Orðlaus - 01.06.2003, Blaðsíða 18
Þær Mariko Margrét Ragnarsdóttir
og Þóra Karítas Árnadóttir voru
í góðu stuði allt seinasta sumar í
þættinum Hjartsláttur í strætó og
skemmtu sér konunglega við að
taka púlsinn á íslensku þjóðinni.
Þær eru komnar aftur á skjáinn og
með fullt af nýjum hugmyndum til
að skemmta áhorfendum.
Við ætlum að hittast niður í bæ
og það er glampandi sól úti. Þær
stöllur koma hlaupandi inn og
drífa sig inn á bað til að skipta
yfir í búninginn sem verður
þema þáttarins í sumar. Það eru
Henson gallar sem eru ekkert
smá flottir og þær vekja mikla
eftirtekt á Austurvelli sem er
pakkaður af fólki í sólbaði. Þegar
Ijósmyndarinn er búinn að skjóta
myndirnar og þær búnar að róa
sig eftir fíflaganginn setjumst við
niður hefjum spjallið.
Hvaða þátt eruð þið að
fara af stað með í sumar?
Mariko: Hann heitir Hjartsláttur á ferð og flugi
og verður vikulega á fimmtudögum klukkan
tíu í allt sumar. Fyrsti þátturinn fer í loftið 12.
júní.
Þóf; Þetta verða viðtöl við fólk á öllum aldri
sem er að gera eitthvað sniðugt og auðvitað
þekkt fólk inn á milli líka.
Mariko Svo verðum við með fasta liði í
þættinum eins og að gleðja afmælisbörn
og gleðja-vini-leik. Þar fá þekktir (slendingar
tækifæri til að gleðja hvern annan, vin sinn
eða ættingja. Við verðum á kærleiksríkum
nótum í sumar.
Er þetta beint framhald af Strætó?
Þóra: Nei og já. Þátturinn verður með
svipuðum hætti, hraður í tempói og léttleiki
í fyrrirúmi. En nú tekur flugvél við af strætó
og við ætlum að reyna að kíkja aðeins út fyrir
borgarmörkin.
Við fréttum að þið yrðuð í
flugfreyjubúning núna en svo
mættuð þið í Henson galla.Er það
eitthvað sem á að koma á óvart?
Þóra: Hahaha nei, það eru bara einhverjir
gaurar að fantasera um það... Af því að við
vorum klæddar eins og strætóbílstjórar
í Strætó fannst fólki við hljóta að vera í
flugfreyjubúning núna.
Mariko: Það er samt sniðug lausn í sjónvarpi að
vera í einkennisfötum,einfaldar málin til muna.
Þóra: Svo fannst okkur ekki nógu mikið girl
power í flugfreyjubúningnum.
Er ekkert erfitt að reyna að finna
endalaust af fólki í þáttinn til sín?
Mariko: Það var ekkert svo erfitt í fyrra en
maður verður að vera duglegur að leita ef
maður vill vera með eitthvað öðruvísi.
Þóra:Þettaerrosalegamikilundirbúningsvinna
og við Mariko verðum saman dag og nótt í allt
sumar bæði að leita að efni og vinna það.
En ef ég er bara Nonni út í bæ og
langar að koma með hugmynd
eða þess vegna vera í þættinum
get ég þá haft samband?
Mariko: Já endilega, netfangið okkar er
hjartslattur@s1.is. Við verðum reyndar að velja
og hafna en það er alltaf gott að fá ábendingar
frá fólki sem vill koma öðrum eða sjálfum sér á
framfæri.
Er þetta skemmtilegasta
starf í heimi?
Mariko: Þetta er mjög skemmtilegt og hressandi
sumarstarf.
Þóra: Við Mariko náum ótrúlega vel saman.
Stundum hugsa ég hálfa hugsun og hún klárar
hana og öfugt. Við vitum aldrei hver á hvaða
hugmynd og það hlýtur að vera merki um góða
samvinnu.
Mariko: Maður gæti ekki unnið svona starf með
hverjum sem er. Það sem er líka svo gaman er
að við fáum
alveg frjálsar
hendur til að
gera það sem
við viljum.
Þóra: Mórallinn
uppáSkjáEinum
er líka alveg
einstakur. Fólki
þar þykir vænt
um hvort annað.
Efþiðværuð
ekkií þessu
hvað væri
það þá?
Þóra: Við
myndum stofna
rokkhljómsveit
og gera eitt gott
lag. Eiginlega
er allt grúvið í
þáttunum okkar
bara leiðin að
leyndum draum
um að vera að
rokka uppi á
sviði.
Mariko: Já, við sjáum alveg fyrir okkur
myndbandið við lagið. Fyrir utan rokkið þá
langar mig líka til að stjórna barnaþætti með
Þóru. Við erum með ákveðnar hugmyndir
og okkur finnst að barnaefni á íslandi mætti
vera fræðslutengdara. Það er hægt að kenna
börnum ýmislegt á skemmtilegan hátt.
Þóra:Og krakkarnir fyrirgefa okkurflflalætin...
Fyrst að þið eruð ekki næstu stjörnur
íslands hverjir verða það þá?
Mariko. Það er náttúrulega fullt af krökkum sem
er búsett erlendis og að gera góða hluti.
Þóra: Ég hafði mjög mikla trú á Quarashi.
Þið fáið nú smá snefil af frægð
allaveganna út á þáttinn, þó að
það sé eflaust ekki ástæðan fyrir
rokk draumnum, en hvernig er að
vera áberandi á íslandi?
Þóra: Mér líður stundum eins og ég þurfi að
biðjast afsökunar, eins og fyrirgefiði að ég sé
hérna ( sjónvarpinu að angra þig hahaha... En
það venst og ég er hætt að hugsa svona núna.
Ég komst nefninlega að því að það má ekki
setja Ijós sitt
undir mæliker.
Maður verður
að þora að láta
Ijós sitt skína ef
mann langar til
aðgefaaf sér.
Mariko: Við
grófum til
dæmis upp á
netinu slúður
um okkur og
þar var sagt
að við værum
gelgjur með
vatnshöfuð og
kanínutennur.
Við urðum
soldið sárar en
fannst þetta
aðallega fyndið.
Á sama tíma
vorum við
nýbúnar að fá
út úr könnun
þar sem kom
fram að áhorfið
á þáttinn
mældist langt fýrir ofan það sem við höfðum gert
okkur vonir um.
Þóra: Sumt fólk elskar að hata fólk (sjónvarpinu
og sumir nærast á slúðri og óförum annarra.
Hjá okkur snýst þetta um að vinna vinnuna
okkar og sjónvarpsvinnu fylgir til dæmis það að
koma í svona viðtöl til þess að kynna þáttinn.
Svo hugsum við bara eins og flestir; vonandi er
vinnan mín til góðs.
Nú er mikið í umræðunni hvaða
skilaboð fjölmiðlar eru að senda til
unglinga og þá sérstaklega hvernig
ímynd unglingsstúlkna mótast eftir
því hvernig sjónvarpsstjörnurnar
klæða sig og hegða sér. Hvernig lítið
þið á þetta og hafiði tekið einhverja
ábyrga afstöðu?
Þóra: Ég hef mikið pælt (þessu. Það er eiginlega
búið að mála mann út í horn með það að
vera stelpa. Maður má ekki vera neitt, ekki of
sætur og glaður því þá er maður heimskur....
Við reynum að komast hjá þessari umræðu
með því að vera bara í Henson joggingöllum í
þáttunum
Mariko: ...þannig að fólk þurfi ekki að spá
í því hvort við séum í flegnum bolum eða
gellufötum.Við komumst líka (ákveðinn gír við
að vera bara í joggingöllum, getum fíflast og
fáumfullt aforku.
Þóra: Umræðan er nauðsynleg því það er svo
mikið af alls kyns bulli í gangi. Stelpur þurfa að
passa sig að detta ekki í þann forarpytt að fara að
dæma hvor aðra. Þá snýst öll femínista umræða
upp ( andhverfu sína. Það er líka hættulegt að
umræðan snúist yfir höfuð of mikið um útlit
stelpna - þá er um leið verið að gera það að
aðalissjúi.
Mariko:Við höfum til dæmis ekki verið aðfjalla um
tísku og það nýjasta í meikuppi í þáttunum okkar.
Og það eru kannski lúmsk skilaboð um að við sem
stelpur höfum áhuga á einhverju öðru.
Þóra: ( rauninni fær showbuisnessinn allt of
mikla athygli og umræðu í fjölmiðlum. Brjóstin á
þessari og hver svaf hjá hverjum verður að meira
áhyggjuefni en það hvert Bush leiðir heiminn.
Fariði aldrei að rífast?
Mariko; Nei 7-9-13, það er (raun ótrúlegt í svona
nánu samstarfi að það hefur ekki komið upp eitt
dramatískt atriði á milli okkar.
Þóra: Við erum ekki bara samstarfsfélagar, við
erum fyrst og fremst góðar vinkonur sem erum
heppnar að fá að vinna saman.
Eitthvað að lokum? /
Þóra: Stelpur verða að nota kraftinn í sér og þora
að sýna hvað í þeim býr.
Mariko: Svo verða allir að horfa á Hjartslátt á
fimmtudögum.