Fréttablaðið - 22.05.2012, Side 8

22. maí 2012 ÞRIÐJUDAGUR8
STJÓRNMÁL Hægt er að bera saman
kostnað við húsnæðislán á Íslandi
og í evruríki með reiknivél sem
samtökin Já Ísland hafa látið útbúa
á heimasíðu sinni.
Hægt er að slá inn í reikni-
vélina upphæðir húsnæðislána frá
árunum 2000 til 2011 í ís lenskum,
verðtryggðum krónum og sjá eftir-
stöðvarnar í dag annars vegar, og
hverjar þær væru ef lánið hefði
verið tekið á meðaltals vöxtum
í evruríki hins vegar. Benedikt
Jóhannesson, tryggingastærðfræð-
ingur og stjórnarmaður Já Íslands,
segir mikilvægt að hafa í huga
að reiknivélin sýnir bæði vaxta-
muninn milli Íslands og meðal tals
evruríkja og verðbólgumun.
„Hvort tveggja er böl sem við
höfum átt við að etja sem evru-
ríkin hafa ekki þurft að þola,“ segir
hann. „Við ættum að bera okkur
saman við löndin í kring um okkur
í þessu samhengi. Til dæmis voru
vextir á óverðtryggðu, dönsku láni
í gærmorgun 0.87 prósent, sem er
eitthvað sem íslenskar fjölskyldur
gætu margar hverjar sætt sig við.“
Hægt er að nálgast reiknivél Já
Íslands á slóðinni www.lan.jaisl-
and.is. - sv
Reiknivél Já Íslands ber saman kostnað við verðtryggð húsnæðislán hér á landi og í evruríkjum:
Reiknar út milljóna mun á húsnæðisláni
Samkvæmt útreikningum reiknivélar Já Íslands borgar hvert íslenskt heimili
milljónir á ári hverju vegna krónunnar.
Dæmi:
Lán tekið í janúar 2006 upp á 18,5 milljónir á Íslandi:
Eftirstöðvar = 27.501.412 kr
Lán tekið í janúar 2006 upp á 18,5 milljónir í evruríki:
Eftirstöðvar = 15.532.292 kr
Mismunur = 11.969.120 kr
Milljóna munur
HJÁLPARSTARF Sérstök áhersla er
lögð á söfnun á brjóstahöldum
og öðrum undirfötum í fata-
söfnun Rauða krossins, Sjóvár
og Íþrótta- og Ólympíusambands
Íslands. Söfnunin er haldin í
tengslum við Sjóvá Kvennahlaup
ÍSÍ sem fram fer þann 16. júní
næstkomandi.
„Árlega velja skipu leggjendur
Kvennahlaupsins eitt málefni
tengt konum til að vekja sér-
staka athygli á. Í ár var ákveðið
að hvetja þátttakendur hlaupsins
til að gefa nærföt í fata safnanir
hjálparsamtaka,“ segir í tilkynn-
ingu. Samkvæmt upplýsingum
frá Rauða krossinum þá skilar
nærfatnaður sér síður en annar
fatnaður í hefðbundnum fata-
söfnunum. - óká
Rauði krossinn á Íslandi safnar brjóstahöldum í tengslum við Kvennahlaupið:
Nærföt hefur skort í fatasöfnun
FYRSTA FATAGJÖFIN Stella Sigurðardóttir, leikmaður Fram í handknattleik og nýkjörinn
leikmaður ársins í N1-deild kvenna, mætti í gær með móður sinni, Soffíu Bragadóttur, til
að gefa fyrstu brjóstahöldin. Anna Stefánsdóttir, formaður Rauða krossins, fylgist með.
MYNDI/RAUÐI KROSS ÍSLANDS
FÁÐU ÞÉR ÁSKRIFT | 512 5100 | STOD2.IS
Sunnudaga á Stöð 2
Golden Globe - Besti dramaþáttur ársins
VEISTU SVARIÐ?
RANNSÓKNIR Töluverðir hags-
munir geta legið í auknu samstarfi
Íslands og Frakklands í vísinda-
rannsóknum á norðurslóð. Þetta
segja frönsku vísinda mennirnir
Jean-Charles Pomerol og Jean-
Claude Gascard, sem eru staddir
hér á landi.
Tilgangur ferðarinnar er að
efla tengsl milli vísindamanna í
löndunum tveimur í gegnum sam-
evrópsk rannsóknaverkefni.
„Þessi verkefni eru afar mikil-
væg,“ segir Pomerol. „Þau ein-
blína á norðurskautið og í því tilliti
þarf ekki að fjölyrða um mikilvægi
Íslands. Sjáðu bara hvar það er á
heimskortinu,“ bætir hann við og
hlær.
Á fundi Össurar Skarphéðins-
sonar utanríkisráðherra með
frönskum starfsbróður sínum í
vor var ákveðið að efla samstarf
ríkjanna í rannsóknum á norður-
slóð, en þó Frakkland eigi að sjálf-
sögðu ekki land að heimskautinu
hafa loftslagsbreytingar í þessum
heimshluta áhrif mjög víða.
Gascard, sem stýrði meðal
annars Damocles-rannsóknar-
verkefninu á norðurheim skautinu
á árunum 2005 til 2009, stýrir
einnig Access-verkefninu sem hófst
í fyrra. Bæði þessi verkefni rann-
saka áhrif loftslagsbreytinga og eru
styrkt af framkvæmdastjórn ESB.
„Við erum að rannsaka tengingar
milli loftslagsbreytinga og þróunar
á félagshagfræðilegum þáttum
eins og fiskveiðum, hafflutning-
um og olíu- og gasvinnslu,“ segir
Gascard og bætir því við að gagn-
kvæmir hagsmunir liggi í frekara
rannsóknasamstarfi milli Íslands
og Frakklands.
„Ísland er auðvitað land á norður-
slóð og hér er mikil þekking á
aðstæðum í þessum heimshluta.
Ekki aðeins varðandi loftslagsmál,
heldur líka áhrif sjávar á loftslagið
og á efnahagsleg mál, sérstaklega
fiskveiðar. Þannig er Ísland ein-
stakt land og heimurinn getur notið
góðs af sérþekkingu Íslendinga og
íslenskra vísindamanna og þeirra
gagna sem hér eru til.“
Á móti, segir Gascard, getur
Frakkland boðið upp á margt fyrir
íslenska vísindamenn, til dæmis
aðstöðu og tæknilausnir eins og
gervihnattaeftirlit hjá geimvísinda-
stofnun Frakklands og veðurstofu
sem hefur mikla reynslu af lofts-
lagsrannsóknum.
Gascard og Pomerol fara til
Akureyrar í dag þar sem þeir
munu funda með forsvarsmönnum
Háskólans á Akureyri.
thorgils@frettabladid.is
Eigum sameiginlega
norðurslóðahagsmuni
Tveir franskir vísindamenn eru staddir hér á landi til að efla samvinnu í vís-
indarannsóknum á norðurheimskautssvæðinu. Segja Ísland og Frakkland geta
boðið hvort öðru upp á margt á hinu mikilvæga sviði loftslagsrannsókna.
Á NORÐURSLÓÐ Jean-Claude Gascard og Jean-Charles Pomerol eru hér á landi til að efla samvinnu í rannsóknum á norðurheim-
skautssvæðinu. FRÉTTABLAÐIÐ/GVA
1. Hvar slasaðist maður við
eggjatöku á sunnudag?
2. Hvað heitir veitingastaðurinn
sem brann á Seyðisfirði um
helgina?
3. Hvað heitir forstjóri Útlendinga-
stofnunar?
SVÖRIN
1. Í Aðalvík á Hornströndum. 2. Frú Lára.
3. Kristín Völundardóttir.