Fréttablaðið - 23.04.2012, Blaðsíða 2

23. apríl 2012 MÁNUDAGUR2
Fundir og ráðstefnur
Veislusalurinn er vel tækjum búinn og er því tilvalinn
fyrir hvers kyns ráðstefnur og fundi, stóra sem smáa.
Í salnum er meðal annars hágæða hljóðkerfi, skjávarpi,
flettitafla og púlt. Starfsfólk okkar veitir þér ráðgjöf
varðandi veitingar og annað sem huga þarf að.
GLÆSILEGUR VEISLUSALUR!
Náttúruparadís í hjarta borgarinnar
www.nautholl.is www.facebook.com/nautholl nautholl@nautholl.is sími 599 6660
LÖGREGLUMÁL Sautján ára piltur
situr nú í gæsluvarðhaldi, grun-
aður um að hafa stungið konu um
þrítugt í heimahúsi í Kópavogi
aðfaranótt laugardags.
Lögregla fékk tilkynningu um
málið á fimmta tímanum. Sam-
kvæmt upplýsingum Fréttablaðs-
ins tókst konunni sjálfri að kalla
eftir aðstoð eftir að hafa yfirbug-
að piltinn.
Konan mun hafa átt í sambandi
við föður piltsins um skeið, en þau
höfðu slitið því í góðu. Pilturinn
kom sér inn í íbúð konunnar vopn-
aður hníf og veitti henni áverka
í andliti, á síðu og brjósti, sam-
kvæmt heimildum blaðsins. Ekki
liggur fyrir hvað bjó að baki árás-
inni.
Pilturinn var tekinn höndum
og færður í fangageymslu. Í gær
var hann svo úrskurðaður í gæslu-
varðhald í þágu rannsóknarinnar.
Litlar upplýsingar hafa fengist um
málið hjá lögreglu.
Konan var flutt á Landspítalann
þar sem gert var að sárum hennar.
Hún lá á gjörgæsludeild um hríð
en var þó aldrei í mikilli lífshættu.
Hún var komin á almenna deild í
gær og var á batavegi. - sh
Kona um þrítugt á batavegi eftir að hafa verið stungin margsinnis með hníf:
Sautján ára í haldi eftir stunguárás
ÚRSKURÐAÐUR Í VARÐHALD Lögreglan
handtók piltinn eftir að konan hafði yfir-
bugað hann. Hann var síðan úrskurð-
aður í gæsluvarðhald. FRÉTTABLAÐIÐ/PJETUR
Guðbjartur, ekki urðu þeir
ástfangnir af norðurljósunum?
„Þeim líkaði ekki norðurljósin, þeir
elskuðu þau.“
Hljómsveitin 10cc fór að sá norðurljósin
á Íslandi. Eitt þekktasta lag hennar er I´m
Not In Love. Guðbjartur Finnbjörnsson
flutti sveitina til landsins.
PARÍS, AP Forseti Frakklands, Nicolas Sarkozy, var
með færri atkvæði en sósíalistinn Francois Hollande
þegar 75 prósent atkvæða höfðu verið talin í fyrri
umferð forsetakosninganna í Frakklandi í gær. Hol-
lande hafði fengið 27,9 prósent atkvæða en Sarkozy
26,7 prósent.
Forsetaframbjóðandi þarf að fá yfir 50 prósent
atkvæða til að tryggja sér sigur í kosningunum. Ef
enginn nær meirihluta í fyrstu umferð keppa tveir
efstu frambjóðendurnir í næstu umferð. Allt stefnir
því í einvígi á milli Sarkozy og Hollande hinn 6. maí
og hefur hinum síðarnefnda verið spáð sigri. Hann
hefur heitið því að draga úr miklum skuldum Frakk-
lands, auka hagvöxt og sameina frönsku þjóðina.
Marine Le Pen, sem er mikil hægri-mann-
eskja, var með 19,2 prósent atkvæða og kom mikið
fylgi hennar mjög á óvart. Vinstrimaðurinn Jean-
Luc Melenchon var með 10,8 prósent atkvæða og
Francois Bayrou með 9,2 prósent. Fimm aðrir fram-
bjóðendur fengu minna.
Kjörsókn var hærri en búist var við, eða um 80
prósent. Kjörsóknin í fyrstu umferð kosninganna
árið 2007 var tæp 84 prósent, sem var það mesta
síðan á áttunda áratugnum. - fb
Fyrri umferð forsetakosninganna í Frakklandi fór fram í gær:
Hollande með flest atkvæði
ÁNÆGÐIR STUÐNINGSMENN Stuðningsmenn Francois Hol-
lande voru hæstánægðir með frammistöðu síns manns í gær.
MYND/AP
GENF,AP Frönskum manni sem
starfaði í Jemen fyrir Rauða
krossinn hefur verið rænt og ekk-
ert hefur heyrst frá þeim sem
rændu honum. Maðurinn var
tekinn úr bíl sínum þegar verið
var að aka honum til borgarinnar
Hudayda.
„Við viljum að ræningjarn-
ir sleppi honum lausum heil-
um á húfi og án nokkurra skil-
mála,“ sagði Marie-Servane
Desjonqueres, talsmaður hjá
Rauða krossinum.
Mannrán eru algeng í Jemen.
Ræningjarnir nota fórnarlömb-
in til að fá pening í staðinn eða
krefjast þess að föngum frá
Jemen verði sleppt lausum. - fb
Mannræningjar í Jemen:
Hjálparstarfs-
manni rænt
KAÍRÓ, AP Egyptar eru hættir að
flytja gas til Ísraels vegna samn-
ingsbrots. Ísraelar telja að ákvörð-
unin muni hafa áhrif á friðarsam-
komulag þjóðanna.
Gassamningur þjóðanna frá
2005 hefur valdið spennu á milli
Ísraela og Egypta síðan uppreisn-
in varð í Egyptalandi. Margir
Egyptar telja samninginn dæmi-
gerðan fyrir vinnubrögð fyrrver-
andi forseta, Hosnis Mubaraks, og
sýni hvernig hann og samstarfs-
menn hans hafi hagnast á meðan
þjóðin varð af miklu fé. - fb
Egyptar grípa í taumana:
Hættir að flytja
gas til Ísraels
HEILSA Stjórnarandstaðan í Dan-
mörku hefur gagnrýnt ný reyk-
ingalög. Þeir telja að með lögunum
séu reykingar gerðar meira spenn-
andi fyrir ungt fólk, samkvæmt
frétt Berlingske Tidende.
Héðan í frá verður kennurum
og öðrum starfsmönnum danskra
skóla bannað að kveikja sér í sígar-
ettu á vinnutíma, inni í skólabygg-
ingum sem og úti á skólalóð. Þá
verður einnig óheimilt að reykja
á öðrum vinnustöðum í landinu,
jafnvel þó svo að einn sé þar að
störfum. Þeir sem brjóta lögin geta
búist við að fá nokkur hundruð þús-
und króna sekt. - fb
Ný reykingalög í Danmörku:
Ekki má reykja
á vinnutíma
REYKINGAR Ný reykingalög eru harðlega
gagnrýnd í Danmörku.
SAMEINUÐU ÞJÓÐIRNAR, AP Örygg-
isráð Sameinuðu þjóðanna hefur
samþykkt ályktun um að fjölga
friðargæsluliðum í Sýrlandi úr 30
í 300. Ráðið hefur einnig krafist
þess að ofbeldinu linni sem þar
hefur stigmagnast að undanförnu.
Friðargæsluliðarnir verða
óvopnaðir og fylgjast með gangi
mála í 90 daga til að byrja með.
Ban Ki-moon, framkvæmdastjóri
Sameinuðu þjóðanna, ákveður í
framhaldinu hvort fleiri gæslulið-
ar verði sendir til landsins. Hann
hefur sakað forseta Sýrlands, Bas-
har Assad, um að virða ekki vopna-
hlé sem stjórnvöld og stjórnarand-
staðan gerðu fyrir rúmri viku. - fb
Sameinuðu þjóðirnar álykta:
Friðargæsla
aukin í Sýrlandi
FRIÐARGÆSLULIÐI Friðargæsluliði að
störfum í Sýrlandi ásamt þarlendum
hermanni. MYND/AP
SAGA Atvinnukafarinn Erlendur
Guðmundsson fann á laugardaginn
flak danska glæsiskipsins Torden-
skjold á botni Siglufjarðar. Skipið
þjónaði danska sjóhernum um árabil
en síðar sem birgðaskip í síldarhöfn-
inni á Siglufirði á öðrum og þriðja
áratug 20. aldar.
Erlendur segir að það hafi reynst
honum lítil fyrirhöfn að finna skipið
þar sem það liggur í Hvanneyrar-
króki, en hann hafði áður undirbú-
ið sig vel og staðsett skipið út frá
skriflegum heimildum. „Skipið er
illa farið eins og von er en þó eru
hlutar þess heillegri en ég átti von
á. Nú þarf að hreinsa frá því og
mynda flakið þar sem það liggur,
og vita hvort einhverjir munir eru
þarna ennþá,“ segir Erlendur en í
samvinnu við Síldarminjasafnið á
staðnum hefur hann grafist fyrir
um staðsetningu skipsins undan-
farin ár.
Örlygur Kristfinnsson, safnstjóri,
þekkir sögu Tordenskjold vel. Skip-
ið var rúmlega fimmtíu metrar að
breidd; það var 1.453 tonn og bar
upphaflega 44 fallbyssur. Skipið var
hið glæsilegasta og var um tíma eitt
af flaggskipum danska flotans.
Örlygur segir að þrátt fyrir glæsi-
leika sinn hafi skipið þjónað frekar
stutt sem herskip og var það nýtt
til að leggja sæstrengi við Kína og
Singapúr. Ævi sína endaði skipið á
Íslandi en skrokkurinn var dreginn
yfir hafið til Siglufjarðar eftir alda-
mótin 1900.
„Skrokkurinn var notaður sem
birgðageymsla úti á firðinum, aðal-
lega undir grútartunnur - svo gamli
Tordenskjold var þá rúinn fyrri
myndugleika og virðingu,“ segir
Örlygur.
Örlygur segir að í lok fjórða ára-
tugarins hafi verið ákveðið að nota
skipsskrokkinn sem bryggjuhaus
fyrir söltunarstöð hins danska síld-
arspekúlants Sörens Goos, sem
hóf umsvif á Siglufirði 1908. „Þau
áform runnu út í sandinn og skip-
ið brotnaði í vetrarveðrum og það
hefur ekki komið fyrir sjónir manna
fyrr en á laugardaginn.“
Á Síldarsafninu stendur stafnlík-
neski Tordenskjold sem var tekið af
skipinu áður en því var sökkt. „Lík-
neskinu fylgir mikil saga en það
var geymt á myrku lofti síldarverk-
smiðjunnar Gránu um árabil. Það
vita allir krakkar sem hér hafa alist
upp og eiga sögur af „draugnum á
loftinu“, sem eru margar og litrík-
ar,“ segir Örlygur.
Næsta skref í athugun Síldar-
minjasafnsins á Tordenskjold er að
fá kafara frá Fornleifanefnd ríkis-
ins til að skoða skipsleifarnar.
svavar@frettabladid.is
Fræg freigáta fundin
á botni Siglufjarðar
Flak frægrar danskrar freigátu er fundið á botni Siglufjarðar. Það var flaggskip
danska flotans en síðar grútartunnugeymsla dansks síldarspekúlants á Íslandi.
STAFNLÍKNESKI
TORDENSKJOLD
Í Síldarminjasafninu á
Siglufirði er líkneskið
í öndvegi og meðal
margra merkilegra safn-
gripa.
M
YN
D
/Ö
R
LY
G
U
R
/S
IL
D
.IS
IÐNAÐUR Smáskjálftar við Hellis-
heiðarvirkjun síðasta haust höfðu
áhrif á hús í Hveragerði og ekki
er hægt að útiloka að stærstu
skjálftarnir hafi valdið skemmd-
um. Stöð 2 greindi frá þessum
niðurstöðum Rannsóknarmið-
stöðvar í jarðskjálftafræði.
Mikil jarðskjálftavirkni var
við Hellisheiðarvirkjun á laugar-
dagskvöld og aðfaranótt sunnu-
dags og fundu íbúar í Hveragerði
fyrir skjálftunum. Flestir voru þó
litlir, eða nálægt einum á Richter
að stærð. Tveir skjálftar voru þó
nálægt þremur á Richter. - óká
Skemmdir ekki útilokaðar:
Enn skelfur
jörð á Heiðinni
SPURNING DAGSINS