Bændablaðið - 27.06.2006, Blaðsíða 47

47Þriðjudagur 27. júní 2006
Fólki sem starfar við landbúnað
í Finnlandi fækkaði um 25 þús-
und á árunum 2000-2005. Á
hinn bóginn starfa um 15 þús-
und útlendingar í finnskum
landbúnaði.
Árið 2005 var fjöldi íbúa í
sveitum í Finnlandi, bændur og
fjölskyldur þeirra ásamt fastráðnu
starfsfólki á sveitabæjum, rúmlega
153 þúsund manns sem er fækkun
um 25 þúsund frá árinu 2000. Af
þeim fækkaði bændum um 10.500
en mökum þeirra um 6.300. Öðru
starfsfólki fækkaði að sama skapi.
Auk þess sem byggðum jörðum
hefur fækkað þá hefur sú breyting
orðið að vinnuaflsfrekum búum,
þ.e. búum með búfé, hefur fækkað
meira en búum með einhliða korn-
rækt eða aðra jarðrækt.
Árið 2005 störfuðu 15.100 út-
lendingar í finnskum landbúnaði á
um 2.000 býlum. Erlendir starfs-
menn störfuðu einkum á garð-
yrkjubýlum, eða 67%, en þriðj-
ungur allra garðyrkjubýla hafði út-
lendinga í þjónustu sinni. Þeir eru
einkum ráðnir til vinnu á annatím-
um, þ.e. við uppskerustörf.
(Landsbygdens Folk, nr.
20/2006)
Fólki fækkar í
finnskum landbúnaði
Ástralskir vísindamenn leita að
ljótustu kindinni í landinu til að
rækta flottustu ullina - eins ótrú-
lega og það hljóðar.
Í Ástralíu er leit hafin á hrukk-
óttustu, ljótustu eða furðulegustu
kindinni. Tilgangurinn er sá að
finna þá erfðavísa, gen, sem ráða
mestu um útlit kindarinnar og
gæði ullarinnar. Vísindamennirnir
búast nefnilega við því að með því
að finna ljótustu kindina þá finni
þeir jafnframt góða erfðavísa sem
gefa bestu ullina.
„Ef eitthvað í erfðavísunum
gengur út í öfgar er vísast að eitt-
hvað annað hafi tekist þeim mun
betur, eins mótsagnakennt og það
hljómar,“ segir Paul Hynd en hann
er vísindamaður við Háskólann í
Adelaide og tekur þátt í þessu
verkefni.
Ef vísindamenn finna erfðavísa
fyrir miklum ullargæðum er von
um að það skili áströlskum ullar-
iðnaði góðum hagnaði, eða allt að
sem svarar 18 milljörðum dkr. á
ári.
Þeir eiginleikar ullarinnar sem
leitað er að er að ullin sé þjálli rífi
minna húð fólks, hafi meiri glans
og sé auðveldari í forvinnslu segir
Paul Hynd í viðtali við fréttastofn-
una CNN.
Ástralíumenn leita að ljótustu sauðkindinni
Þjóðlagahátíðin á Siglufirði
verður haldin í sjöunda sinn
dagana 5.-9. júlí en að þessu
sinni verður hún tileinkuð tón-
list eyþjóða og stranda með sér-
stakri áherslu á lönd við Kar-
íbahaf, Færeyjar og Ungverja-
land sem er menningarleg ey-
þjóð í miðri Evrópu. Hátíðin
hefur verið vel sótt hingað til og
ekki spillti fyrir henni að fá
Eyrarrósina árið 2005 en það er
viðurkenning fyrir afburða
menningarstarf á landsbyggð-
inni sem Listahátíð í Reykjavík,
Byggðastofnun og Flugfélag Ís-
lands veita.
Hátíðin er blanda af námskeið-
um af ýmsu tagi, í tónlist, leiklist,
handverki og fleiru, tónleikum,
útivist, leiksýningum og annarri
skemmtun. Fyrstu tónleikarnir
verða í Siglufjarðarkirkju að
kvöldi 5. júlí þar sem Alþingishá-
tíðarkantata heimamannsins
Bjarna Þorsteinssonar verður
frumflutt af þremur siglfirskum
kórum, þremur einsöngvurum og
píanóleikara. Síðan verða tónleik-
ar, málþing og leiksýningar á
hverjum degi fram á sunnudag en
þá lýkur hátíðinni með tónleikum
Sinfóníuhljómsveitar unga fólks-
ins undir stjórn Gunnsteins Ólafs-
sonar sem jafnframt er listrænn
stjórnandi hátíðarinnar.
Dagana sem Þjóðlagahátíðin
stendur er fjölmennt á Siglufirði
og tjaldborg í miðbænum þar sem
oft er glatt á hjalla. Nánari upp-
lýsingar um hátíðina má fá á
heimasíðu Siglufjarðarbæjar
siglo.is/festival.
Þjóðlagahátíð á Siglufirði 5.-9. júlí