blaðið - 30.08.2007, Side 2

2
FRÉTTIR
FIMMTUDAGUR 30. ÁGÚST 2007
blaðið
Heilbrigðisráðherra íhugar breytingar á lyfjamerkingum til að lækka verð til neytenda
Framkvæmdin mismunandi innan ESB
Guðlaugur Þór Þórðarson, heilbrigðis- og
tryggingaráðherra, átti í vikunni fundi með
tveimur framkvæmdastjórum Evrópusam-
bandsins, þeim Gunter Verhaugen sem fer
með lyfjamál og Makros Kyprianou sem fer
með heilbrigðismál innan ESB. Á fundunum
var staða lyfjamála á innri markaði ESB rædd
og vakti ráðherra sérstaka athygli á vanda
sem minni markaðssvæði eins og ísland eiga
við að glíma í því sambandi.
Guðlaugur sagðist í samtali við Blaðið í
gær mjög ánægður með fundina og að fram-
kvæmdastjórarnir hefðu sýnt aðstæðum hér
á landi mikinn skilning. „Við erum í þeirri
sérkennilegu stöðu að markaðurinn opnaðist
almennt með tilkomu EES-samningsins, en
ekki hvað lyfjamarkaðinn varðar. í rauninni
eru Færeyingar í mun betri málum en við þar
sem þeir eru utan EES-svæðisins. Það skýrist
fyrst og fremst vegna tæknilegra hindrana
sem gilda á lyfjamarkaðnum innan EES.“
Krafa um merkingar minnkar samkeppni
Ein þessara tæknilegu hindrana sem Guð-
laugur minnist á, eru þær kvaðir að íslenskar
leiðbeiningar skuli fylgja þeim lyfjum sem
fara á íslenskan markað. Guðlaugur segir að
ekki fylgi allar þjóðir innan ESB þessari fram-
kvæmd líkt og gert er hér á landi og það opni
íslendingum ýmsar leiðir. „Það er ekki þannig
að sú leið sem við förum núna sé óumbreytan-
leg. Það eru mismunandi leiðir á útfærslunni
og það er það sem við ætlum að skoða. Það er
vitað að þessi útfærsla heldur aðilum frá mark-
aðnum og minnkar þar af leiðandi samkeppni.
En ég tek það skýrt fram að það er enginn
áhugi af minni hálfu á að veita afslátt af því að
neytendur fái leiðbeiningar á íslensku.“
A fundunum í vikunni benti Guðlaugur
jafnframt á nauðsyn þess að færa breytingar
sem urðu á evrópsku lyfjalöggjöfinni árið
2004 inn í EES-samninginn sem allra fyrst.
Sú breyting hefur í för með sér aukinn sveigj-
anleika á markaðnum og kemur að einhverju
leyti til móts við þann vanda sem ríkir hér á
landi.
magnus@bladid.net
Guðlaugur Þór Heilbrigðisráðherra ræddi meðal
annars um rétt sjúklinga til heilbrigðisþjónustu utan
heimaiands við framkvæmdastjóra ESB.’
Sektir vofa jfir
15 fyrirtækjum
I Vinnumálastofnun sendir lokaviðvörun vegna brota á skráningu erlendra starfsmanna
STARFSMANNALEIGUR
Hverfisgata
Með hlaðna
haglabyssu
Tveir karlmenn á þrítugsaldri
voru handteknir á Hverfisgötu
á þriðjudagskvöld með hlaðna
haglabyssu. Lögreglumenn
stöðvuðu bifreiðina en þeir
vissu að ökumaður bifreið-
arinnar hefði nýlega verið
sviptur ökuleyfinu. í ljós kom
að í henni var afsöguð hagla-
byssa. Að sögn lögreglu var
byssan hlaðin, öryggið ekki á
og vopnið því tilbúið til notk-
unar. mbi.is
STUTT
• íkveikjur Slökkvilið var kallað
út vegna elds í blaðagámi við
Samkaup á Selfossi aðfaranótt
gærdagsins. Lögregla telur víst
að kveikt hafi verið í gámnum
og eru unglingar grunaðir um
verknaðinn. Að sögn lögreglu
hafa óvenjumörg sambærileg
íkveikjumál komið upp á Sel-
fossi að undanförnu.
• Brotalamir Ögmundur Jónás-
son, fulltrúi Vinstri grænna í
félags- og tryggingamálanefnd
Alþingis, hefur sent formanni
nefndarinnar erindi þar sem
þess er krafist að nefndin
verði kölluð saman sem allra
fyrst til að fjalla um þær brota-
lamir sem greinilega eru á eft-
irliti með réttarstöðu erlendra
verkamanna á íslandi.
Eftir Albert Örn Eyþórsson
albert@bladid.net
Lokaviðvörun um yfirvofandi
dagsektir hefur borist fimmtán fyr-
irtækjum hér á landi frá Vinnumála-
stofnun vegna brota á skráningu
erlendra starfsmanna. Allnokkur
þcssara fyrirtækja eru stöndug og
gamalgróin íslensk fyrirtæki. Ef til
sekta kemur mun það verða í fyrsta
sinn sem stofnunin beitir slíkum
refsingum þrátt fyrir að hartnær
þúsund aðvörunarbréf hafi verið
send út á síðustu tólf mánuðum.
Spjótin hafa staðið á Vinnumála-
stofnun að undanförnu eftir að í
ljós kom að pottur er víða brotinn
hvað eftirlit með erlendum starfs-
mönnum varðar. Þannig var yfir
helmingur mannanna sem lentu í
rútuslysinu í Fljótsdal um helgina
hér ólöglega að störfum og aðaltrún-
aðarmaður starfsmanna við Kára-
hnjúka telur ekki fjarri lagi að heild-
arfjöldi ólöglegra starfsmanna þar
geti numið milli 60 og 80 manns.
Sumir gleyma bara skráningu
Gissur Pétursson, forstjóri Vinnu-
málastofnunar, vísar á bug að stofn-
unin sinni ekki sínu og segir ekki
einfalt mál að beita sektarákvæðum.
Reynslan hafi sýnt að meirihluti
þeirra sem láðst hefur að skrá er-
lenda starfsmenn sína geri það ekki
► 18 virkar starfsmannaleigur
eru á skrá hjá Vinnumála-
stofnun
► 1.085 starfsmenn eru á skrá
hjá starfsmannaleigunum
11 starfsmannaleigur eru á
► skrá Vinnumálastofnunar
en hafa ekki skráð neina
starfsmenn
vegna brotavilja. „Það er nú fyrst
sem einhver reynsla er komin á
kerfið okkar og í kjölfarið erum við
farin að gera okkur grein fyrir skuss-
unum sem reyna að leika á kerfið og
svo hinum sem einfaldlega hefur
láðst að tilkynna um starfsmenn
sína í tæka tíð. Þess utan eru sektir
engin töfralausn því þeim er jafnan
mótmælt og slík mál fara oftar en
ekki fyrir dómstóla sem er tíma-
og fjárfrekt og á meðan breytist
ekkert.”
Þau fimmtán fyrirtæki sem nú
hafa fengið bréf hafa frest til viku-
loka til að verða við beiðnum um
rétta skráningu erlendra starfs-
manna ellegar verðum sektum beitt.
Aðspurður hvort hámarkssektum
upp á 50 þúsund krónur á dag yrði
beitt 1 þessum tilfellum sagði Gissur
að það færi eftir umfangi hvers fyrir-
tækis. „Þau sem hafa marga óskráða
VEÐRIÐ I DAG
Áfram rigning
Suðvestan 8-13 og skúrir sunnan- og vest-
anlands, en hægara og rigning norðaustantil.
Hiti 10 til 18 stig, hlýjast suðaustanlands.
starfsmenn og sýna lítinn vilja til
umbóta eiga slíkt yfir höfði sér.”
Ríkisendurskoðun var fyrir
nokkru falið að framkvæma stjórn-
sýsluúttekt á starfsemi Vinnumála-
stofnunar. Var sú beiðni fram komin
ÁMORGUN
Hlýtt og rigning
Suðvestan 8-13 m/s og rigning,
einkum vestanlands. Hiti 8 til
15 stig.
áður en mál verkamannanna fyrir
austan kom upp og fagnar Gissur
þeirri úttekt. „Glöggt er gests augað
og niðurstaða úr slíku getur aðeins
hjálpað okkur að bæta stofnunina
frekar.”
Danmörk
Minni reykur,
meiri hávaði
Lögreglu í Kaupmannahöfn
og fleiri borgum Danmerkur
hafa borist mun fleiri kvart-
anir vegna háVaða á götum úti
eftir að reykingabann á veit-
ingastöðum gekk í gildi. íbúar
kvarta yfir hávaða í þeim sem
reykja fyrir utan skemmtistað-
ina. Erik Sondborg, talsmaður
lögreglunnar, segir í samtali
við Jyllands-Posten að hún
fylgist vel með málinu. „Það
eru einungis tvær vikur síðan
bannið gekk í gildi og það
verður að fá sinn aðlögunar-
tíma.“ a(
Lelðrétt
Ritstjórn Blaðsins vill leiðrétta hvaðeina,
sem kann að vera missagt í blaðinu.
Leiðréttingar birtast að jafnaði á síðu 2.
VÍÐA UM HEIM
Algarve 24
Amsterdam 18
Ankara 32
Barcelona 30
Berlin 17
Chicago 22
Dublin 17
Frankfurt 21
Glasgow 15
Halifax 23
Hamborg 16
Helsinki 12
Kaupmannahöfn 16
London 21
Madrid 29
Mílanó 26
Montreal 20
Múnchen 17
New York 23
Nuuk 6
Orlando 26
Osló 13
Palma 25
París 19
Prag 19
Stokkhólmur 14
Þórshöfn 10