Fréttablaðið - 05.01.2012, Blaðsíða 12

12 5. janúar 2012 FIMMTUDAGUR
hagur heimilanna
Góð húsRáð
Jólatré
Losaðu þig við jólatréð
Ein leið til að fjarlægja jóla-
tréð án þess að fá grenið
af trénu út um allt er að
vefja trénu í gamalt lak
eða sængurver áður
en það er hreyft. Þá
ætti að vera hægt
að flytja tréð út
fyrir á sem auð-
veldastan hátt
án þess að
sóða allt út.
„Þegar ég velti fyrir mér bestu kaupunum kemur tvennt til. Annars vegar minn
ástkæri iPhone 4 sem ég fullyrði að sé merkasta uppfinning mannkyns frá
vatnssalerninu. Og hins vegar afar vel með farið eintak af grundvallarritinu
Ástríki heppna, sem ég kom höndum yfir fyrir skömmu. Enda
einn af hornsteinum evrópskrar sagnagerðar,“ segir Bragi
Valdimar Skúlason, Baggalútur og textasmiður. Aðspurður
um verstu kaupin svarar Bragi: „BBC Master Compact tölva,
128 k. Einstaklega áferðarfagur gripur með hárauðum lykla-
borðshnöppum sem ég vældi út úr foreldrum mínum seint
á 9. áratug síðustu aldar. En þar sem ég var sá eini í 600
kílómetra radíus sem átti slíkan kostagrip var ekki vinnandi
vegur að fá í hana leiki eða annað skemmtiefni.
Því sat ég uppi með glataða útgáfu af Frogger,
meðan aðrir drukku í sig lystisemdir Atari og
Amstrad. Gríðarleg vonbrigði.“
neytandinn: BrAGi VAldiMAr SkúlASOn, BAGGAlútur
Sat uppi með Frogger
Nemakort hjá Strætó kostar nú 15
þúsund krónur fyrir vorönnina.
Kortið fyrir haustönnina kostaði
11 þúsund krónur. Sá sem keypti
kort fyrir báðar annirnar í haust
greiddi hins vegar aðeins 20
þúsund krónur.
Reynir Jónsson, framkvæmda-
stjóri Strætó bs., segir að með
verðhækkuninni hafi verið komið
til móts við óskir umboðsmanns
barna um jafnræði. „Strætó
barst bréf frá umboðsmanni
barna þar sem bent var á að fólki
á framhalds- og háskólastigi
væru boðin betri kjör í strætó en
börnum og unglingum. Við stóðum
frammi fyrir því að lækka fargjöld
flestra aldurshópa eða hækka
nemakortin í átt að almennum
unglingafargjöldum. Niðurstaða
stjórnarinnar var að gera það.“
Um leið og nemakortið fyrir
báðar annir var hækkað úr 20
þúsundum króna í 30 þúsund
krónur var grunnskólanemendum
boðið að kaupa kortið á því verði,
að því er Reynir greinir frá.
„Ungmenni sem áttu ekki kost á
nemakorti og hefðu þurft að kaupa
ungmennamiða hefðu á ársgrunni
þurft að greiða 38 þúsund krónur
í strætó ef þau ferðuðust tvisvar
á dag. Neminn greiddi hins vegar
20 þúsund krónur. Nú ferðast allir
á sama verði.“ - ibs
Ungmenni geta nú fengið nemakort hjá Strætó:
Kortin hafa hækkað
Í strætó unmboðsmaður barna benti
á að fólki á framhalds- og háskólastigi
væru boðin betri kjör í Strætó en
börnum og unglingum.
Kaupmaðurinn í Kosti, Jón
Gerald Sullenberger, hefur
ásamt starfsmönnum sínum
verið önnum kafinn að
undanförnu við að merkja
erfðabreytt matvæli í
verslun sinni í samræmi
við reglur sem tóku gildi
um áramótin. Jón Gerald
segir merkingarnar hafa
í för með sér gríðarlegan
kostnað.
„Við erum með mannskap sem
gerir ekkert annað en að líma miða
á vörurnar. Þessu fylgir gríðar-
legur kostnaður sem mun fara út
í verðlagið. Það sem innflytjendur
eru að gera núna mun kosta
neytendur tugi ef ekki hundruð
milljóna króna. Þetta gæti endað
eins og í Danmörku að hér verði
ekki hægt að kaupa Cheerios og
Cocoa Puffs,“ segir Jón Gerald
Sullenberger í Kosti um merkingar
á erfðabreyttum matvælum.
„Það er eins og stjórnvöld séu að
ýta okkur út í að kaupa aðföng sem
eru 20 til 40 prósentum dýrari,“
bætir Jón Gerald við.
Markmiðið með reglugerðinni
um merkingar erfðabreyttra
matvæla sem tók gildi um
áramótin er að neytendur fái réttar
og greinargóðar upplýsingar um
þau erfðabreyttu matvæli sem
boðin eru til sölu. Heilbrigðis-
nefndir sveitarfélaga munu undir
yfirumsjón Matvælastofnunar
hafa eftirlit með því að ákvæðum
reglugerðarinnar sé fylgt.
Helga Pálsdóttir, sérfræðingur
á Matvælastofnun, segir að
framleiðendur og innflytjendur
eigi að afla sér upplýsinga um
hvort þeir séu með undir höndum
erfðabreytt hráefni og vörur.
„Það er kannski engin leið fyrir
neytandann að ganga úr skugga
um það. Það er verið að höfða til
samvisku seljenda og innflytjenda.
Ég veit að fyrirtæki, sem stunda
innflutning frá Bandaríkjunum,
hafa látið rannsaka vörur fyrir
sig úti og spurt okkur hvort
niðurstöðurnar séu fullgildar.“
Að sögn Helgu verða teknar
stikkprufur og sjónum beint að
þeim vörum sem líklegt þykir
að innihaldi erfðabreyttar
lífverur. „Það er langmest um
erfðabreytingar í maís og soja sem
er í afar mörgum vörum.“
Helga getur þess að vörur frá
löndum Evrópusambandsins
séu undir mun strangara eftir-
liti en vörur annars staðar frá.
„Neytendur ættu að vera nokkuð
öruggir um að vörur frá þeim
löndum séu ekki erfðabreyttar.“
ibs@frettabladid.is
Erfðabreytt matvæli
eiga nú að vera merkt
Merkt vara Jón Gerald Sullenberger segir kostnaðinn vegna merkinga erfðabreyttra matvæla fara út í verðlagið. Þetta gæti
endað með því að ekki verði hægt að kaupa Cheerios og Cocoa Puffs á Íslandi. FréttABlAðið/AntOn Brink
Við kaup á hálkuvörn þarf að hafa í huga hvenær og hvar eigi að nota hana
og hversu auðvelt er að setja hana á. Á að bregða henni undir skóna fyrir
göngu eða hlaup úti í náttúrunni eða fyrir göngu út í búð?
Á vefsíðunni www.forvarnahus-
id.is segir að gormar séu góðir í
göngu, sérstaklega úti í náttúrunni.
Þeir geti hins vegar orðið mjög
hálir á flísum og steingólfum. Stutt-
ir naglar bæði að framan og aftan
eru sagðir góðir í kraftgöngu og
hlaupatúra. Þeir eru taldir góður
búnaður þegar ísing er og klaki en
síður þegar snjór liggur yfir klaka.
Þá þykir betra að nota lengri nagla.
Broddar þykja hentugir undir gönguskó en þá þarf að taka af þegar
gengið er á auðu undirlagi. Annars er hætta á að göngumaður festi þá
og detti.
Gúmmítappar eru hálkuvörn með brodda sem hægt er að taka af. -ibs
n varnir í hálkunni:
Gormar, broddar, naglar og tappar
krónur var meðalverðið á kílói af kjötfarsi í
nóvember síðastliðnum samkvæmt mælingu Hagstofu
Íslands. Verðið hefur hækkað um 6,6% frá árinu 2007.
569
Rannsóknaþjónusta
NÁMSKEIÐ Í GERÐ LEONARDO UMSÓKNA UM
MANNASKIPTA- OG SAMSTARFSVERKEFNI
MÁNUDAGINN 9. JANÚAR 2012 KL. 13-15 Í NÁMU,
SAL ENDURMENNTUNAR HÍ, DUNHAGA 7
Næstu umsóknarfrestir Leonardo verkefna eru:
Yfirfærsluverkefni 2. febrúar 2012
Mannaskiptaverkefni 3. febrúar 2012
Samstarfsverkefni 21. febrúar 2012
Dæmi um verkefni:
að senda starfsmann, nemanda eða leiðbeinanda erlendis í
starfsþjálfun eða endurmenntun
að nemendur í starfsnámi taki hluta starfsþjálfunar í
öðru Evrópulandi
samstarfsverkefni við aðrar evrópskar sambærilegar
stofnanir um þróun í starfsmenntun
samstarf um þróun nýrra kennsluhátta eða aðferða við
mat í starfsmenntun
Námskeiðið er ókeypis og öllum opið. Skráning fer fram í
síma 525 4900 eða með tölvupósti á lme@hi.is
Hægt er að óska eftir aðgengi að námskeiðinu í gegnum fjarfundabúnað
símenntunarstöðva á landsbyggðinni.
Nánari upplýsingar um áætlunina og forgangsatriði næsta umsóknarfrests er
að finna á www.leonardo.is og heimasíðu Menntaáætlunar ESB www.lme.is
LANDSKRIFSTOFA
MENNTAÁÆTLUNAR ESB
www.lme.is
Leonardo: Dunhaga 5
107 Reykjavík | Sími: 525 4900
STYRKIR TIL STARFSMENNTUNAR
Í EVRÓPU
LEONARDO
STARFSMENNTUN