Bændablaðið - 11.03.2010, Side 8

8 Bændablaðið | fimmtudagur 11. mars 2010
Sameining til sóknar er heiti á
bæklingi sem dreift hefur verið
í öll hús í Arnarneshreppi og
Hörgárbyggð en íbúar hrepp-
anna kjósa um sameiningu á
laugardag í næstu viku, 20.
mars. Kosið verður í Leikhúsinu
á Möðruvöllum og í Hlíðarbæ.
Tveir kynningarfundir verða
um sameiningu hreppanna, sá
fyrri var í gærkvöld og hinn síð-
ari í kvöld, fimmtudagskvöldið
11. mars. Hann hefst kl. 20.30 í
Hlíðar bæ og gestur er Kristján
L. Möller, ráðherra samgöngu-
og sveitarstjórnarmála. Til að
sam þykkja sameininguna þarf
einfaldan meirihluta þeirra sem
kjósa í báðum sveitarfélögum, en
verði tillagan felld verður ekki
kosið um slíka sameiningu aftur í
bráðina.
Sameiningarnefnd sem unnið
hefur að málinu undanfarnar vik-
ur leggur til að tillagan um sam-
ein ingu verði samþykkt, það er
mat hennar að með sameiningu
skapist leiðir til að efla og bæta
samfélagið. Segir nefndin í inn-
gangs orðum í kynningarbæklingi
að með sameiningu sveitarfélag-
anna tveggja megi bæta þjónustu
við íbúa og atvinnulífið umtals-
vert. Tímabundin framlög úr
Jöfnunarsjóði sveitarfélaga fáist
við sameiningu, þá náist sparn-
aður með hagræðingu í yfirstjórn
og eins fáist varanleg hækkun á
ákveðnum framlögum úr Jöfn un-
ar sjóði við það að sameina sveit-
ar félögin. „Þeim fjármunum sem
þannig skapast yrði varið til að efla
atvinnulífið og styrkja almenna
þjónustu við íbúana.“
Gert er ráð fyrir að í hreppsnefnd
sameinaðs sveitarfélags verði fimm
fulltrúar og að skrifstofu þess verði
fundinn staður sem uppfyllir kröfur
um aðgengi og þjónustu. Þá verð-
ur þjónustumiðstöð komið upp á
Hjalteyri þar sem verður starfsmað-
ur sem hefur m.a. umsjón með eign-
um sveitarfélagsins. Þess er vænst
að framlag fáist úr Jöfnunarsjóði
til að standa straum af þeim aukna
kostnaði sem sú starfsemi hefur í för
með sér.
Nýjungar í landbúnaði styrkja
stöðu greinarinnar
Sameinað sveitarfélag mun hafa
það að markmiði að styrkja grunn-
gerð atvinnulífsins og skapa
umhverfi sem veitir núverandi og
nýjum fyrirtækjum aukið braut-
argengi. Öflugur landbúnaður
verður áfram í öndvegi innan sam-
einaðs sveitarfélags, en nýjung-
ar á því sviði hafa verið að ryðja
sér til rúms á svæðinu sem taldar
eru styrkja stöðu greinarinnar enn
frekar. Engin sjáanleg vandamál
eru varðandi fjallskil í samein-
uðu sveitarfélagi, þar eru nú fjórar
fjallskiladeildir og rætt er um að
þær muni halda sér óbreyttar þó til
sameiningar komi.
Þá líta menn til möguleika
ferðaþjónustunnar, m.a. í tengslum
við menningarsögulega staði.
Sem dæmi um merka sögustaði
í sveitarfélögunum má nefna
Gásir, þar sem eru mannvistarleif-
ar frá verslunarstað á miðöldum,
Hjalteyri, þar sem eitt sinn var
stærsta síldarverksmiðja í Evrópu,
Möðruvellir sem voru lengi eitt
helsta höfuðból á Íslandi og loks
má nefna Skriðu, sem er vagga
trjáræktar á Norðurlandi.
Sjávarútvegur hefur ekki verið
fyrirferðarmikill innan sveitarfélag-
anna, en horft er til bættra sjóvarna
á Hjalteyri sem skapa hugsanlega
forsendur fyrir útgerð þaðan á ný,
auk vinnslu sjávarafurða. Hvað
aðra atvinnustarfsemi varðar ber
hæst þær hugmyndir að nýta iðn-
aðarlóð við Dysnes undir einhvers
konar mannaflsfreka starfsemi og
þá er stefnt að því að hraða sem
kostur er könnun á möguleikum til
virkjunar jarðhita í Hörgárdal og
Öxnadal. MÞÞ
Kynningarfundir um sameiningu Arnarneshrepps og Hörgárbyggðar
Öflugur landbúnaður verður áfram í öndvegi
Sameining til sóknar er heiti á
kynningarbæklingi sem dreift hef ur
verið inn á öll heimili í Arn ar nes-
hreppi og Hörgárbyggð, en kosið
verður um sameiningu sveitar-
félaganna annan laugardag. Kynn-
ing ar fundur verður í Hlíðarbæ í
kvöld og kemur ráðherra sam-
göngu- og sveitarstjórnarmála,
Kristján L. Möller, á fundinn.
Ein af ótrúlegustu fréttafyr-
irsögnum sem höfundur hefur
séð á hinni virtu vefsíðu visir.
is var hin háfleyga fyrirsögn
„Evrópusambandið flengir
Grikki“. Það er ekki oft sem
visir.is kemur með neikvæðar til-
kynningar um ESB og því vakti
athygli hin harða áhersla á þá
staðreynd að ESB tók hreint og
beint ákvörðunarvaldið af einu
af sambandsríki sínu.
Grikkland glímir við verulegan
vanda. Eins og Írland, Spánn og
Portúgal kemur landið ekki vel út
úr hinni sterku efnahagslægð sem
geisað hefur. Er fjárlagahallinn um
13% og því 10% hærri en sá halli
sem aðildarríki Efnahags- og mynt-
bandalags Evrópu eiga að halda sér
innan ár hvert. Í raun er Grikkland
ekki eina ríkið sem er með tveggja
stafa halla á sínum fjárlögum, en
Grikkland er eina landið sem er
komið upp í 120% skuldsetningu af
vergri landsframleiðslu.
Viðbrögð Evrópusambandsins
eru söguleg. Í fyrsta sinn í sögu
sambandsins er ákvörðunarrétt-
ur heillar þjóðar tekinn af henni
og 26 erlend ríki setjast niður og
ákveða neyðarpakka fyrir heilt
hagkerfi án atkvæðisréttar þjóð-
arinnar. Þessi ríki hóta að grípa til
126. gr. Lissabonsáttmálans til að
fyrirskipa grískum stjórnvöldum að
skera niður næstu árin, líkt og ESB
leggur til. Er talað um það mik-
inn niðurskurð að halli fjárlaganna
verði undir 3% á árinu 2012. Að
ná hallanum niður fyrir þessa tölu
mun kosta gífurlegan niðurskurð
og skattahækkanir.
Langflestir sammælast um það
að tilgangur þessara harkalegu
aðgerða er að viðhalda jafnvægi á
evrusvæðinu. Grikkland á víst að
hafa hulið raunverulega skulda-
stöðu sína og eftir inngöngu í
myntbandalagið hafa vextir verið
of lágir. Skuldsetningin jókst stöð-
ugt og má meðal annars rekja það
til sterkrar stöðu evrunnar, en rík-
isstjórn Grikklands gat aldrei
almennilega brugðist við breyttum
aðstæðum, til dæmis með hærri
stýrivöxtum eða öðrum stýritækj-
um.
Efnahagsástandið hér á Íslandi
er ekki ósvipað ástandinu í
Grikklandi. Fjárlagahallinn verð-
ur um 19% af fjárlögum árið 2010
og hefur AGS útbúið áætlun um
hvernig við náum hallanum niður
fyrir velsæmandi mörk. Icesave-
deilan er búin að lama stjórnkerfið
nú í heilt ár og hefur komið í veg
fyrir að stjórnmálahreyfingar hér á
landi fari að vinna raunverulega að
hag heimilanna og viðskiptalífsins.
Höfundur spyr sig hvort við
Íslendingar hefðum fengið svip-
aða útreið frá Evrópusambandinu
ef Ísland hefði verið hluti af sam-
bandinu þegar hrunið gekk yfir?
Og ef svo hefði verið, hefðum við
átt eitthvert val um hvernig væri
best að komast úr stöðunni eða
hefðum við þurft einfaldlega að
hlýða stóra bróður?
Afleiðingar niðursveiflunnar
í ríkjum Evrópusambandsins eru
ekki komnar hundrað prósent fram.
Langflestar tölur gefa til kynna að
hin unga mynt, €vran, sé ekki enn
búin að festa sig nógu vel í sessi til
að geta tekið fullkomlega á ástand-
inu. Hin ólíku efnahagskerfi innan
myntbandalagsins eru enn of ólík
til þess að geta sveiflast saman í
takt við hinar mismunandi aðstæð-
ur landanna. Er því með aðgerðum
ESB gagnvart Grikklandi ljóst að
þegar hagsmunir stærri aðildarríkj-
anna eru í húfi, þá er ekki mikil
virðing borin fyrir minni aðild-
arríkjum.
Fyrir einstakling sem trúir því
að hagsmunum Íslands sé betur
borgið utan sambandsins hefur
áðurnefnd atburðarás ekki aukið
þá trú að von sé á miklum skiln-
ingi stærri ríkja innan sambands-
ins, fyrst að ESB er það ósvífið að
traðka svo harkalega á þjóð sem
telst smáþjóð innan sambandsins
með „einungis“ 11 milljónir íbúa.
Þegar ákvörðunarvald er
tekið frá sjálfstæðri þjóð...
Hallgrímur Viðar Arnarson
varaformaður Ísafoldar – félags ungra
gegn ESB-aðild
hallgrimur08@ru.is
Evrópuumræðan
Sendiherra Evrópusam bands-
ins í heimsókn í Eyjafirði
„Þetta kom nú þannig til að Timo Summa hafði samband við mig og
óskaði eftir að fá að heimsækja bóndabæ, fræðast um landbúnað í
héraðinu og heyra afstöðu bónda til íslenska landbúnaðarkerfisins
og inngöngu Íslands í ESB,“ segir Vignir Sigurðsson ráðunautur hjá
Búnaðarsambandi Eyjafjarðar.
Timo Summa, sendiherra Evrópusambandsins á Íslandi, kynnti sér
nýlega starfsemi Búgarðs og landbúnað í Eyjafirði. Sendiherrann heim-
sótti Sigurgeir Hreinsson á Hríshóli ásamt konu sinni og ráðunautum.
Voru þau hjón mjög forvitin um íslenskan landbúnað og fræddi Sigurgeir
þau um bú sitt og afstöðuna til inngöngu Íslands í ESB. Taldi sendiherrann
íslenskan landbúnað hafa mikla möguleika innan sambandsins og hvatti
bændur og samtök þeirra til að horfa til framtíðar í samningaferlinu með
möguleika landbúnaðarins í huga í stað þess að taka einarða afstöðu gegn
inngöngu.
Á eftir settust menn niður yfir kaffisopa að sveitasið og málin voru
rædd fram og til baka.
Timo Summa, sendiherra Evrópusambandsins á Íslandi, og Sigurgeir
Hreinsson í fjósinu á Hríshóli.
Timo Summa og Marita kona hans slá á létta strengi með Ingvari
Björnssyni ráðunauti hjá Búgarði sem fylgdi þeim hjónum í heimsóknina
til Sigur geirs á Hríshóli sem sést að baki þeim.
Talíur
Ummál á hjólum
15,20,25,30,40 og 50 mm
WWW.VELAVAL.IS
Vélaval-Varmahlíð hf.
sími: 453-8888
Mikil samdráttur í
umferð um Hringveg
Umferðin eins og hún er mæld
á 16 völdum talningarstöðum á
Hringvegi hefur dregist mikið
saman miðað við fyrstu tvo mán-
uði ársins. Fara þarf aftur til árs-
ins 2006 til að finna minni akstur
í janúar- og febrúarmánuðum.
Umferðin í janúar og febrúar í
ár er 4,3 prósentum minni en í
sömu mánuðum 2009.
Mest dróst akstur saman á
Suðurlandi, alls um 9%, sem er
tæplega það hlutfall sem hann
hafði áður aukist um á milli 2008
og 2009. Talsverður samdráttur
varð einnig á höfuðborgarsvæðinu
en Norður- og Austurland er einu
landsvæðin þar sem akstur eykst
milli áranna 2009 og 2010 á tveim-
ur fyrstu mánuðum ársins.
Friðleifur Ingi Bjarnason,
verkefnastjóri hjá Umferðardeild
Vegagerðarinnar á Akureyri, segir
mjög sjaldgæft að umferð drag-
ist saman á milli ára og það hafi
raunar aðeins fjórum sinnum gerst
frá árinu 1975. Hann telur líkleg-
ast að minni umferð tengist minni
umsvifum í landinu vegna efna-
hagsástandsins. Þar hafi verð á
eldsneyti sitt að segja en vissulega
spili fleiri þættir inní og erfitt að
einskorða skýringu við bensínverð.
Friðleifur segir að tölur séu
nýjar og ekki búið að fara í saum-
ana á öllum þáttum, eins að aðeins
sé um 16 valda talningarstaði að
ræða, en alls er talið á um 300
stöðum í vegakerfinu á ári hverju.
„Það ber að varast að draga of víð-
tækar ályktanir af þessum fyrstu
tveimur mánuðum ársins, þetta er
oft fljótt að breytast, en auðvitað
gefa þessar tölur okkur vísbend-
ingu sem tekin er alvarlega,“ segir
Friðleifur.
Fjögur ár aftur í tímann
Hann bætir við að vissulega veki
það athygli hversu mikið umferð
um Hringveg hefur dregist saman
á tímabilinu og að leita þurfi
aftur til ársins 2006 til að finna
sambærilega eða minni umferð á
sömu stöðum í sömu mánuðum.
„Ef við grípum til líkingamáls er
vegakerfi landsins eins og æða-
kerfi líkamans. Nú lítur út fyrir
að hjarta Íslands sé farið að slá
aðeins hægar en áður, það hefur
hægst á öllu og má ef til vill segja
að við höfum farið um fjögur ár
aftur í tímann hvað lífsgæði varð-
ar,“ segir Friðleifur. Meiri umferð
á Austur- og Norðurlandi gæti
tengst auknum ferðamannastraumi
á Hringvegi og eins því að þessi
landsvæði hafi ekki farið jafn illa
út úr kreppunni og önnur.
MÞÞ