Fréttablaðið - 05.01.2012, Blaðsíða 18

18 5. janúar 2012 FIMMTUDAGUR
Á forsíðu Fréttablaðsins 27. des­ember er viðtal við Ásgerði
Sverrisdóttur, krabbameinslækni
á Landspítalanum. Þar greinir
hún frá því að konur, sem greinst
hafi með brjóstakrabbamein og
verið settar á hormónabælandi
lyf, hafi gefist upp á því að taka
lyfið vegna aukaverkana.
Ásgerður segir að í hennar
hópi, þ.e. hópi krabbameins­
lækna, hafi þau á tilfinningunni
að konur séu ekki að taka þessi
lyf samkvæmt fyrirmælum og
gefist stundum upp á að taka
þau án þess að láta lækni vita af
því, en sumar reyndar í samráði
við lækni sinn. Ekki ætla ég að
rengja þessi ummæli og heldur
ekki að setjast í dómarasæti
þar um. Ásgerður segir að
algengustu aukaverkanir séu
tíðahvarfaeinkenni.
Þetta er nú ekki alveg svona
einfalt og langar mig til að veita
ofurlitla innsýn í helstu auka­
verkanir þessara hormóna­
bælandi lyfja. Þessi lyf hafa jafn
mismunandi aukaverkanir og
konurnar eru margar sem taka
þau, því ekkert lyf verkar eins
á tvær konur. Lyfið Femar, sem
mér skilst að sé nokkuð algengt
að ávísa á, hafði til að mynda þau
áhrif á mig að eftir u.þ.b. þrjár
vikur var ég farin að fá slæma
verki í alla liði, alla vöðva,
vöðvafestingar og alla vefi.
Á skömmum tíma var ég orðin
þannig að ég gat hvorki staðið,
setið, legið eða gengið, svaf ekki
fyrir kvölum í öllum skrokknum
og engin verkjalyf verkuðu. Bara
þunginn af sjálfri mér, og var
ég þó í léttari kantinum, gerði
það að verkum að ég gat hvorki
setið né legið. Svitaköstin voru
smámunir miðað við kvalirnar.
Ég vil taka það fram að þetta er
ekki orðum aukið, ég er engin
dramadrottning. Ég hitti aðrar
konur sem voru á þessu sama
lyfi en fundu ekki fyrir því og
einnig konur sem fengu miklar
aukaverkanir.
Eftir nokkurn tíma hætti ég að
taka lyfið og tilkynnti það lækni
mínum, sem sagði þetta ástand
óásættanlegt, en verkirnir í
líkamanum voru áfram í marga
mánuði þrátt fyrir það. Ég var
sett á lyfið Faslodex og var það
ögn skárra. Ég sat áfram uppi
með svitaköst og svefnleysi.
Svitaköstin voru þannig að það
var líkast því að ég væri að
koma úr sturtu og hefði klætt
mig án þess að þurrka mér. Fötin
klístruðust við mig og oft gat
ég hvorki fækkað þeim né haft
fataskipti, því ég var jafnvel í
vinnunni eða úti í búð að kaupa
í matinn eða einhvers staðar
annars staðar en heima hjá mér.
Einnig varð andlitið sjóðandi
heitt svo mig sveið í það, líkast
því að ég væri komin með 40
stiga hita og reyndi ég að kæla
það niður ef ég gat. Svefnleysið
stafaði bæði af verkjum og
svitaköstum og einnig var það,
að eftir eins til tveggja klukku­
tíma svefn, þótt ég væri ekki
með verki eða svitaköst, vaknaði
ég og gat ekki sofnað aftur fyrr
en undir morgun, rétt áður en
ég átti að mæta í vinnu. Þannig
fór ég dag eftir dag svefnlaus
og þreytt í vinnuna, þar sem ég
átti ekki nema u.þ.b. hálfs árs
veikindarétt og hann var búinn.
Ég get bætt ýmsu við en læt
þetta nægja.
Mér finnst Ásgerður gera
nokkuð lítið úr þessum auka­
verkunum, en það er nú einu
sinni þannig að þeir einir geta
um talað sem í hafa komist,
aðrir geta aldrei sett sig í spor
þeirra. Í fyrrgreindu viðtali er
vitnað í bandaríska rannsókn.
Ég las um þessa rannsókn í
Fréttablaðinu fyrir skömmu,
en þar var og tekið fram að
krabbameinslæknar vanmætu
gjarnan þessar aukaverkanir.
Í lok viðta lsins fja l lar
Á s g e r ð u r S v e r r i s d ó t t i r
krabbameinslæknir um árangur
þessarar fyrirbyggjandi með­
ferðar með homónabælandi
lyfjum og ætla ég ekki að gera
lítið úr því. Ég hef tvisvar
greinst með krabbamein með
rúmlega 13 ára millibili. Í fyrra
skiptið var ég skorin fleygskurði
og sett í geisla sem ég brann
undan svo húðin varð öll brún og
hreistruð, með tilheyrandi kláða.
Þrátt fyrir að hafa farið í geisla
sem steiktu meira af heilbrigðum
frumum en sýktum, komu þeir
ekki í veg fyrir að krabbameinið
tæki sig upp á nákvæmlega sama
stað þessum rúmum 13 árum
seinna.
Ég spyr því , hver var
árangurinn af geislunum, eða er
þetta eðlilegt ferli? Má þá ekki
búast við að krabbameinið geti
tekið sig upp aftur þrátt fyrir
hormónabælandi lyfjameðferð?
Eftir tvö ár á hormónabælandi
lyfjum fékk ég lækninn minn
til að samþykkja að ég fengi
að hætta á þeim og líður mér
ágætlega í dag. Ég er mjög sátt
við þá ákvörðun og læt engan
koma inn hjá mér eftirsjá eða
samviskubiti, hvorki Ásgerði
Sverrisdóttur krabbameinslækni
né nokkurn annan.
Í umræðum manna á milli eru oft settir undir einn hatt annars vegar þeir sem vinna að
almannatengslum og upplýsingamálum og hins
vegar þeir sem af einhverjum ástæðum hafa
verið ráðnir af stjórnmálaflokkum, fyrirtækjum,
stofnunum eða einstaklingum til að
fegra ímynd, leka „jákvæðum“
fréttum, snúast til varnar í erfiðum
málum eða einfaldlega búa til
einhverja ímynd sem ekki á sér
neina stoð í veruleikanum.
Stundum er þetta fólk nefnt
„spunameistarar“. Í raun eru þetta
málaliðar sem hafa það að atvinnu
að snúa sannleikanum á haus í þágu
umbjóðenda sinna gegn greiðslu.
Einn hópur þessara málaliða eru
blaðamenn sem hafa verið ráðnir
og settir hinum megin við borðið til
að tjónka við fyrrverandi kollega
eða planta hjá þeim fréttum af
velgengni eða jafnvel slátra fréttum
af hrakförum umbjóðenda sinna
– kannast einhver við flugfélag í
þessu sambandi?
Blómatími málaliðanna var fyrir
hrun þegar öll gagnrýni á útrásina var hlegin út af
borðinu. En eins merkilegt og það kann að hljóma
sátu margir þeirra sem fastast eftir það, jafn­
vel í virðulegum stofnunum og reyna nú að slá á
reiði og gremju sem er afleiðing gerða þeirra fyrir
hrun. Aðrir leika lausum hala hjá fyrirtækjum
sem eiga undir högg að sækja. Stjórnmálamenn
og forsvarsmenn fyrirtækja og stofnana hafa
oft rekið sig á það að búið er að koma af stað
einhverjum orðrómi, sögu eða ætlaðri atburðarás
sem þeir kannast ekkert við. Í annan stað koma
„upplýsingafulltrúar“ fram í viðtölum og eru að
reyna að segja okkur einhvern annan „sannleika“
en blasir við öllu hugsandi fólki og þess eru
mýmörg dæmi.
Nú þekki ég nákvæmlega eftir hvaða forskrift
eða fræðum þessir málaliðar vinna en verk þeirra
eiga ekkert sammerkt með almannatengslum eða
upplýsingamálum tengdum þeim. Almannatengsl
eru heiðarleg fræði og sómasamleg starfsgrein
sem snýst um upplýsingatengsl á milli fyrirtækja,
stofnana eða einstaklinga og viðskiptavina þeirra.
Í siðareglum IPRA, Alþjóðasamtaka almanna­
tengsla, segir í fyrstu grein; „Vinnið af heiðarleika
og heilindum til að byggja upp traust
þeirra sem þið eigið samskipti við“.
Í 5. greininni segir ennfremur:
„Látið ekki frá ykkur af ásettu ráði
upplýsingar sem eru blekkjandi eða
rangar. Vandið vinnu til að koma
í veg fyrir að slíkt sé gert í góðri
trú og leiðréttið strax ef ástæða er
til“. Þessar greinar útiloka það að
störf ýmissa þeirra sem titla sig
upplýsingafulltrúa geti nokkru sinni
talist til almannatengsla.
Því miður er það svo, að oft togast
almannatenglar á við málaliðana.
Þá er verið að slökkva elda sem
málaliðarnir hafa kveikt vegna
hagsmuna umbjóðenda sinna og þá
er sannleikanum fyrst fórnað. En
sem betur fer þá er mest af tíma
almannatengla varið í að koma á
framfæri upplýsingum um heiðar­
lega starfsemi sem varða viðskiptavini og hags­
muni þeirra. Innan ráðuneyta eru margir góðir
starfsmenn í almannatengslum sem taka starf sitt
alvarlega og það á einnig við um mörg fyrirtæki
og stofnanir sem vinna mjög fagmannlega.
Svörtu sauðirnir eru hins vegar allt of margir.
Þeir skilja eftir sig sviðna jörð þegar þeir hætta
og er tekið fagnandi í næsta fyrirtæki eða stofnun
vegna þess að þeir komust svo oft í fjölmiðla með
orðagjálfri eða kaffærðu umræðuna sem var
þeim ekki að skapi.
Einnig varð
andlitið sjóðandi
heitt svo mig sveið í það,
líkast því að ég væri
komin með 40 stiga hita
og reyndi ég að kæla það
niður ef ég gat.
Hin hliðin á auka-
verkunum horm-
ónabælandi lyfja
Almannatengsl og málaliðarnir
Almannatengsl
Björn S.
Lárusson
viðskiptafræðingur
Stundum er
þetta fólk nefnt
„spunameistarar“.
Í raun eru þetta
málaliðar sem hafa
það að atvinnu að
snúa sannleikanum
á haus í þágu um-
bjóðenda sinna …
Heilbrigðismál
Ástríður Helga
Sigurðardóttir
guðfræðingur og
kennari
Fundarstjóri: Helga Jörgensdóttir geðhjúkrunarfræðingur
08:00 - 08:30 Skráning og afhending ráðstefnugagna
08:30 - 08:40 Setning ráðstefnu
Unnur Heba Steingrímsdóttir geðhjúkrunarfræðingur og móttökustjóri BUGL
08:40 - 09:15 Þroski í gegnum þjáningu? Heimspekileg hugleiðing
Vilhjálmur Árnason prófessor í heimspeki við HÍ
09:15 -10:15 Brennt barn forðast eldinn: Þegar eldurinn verður að martröð-
áfallamiðuð hugræn atferlismeðferð fyrir börn
Ágústa I. Arnardóttir sálfræðingur BUGL
10:15 - 10:35 Kaffihlé

10:35 -11:00
11:05 -11:30
11:30 -11:55
Salur A
Fundarstjóri:
Hrefna Haraldsdóttir foreldraráðgjafi,
Sjónarhóli ráðgjafarmiðstöð
Ofbeldi gegn börnum á Íslandi:
afleiðingar og fyrirbyggjandi þættir
Bryndís Björk Ásgeirsdóttir PhD, lektor í sálfræði
við Háskólann í Reykjavík
Ofbeldi gegn börnum á Íslandi:
afleiðingar og fyrirbyggjandi þættir, frh.
Bryndís Björk Ásgeirsdóttir PhD, lektor í sálfræði
við Háskólann í Reykjavík
Börnum straffað með hendi og vendi -
Barnaverndartilkynningar er varða
líkamlegt ofbeldi gagnvart börnum
Steinunn Bergmann félagsráðgjafi
Barnaverndarstofu
Salur B
Fundarstjóri:
Dóra Guðrún Guðmundsdóttir sálfræðingur,
sviðstjóri áhrifaþátta heilbrigðis hjá Embætti
landlæknis
Deilur í fjölskyldum og líðan íslenskra unglinga
Geir Gunnlaugsson landlæknir
Ábyrgð og aðgerðir: Niðurstöður
þverfræðilegrar rannsóknar á einelti
meðal barna á Íslandi
Daníel Reynisson lögfræðingur, Hjördís Árnadóttir
skólafélagsráðgjafi og Sjöfn Kristjánsdóttir
uppeldis- og menntunarfræðingur
Olweusaráætlun gegn einelti og andfélagslegu
atferli: Árangur í 21 grunnskóla í Reykjavík í
ljósi efnahagskreppu
Þorlákur H. Helgason
framkvæmdastjóri Olweusaráætlunarinnar
12:00 - 13:00 Hádegisverðarhlaðborð
13:00 - 13:55 Healing the origins of trauma: EMDR in psychotherapy with children and adolescents
Dr. Robbie Adler-Tapia Psychologist, EMDRIA therapist certified in EMDR
14:00 - 14:20 Kaffihlé
14:20 - 15:05 Healing the origins of trauma: EMDR in psychotherapy with children and adolescents,
framhald
Dr. Robbie Adler-Tapia Psychologist, EMDRIA therapist certified in EMDR
15:05 - 15:50 Sjúkratilfelli og EMDR meðferð
Ragna Kristmundsdóttir sérfræðingur í geðhjúkrun barna og unglinga, BUGL
Unnur Heba Steingrímsdóttir geðhjúkrunarfræðingur, BUGL
15:50 - 16:00 Ráðstefnuslit með söng
Barnakór Kársnesskóla
Vinsamlegast tilkynnið þátttöku fyrir 10. janúar 2012
Verð: kr. 9.500 - kaffi og hádegisverðarhlaðborð innifalið. Starfsmenn LSH og nemar verð kr. 6.000
Skráning fer fram á vef Landspítalans: www.lsh.is/?PageID=15361
Þökkum styrktaraðilum
Frost er úti fuglinn minn…
Börn og áföll
Föstudagur 13. janúar, kl. 08:00-16:00 Laugardalshöll – 2.hæð
Ráðstefna BUGL 13. janúar 2012
Af netinu
fjórflokkurinn í rúst
Enn birtir Gallup rangar tölur um fylgi stjórnmálaflokka. Dregur
frá þá sem hyggjast kjósa aðra en fjórflokkinn, sem ætla að
skila auðu og sem taka ekki afstöðu. Að teknu tilliti til þessara
óánægðu kjósenda er fylgi allra flokka mun minna en Gallup segir.
Sjálfstæðisflokkur hefur 22% fylgi, Samfylkingin 12%, Framsókn
8%, Vinstri grænir 8%. Stærsti stjórnmálahópur landsins er 41%
hópur hinna óánægðu og hinna ósáttu. Gallup má ekki deila því
fylgi niður á fjórflokkinn, en gerir það samt. Fólk mætti gjarna vara
sig á sinnulausri framsetningu niðurstaðna skoðanakannana. Þær
sýna allan fjórflokkinn í rúst.
http://jonas.is/
Jónas Kristjánsson