Fréttablaðið - 23.04.2012, Blaðsíða 54

23. apríl 2012 MÁNUDAGUR30
Í
2012
GOTT Á GRILLIÐ
Jóhanna Methúsalemsdóttir, skartgripahönnuð-
ur, sendi nýverið frá sér nýja línu sem unnin er úr
þorskabeinum. NY Times Magazine fjallaði um lín-
una á síðum sínum í byrjun vikunnar.
Blaðamaður Times, Sarah Scire, líkir skartinu frá
Jóhönnu við slæðu af reyk og segir það fornaldarlegt
í einfaldleika sínum. Jóhanna hefur verið búsett í
New York frá því hún var táningur og þar rekur hún
einnig vinnustofu sína. Í greininni kemur fram að
Jóhanna treysti á hjálp vina og vandamanna á Íslandi
við beinasöfnunina og segir hún þau dugleg við að
senda sér ýmiss konar bein. „Vinnustofan mín er full
af beinum og öðrum skringilegum hlutum, sem gerir
mig mjög hamingjusama,“ var haft eftir Jóhönnu
sem handgerir hvern hlut í línunni.
Blaðamaðurinn fjallar einnig um svokallað
„lookbook“, sem eru eins konar kynningarmyndir
fyrir línuna. Þar bregður dóttir Jóhönnu, Indía Sal-
vör Menuez, sér í hlutverk fyrirsætu og gerir það vel.
„Myndirnar eiga að minna á gamlar ljósmyndir af
sjómönnum og indíánum og vera mjög náttúrulegar,“
sagði Jóhanna að lokum um myndirnar. - sm
Fjallað um Kríu í NY Times
VINSÆL Jóhanna Methúsalemsdóttir hannar skart undir
nafninu Kría. Times Magazine fjallaði um nýja línu hennar í
vikunni. FRÉTTABLAÐIÐ/STEFÁN
Gyða Katrín Guðnadóttir sigraði
Eskimo/Next fyrirsætukeppnina
sem haldin var í Hörpu á mið-
vikudaginn var. Ellefu stúlkur
kepptu um titilinn og kom sig-
urinn Gyðu Katrínu töluvert á
óvart.
„Þetta var rosalega gaman og
gekk allt saman mjög vel. Fyrir-
sætustarfið er tiltölulega nýtt
fyrir mér, ég hugsaði með mér
að þetta gæti orðið skemmtileg
reynsla og ákvað þess vegna að
taka þátt,“ segir Gyða Katrín
um keppnina. Í verðlaun var
samningur hjá hinni virtu Next
umboðsskrifstofu, flug til New
York í boði Next Models, gisting í
einni af módelíbúðum stofunnar
og minnst þrjár tökur með reynd-
um ljósmyndurum.
Þrátt fyrir að vera ný í brans-
anum segir Gyða Katrín fyrir-
sætustarfið verða auðveldara
og skemmtilegra eftir því sem
reynslan verður meiri og gæti
hún vel hugsað sér að starfa sem
slík í framtíðinni. „Þetta á allt
eftir að koma betur í ljós en ég
gæti vel hugsað mér að vinna sem
fyrirsæta ef það stendur til boða.
Ég hafði þó ekki íhugað þennan
mögulega alvarlega fyrir keppn-
ina enda er þetta allt nokkuð nýtt
fyrir mér.“
Alls kepptu ellefu stúlkur um
titilinn og þurftu þær meðal ann-
ars að sækja gönguæfingu fyrir
keppnina. Gyða Katrín segir það
hafa nýst henni vel enda sé kúnst
að ganga á háum hælum. „Við
lærðum að bera okkur rétt og
ganga í háum hælum. Þó hælarn-
ir hafi ekki verið himinháir þá var
svolítið erfitt að ganga á þeim.“
Gyða Katrín er sautján ára
gömul og stundar nám á náttúru-
fræðibraut við Menntaskólann í
Reykjavík. Hún heldur utan til
New York í sumar og segist spennt
fyrir ferðinni. Þegar hún er að
lokum spurð hvort hún eigi sér
fyrirmyndir úr tískubransanum
svarar Gyða Katrín því neitandi.
„Nei, ég á mér enga sérstaka fyr-
irmynd og ekki heldur neinn uppá-
halds hönnuð.“ sara@frettabladid.is
GYÐA KATRÍN GUÐNADÓTTIR: ÞETTA ER ALLT NOKKUÐ NÝTT FYRIR MÉR
Fer til New York í sumar
KOM, SÁ OG SIGRAÐI Gyða Katrín Guðnadóttir sigraði Eskimo/Next fyrirsætukeppnina í ár. Hún hafði ekki reynt fyrir sér í fyrir-
sætubransanum áður.
FRÉTTABLAÐIÐ/STEFÁN
„Það er óhætt að segja að þetta verður fullkom-
inn endir á skemmtilegu ári hjá okkur,“ segir
Aðalbjörn Tryggvason söngvari Sólstafa sem
spila í sérstakri skemmtiferðasiglingu fyrir
þungarokksaðdáendur í lok árs.
Skemmtiferðasiglingin ber heitið Barge To
Hell og eru Sólstafir ein af fjörutíu sveitum sem
spila á skipinu. Lagt er af stað frá Míamí þann
3. desember næstkomandi, þar sem siglt er til
Bahama-eyja og komið aftur til Míamí fjórum
dögum síðar. „Þetta verður okkar fyrsti Amer-
íku-túr og hverjum hefði grunað að við mundum
byrja á því að spila á skemmtiferðaskipi. Þetta
verður án efa mikið ævintýri og ég veit ekki
hvaða hálfvita datt í hug að skella 3.000 þunga-
rokkurum saman á rúmsjó,“ segir Aðalbjörn,
eða Addi eins og hann er kallaður, hlæjandi.
Siglingin er vinsæl meðal þungarokksaðdá-
enda og mikið fjör þá fjóra daga sem siglingin
stendur yfir. Barir skipsins loka aldrei og
meðal þeirra tómstunda sem standa far-
þegum til boða er þungarokkskarókí. Hver
sveit spilar tvisvar sinnum í ferðinni en
skipið tekur 3.000 farþega og kostar mið-
inn frá 85 þúsund íslenskra króna.
„Það eru fullt af stórum nöfnum að
spila þarna með okkur eins og Sepultura
og Enslaved. Við erum að athuga hvort
við getum ekki skipulagt fleiri tón-
leika í Bandaríkjunum í kring-
um þessa siglingu,“ segir
Addi en sveitin er þessa
dagana stödd í vikulöng-
um Finnlandstúr.
„Við erum að rúnta
um á 35 ára gamalli
Scania rútu milli bæja hér í Finnlandi.
Á morgun þurfum við að keyra í sjö
tíma og ég á von á því að það verði
nokkuð sveitt.“ Hægt er að nálgast
allar upplýsingar um siglinguna á
vefsíðunni Bargetohell.com. - áp
Spila þungarokk á skemmtiferðaskipi
MIKIÐ ÆVINTÝRI Aðal-
björn Tryggvason, söngvari
Sólstafa, vill meina að
þátttaka sveitarinnar í
þungarokkssigling-
unni Barge To Hell
sé hápunktur
ársins.
„Ég verð eiginlega að segja
hamborgari þar sem það er það
eina sem ég kann að setja á
grillið. Ég er ekki mikill grill-
maður, en ég er að skána.“
Auðunn Blöndal, útvarpsmaður með
meiru.