Bændablaðið - 29.05.2007, Page 1

12
Er fjárkláðinn
úr sögunni?
16
Viðtal við Ólaf
M. Magnússon
í Mjólku
10. tölublað 2007 Þriðjudagur 29. maí Blað nr. 261 Upplag 16.300
8
Skógrækt þyrfti að
þrefalda að mati
Arnórs Snorrasonar
Sauðburðurinn er nú langt kominn og hefur sóst misvel vegna ótíðar. Það hefur verið kalt, ekki síst norðanlands. En lömbunum hefur að vanda verið
tekið með miklum fögnuði og hlýju þegar þau koma í heiminn. Hér er það Anna María Kristjánsdóttir bóndi á Helluvaði í Rángárþingi sem mynnist við
lamb sem að fróðra manna sögn mun vera svartbotnubaugótt á lit. Á Helluvaði eru um 90 ær en stolt búsins er þó án alls vafa stólpakýrin Blúnda sem er
nythæst íslenskra kúa og mjólkaði rúm 13 tonn í fyrra. Mynd: MHH
Ný ríkisstjórn hefur tekið við
völdum á Íslandi og hún boðar
breytingar á ýmsum sviðum.
Fyrsta breytingin var sú að sami
maður gegnir nú stöðu landbún-
aðar- og sjávarútvegsráðherra og
hefur verið boðað að þessi ráðu-
neyti verði sameinuð áður en
langt um líður. Jafnframt hafa
verið boðaðar tilfærslur verk-
efna, einkum frá landbúnaðar-
ráðuneyti til annarra ráðuneyta.
Sá hluti stefnuyfirlýsingar nýju
stjórnarinnar sem fjallar um land-
búnað er ekki langur: Ríkisstjórnin
leggur áherslu á mikilvægi öflugs
landbúnaðar og hágæðaframleiðslu
á matvælum í landinu. Unnið verði
að endurskoðun landbúnaðarkerf-
isins með það fyrir augum að auka
frelsi, bæta stöðu bænda og lækka
verð til neytenda.
Eins og margt annað í yfirlýsing-
unni er þessi kafli almennt orðaður
og ekki auðvelt að lesa úr honum
hvaða aðgerða má vænta af hálfu
stjórnarinnar. Af ummælum Einars
K. Guðfinnssonar, nýskipaðs ráð-
herra landbúnaðar og sjávarútvegs,
má þó ráða hvað ætlunin er að gera
við stofnanir landbúnaðarins.
Veigamesta breytingin sem
boðuð hefur verið er sú að land-
búnaðarskólarnir verði færðir undir
menntamálaráðuneytið. Það ekki
að öllu leyti á óvart í ljósi þess að
þeir eru einu skólar ríkisins sem
heyra ekki undir menntamálaráðu-
neytið. Hitt er hins vegar óljóst hvað
verður um rannsóknarþáttinn í starf-
semi Landbúnaðarháskóla Íslands.
Eins og kunnugt er var starfsemi
Rannsóknastofnunar landbúnaðar-
ins sameinuð skólanum fyrir nokkr-
um árum. Það er hins vegar afar
mikilvægt fyrir landbúnaðinn sem
atvinnugrein að hafa greiðan aðgang
að rannsóknastarfseminni, líkt og
tíðkast í sjávarútvegi.
Þá hefur verið rætt um að
færa starfsemi Landgræðslu og
Skógræktar til umhverfisráðuneyt-
isins. Ráðherra tók þó fram í við-
tali á Stöð 2 að þar þyrfti að huga
að því að sum verkefni sem undir
þessar stofnanir heyra eru verkefni
bænda og snúast um nýtingu á auð-
lindum landsins. Þar má nefna sem
dæmi landshlutabundnu skógrækt-
arverkefnin og verkefnið Bændur
græða land. Einnig má nefna að
Landgræðslan sinnir eftirliti með
þeim þætti gæðastýringar í sauð-
fjárrækt sem snýr að landnýtingu
og beit.
Loks nefndi ráðherra að hug-
myndir væru uppi um að sameina
allt eftirlit með matvælaframleiðslu í
landinu á einum stað Tíminn leiðir
í ljós hvernig þær hugmyndir verða
útfærðar en augljóslega eru hags-
munir bændastéttarinnar töluverðir
hvað slíkt eftirlit varðar og ekki sama
hvernig eða hvar því er sinnt.
–ÞH
Sjá bls. 6 og 7.
Ný ríkisstjórn tekin við völdum
Boðar ýmsar breytingar í landbúnaði
Alhvítt og
hráslagalegt
Veðrið hér á landi getur svo
sannarlega komið landsmönn-
um á óvart og gerði það svo um
munaði fyrir hvítasunnuhelginae
ekki hvað síst hjá bændum á
norðan-, austan- og vestanverðu
landinu þegar mikill kuldi og
jafnvel slydda og snjókoma reið
yfir. Þetta hafði þau áhrif víða
að bændur gátu ekki sett lambfé
út úr húsum og því var þröngt á
þingi í mörgum fjárhúsum.
„Það hefur ekki verið mikill
snjór hér en það er búið að vera
alhvítt þrisvar í þessum mánuði og
það er búið að vera hráslagalegt.
Það breytti nú til í lok hvítasunnu
með hlýindum þannig að þetta
horfir til betri vegar. Það er mjög
þröngt víða í fjárhúsum bænda
vegna veðurfarsins en ekki hafa
orðið bein vanöld sem ég hef heyrt
um. Þessu fylgir meiri fóðurgjöf og
kostnaður,“ segir Örn Þórarinsson,
bóndi að Ökrum í Fljótum.
Á Ströndum gátu bændur ekki
sett út fé sitt fyrr en um hvítasunnu
sem er óvenjuseint. En þegar þetta
er skrifað á þriðjudegi er veður
orðið hið besta um allt land og
veðurfræðingar spá hlýindum.
ehg
Söngvakeppni
evrópskra froska
Sænskir froskar syngja best.
Nú er það komið á hreint
því Söngvakeppni evrópskra
froska var haldin í fyrsta sinn
í byrjun maí. Danskir froskar
urðu í öðru sæti, þýskir í því
þriðja og lettneskir froskar
ráku lestina.
Keppnin fór fram tvö kvöld
en seinna kvöldið var veður
svo slæmt í þremur landanna
að froskarnir drógu sig í hlé og
steinþögðu. Keppnin fór þannig
fram að áheyrendur söfnuðust
saman í nágrenni staða þar sem
froskarnir halda sig og hlýddu
á þá. Þeir gátu einnig fylgst
með froskum hinna landanna
með aðstoð Netsins. Svo voru
greidd atkvæði og unnu sænsku
froskarnir með talsverðum yfir-
burðum.
Þessi keppni, þótt kúnstug
sé, er haldin í fullri alvöru og er
meira að segja liður í sérstöku
átaksverkefni, LIFE Nature,
sem nýtur styrkja frá Evrópu-
sambandinu. Tilgangur þess er
að styrkja og viðhalda stofni
evrópskra söngfroska en hann
hefur látið á sjá vegna ágangs á
votlendi í álfunni. Söngfroskur-
inn er smávaxið dýr, einungis
fimm sentimetrar að hæð, og
nýtur mikilla vinsælda meðal
almennings. LandbrugsAvisen
Vilja flytja inn nýsjálenskt lambakjöt
Eitt af síðustu verkum Guðna
Ágústssonar í embætti land-
búnaðarráðherra var að hafna
beiðni Haga og Dreifingar um að
fá að flytja inn 100 kíló af nýsjá-
lensku lambakjöti til reynslu.
Yfirdýralæknir hafði lagt til
að leyfið yrði veitt en ráðherra
hafnaði.
Rökstuðningur ráðherra þegar
hann hafnaði fyrirtækjunum var
á þá leið að hér á landi væri nóg
af lambakjöti en á Nýja-Sjálandi
væru búfjársjúkdómar sem ekki
fyrirfyndust hér á landi, auk þess
sem notuð væru lyf við framleiðsl-
una sem ekki tíðkast hér á landi.
Guðni sagði einnig að gæta
verði fyllsta öryggis í því að opna
dyr fyrir innflutning á erlendu
kjöti. Það vissu Nýsjálendingar
sjálfir því þeir halda uppi mjög
ströngu innflutningsbanni á
lambakjöti til Nýja-Sjálands. Fól
hann Landbúnaðarstofnun að
vinna ítarlegt mat á þeirri hættu
sem fylgt gæti þessum innflutn-
ingi og taka út framleiðsluna á
Nýja-Sjálandi.
Fyrirtækið Hagar hafa lýst
því yfir að það muni endurnýja
umsóknina þar sem nýr ráðherra
sé tekinn við völdum.
Einar K. Guðfinnsson hefur
enn ekki tekið afstöðu til umsókn-
arinnar en gefið út yfirlýsingar í þá
veru að hann hafi ekki þá stefnu
að auka innflutning á erlendum
landbúnaðarvörum. –ÞH