jónsdóttur og Þorvald Skúlason.
BOÐSKORT
Abba sýnir í Galleríi Fold
Laugardaginn 17. mars kl. 15.00 opnar ASalbjörg Þórðardóttir
málverkasýningu í Baksal Gallen's Foldar vió Rauðarárstíg.
Sýningin stendur til 1. apríl.
Aðalbjörg útskrifaðist sem BSc. í líffræði
frá Háskóla Islands 1979. Hún stundaði
nám við MHÍ 1981-1983, Konstskolan
Halsingborg 1984-1986 og lauk námi í
grafískri hönnun frá MHI 1988.
Hún hefur starfað við hönnun, mynd-
skreytingar og auglýsingagerð frá 1988,
hérlendis og í Svíþjóð.
Undanfarin ár hefur Aðalbjörg snúið sér æ
meira að málverkinu. A þessari sýningu
eru málverk af svönum í ýmsum myndum
og myndbreytingum. Verkin sýna svani
sem náttúrufyrirbrigði, svani í mannslíki og
svani sem táknmyndir Ijóss og birtu.
Sýningin ber yfirskriftina Hamskipti og er
fyrsta málverkasýning Aðalbjargar.
Hallur Karl Hinriksson sýnir
í Galleríi Fold
Laugardaginn 17. mars kl. 15.00 opnar Hallur Karl Hinriksson
málverkasýningu í Hliðarsal Gallerís Foldar við Rauðarárstíg.
Sýningin stendur til 1. apríl.
Hallur Karl Hinriksson er 25 ára gamall
myndlistarmaður frá Selfossi. Að loknu for-
námi við Myndlistarskóla Reykjavíkur nam
hann myndlist við Ecole de Beaux Arts de
Quimper f Frakklandi og hlaut þar DNSAP
Diplómu árið 2005, að þriggja ára námi
loknu.
I námi sínu kaus Hallur Karl fyrst að ein-
beita sér að málverkinu en fór brátt yfir í
teikningu og grafík. Að námi loknu hefur
hann tekið til við málun á ný og fyrsta einka-
sýning hans var haldin í Oðinshúsi á Eyrar-
bakka í september 2006. I framhaldi þeirr-
ar sýningar hélt hann til Vestmannaeyja og
hélt þar sýningu á verkum unnum þar í októ-
ber 2006.
Verkin sem Hallur Karl sýnir nú í Galleríi
Fold eru flest unnin í ár.
Allir velkomnir á opnun sýninganna
Opið er í Galleríi Fold virka daga frá kl. 10-1 8, laugardaga frá kl. 1 1-16 og sunnudaga frá kl. 14-16.
Listapósturinn ■ Útgefandi: Gallerí Fold, listmunasala ■ Rauóarárstíg 14, 105 Reykjavík ■ Sími: 551 0400 ■ fax: 551 0660 • Netfang: fold@myndlist.is ■ í Kringlunni, 103 Reykjavík ■ Sími: 568 0400 ■ Netfang: foldkringlan@myndlist.is ■
Heimasíða Gallerís Foldar og Listapóstsins er: www.myndlist.is • Ritstjóri: Tryggvi P. Friðriksson ■ Ábyrgðarmaður: Elínbjört Jónsdóttir • Umsjón heimasíðu: Jóhann Á. Hansen ■ Upplag: 95.000 prentuð eintök fylgja Blaðinu og 2400 rafræn
eintök, send ókeypis til áskrifenda.