Fréttablaðið - 09.08.2012, Blaðsíða 41

FIMMTUDAGUR 9. ágúst 2012 33
Fræðslu- og ljósmyndasýning um kjarn-
orkusprengjurnar sem varpað var á Híro-
síma og Nagasaki og afleiðingar þeirra
verður opnuð í Borgarbókasafni Reykja-
víkur við Tryggvagötu í kvöld.
Á sýningunni má skoða muni frá
atburðunum, auk ljósmynda og fræðslu-
efnis sem sýnir geigvænleg áhrif kjarn-
orkusprenginganna á íbúa og mannvirki
í Hírósíma og Nagasaki. Alls létust
strax, eða á fyrstu mánuðunum eftir
að sprengjurnar féllu, um 214 þúsund
manns og álíka margir hafa fram til
ársins 2011 látist af eftirköstum kjarn-
orkuárásanna. Enn þjást um 227.500
manns sem bjuggu í Hírósíma og Naga-
saki árið 1945 af sjúkdómum sem raktir
eru til sprenginganna.
Sýningin kemur hingað frá Nagasaki-
minningarsafninu, Nagasaki National
Peace Memorial Hall for the Atomic
Bomb Victims, sem starfar á vegum
japanska velferðarráðuneytisins.
Í tengslum við sýninguna verða margs
konar viðburðir, sem nálgast má upp-
lýsingar um á vefsíðunni www.hirosima-
nagasaki.is.
Sýningin verður opnuð í kvöld klukk-
an 19.30 og er opin til klukkan 22. Eftir
að hafa skoðað sýninguna í kvöld er
tilvalið fyrir gesti að ganga niður að
Reykjavíkur tjörn, þar sem kertafleyting í
minningu fórnarlambanna hefst klukk an
22.30. Þar flytur Inosuke Hayasaki, 81
árs gamall Japani, ávarp, en hann lifði af
kjarnorkusprenginguna í Nagasaki. - hhs
HVAÐ? HVENÆR? HVAR?
Fimmtudagur 09. ágúst 2012
➜ Tónleikar
16.30 Hljómsveitin Byzantine Silhou-
ette leikur fyrir gesti á næstu tónleikum
í Pikknikk tónleikaröð Norræna hússins.
Frítt er á tónleikana sem haldnir eru í
gróðurhúsi Norræna hússins.
➜ Sýningar
16.00 Listasalur Mosfellsbæjar býður
til einstakrar listsýningar þar sem fjórir
fyrrum bæjarlistamenn sýna verk sín.
Sýningin nefnist Fjórir Moskóvítar.
➜ Hátíðir
16.00 Haldin verður afmælishátíð í
Bókasafni Mosfellsbæjar í tilefni 25
ára afmælis Mosfellsbæjar. Meðal
uppákomna er hljómsveitin Mojito og
systurnar Dísella, Ingibjörg og Þórunn
Lárusdætur. Léttar veitingar í boði.
➜ Uppákomur
20.00 Boðið verður upp á ljósmynda-
göngu um Laugardalinn þar sem rifjaðar
verða upp minningar og sögur frá fyrri
tímum. Þorgrímur Gestsson annast
gönguna. Mæting við aðalinngang
Grasagarðsins. Þátttaka ókeypis.
➜ Tónlist
12.00 Haukur Guðlaugsson leikur á
orgel á hádegistónleikum í Hallgríms-
kirkju. Aðgangseyrir er kr. 1.500 en
ókeypis fyrir félaga í Listvinafélagi Hall-
grímskirkju.
16.30 Hljómsveitin Skuggamyndir
leika á Pikknikk tónleikaröð Norræna
Hússins. Aðgangur er ókeypis.
20.00 Tríó rússneska harmonikku-
leikarans Vadim Fyodorov leikur í Odda-
kirkju á Rangárvöllum. Aðgangseyrir er
kr. 1.500.
21.00 Una Dóra, Fanney Kristjánsdóttir
og Jenný Lára flytja djassíska dagskrá í
tali og tónum á Café Rosenberg.
21.30 Hinir mánaðarlegu tónleikar
Skuggamynda verða haldnir á Café
Haítí. Leikin verður þjóðlagatónlist frá
Balkanskaganum. Aðgangseyrir er kr.
1.500.
22.00 Þór Breiðfjörð leikari og söngv-
ari verður gestur Bítladrengjanna blíðu
á tónleikum þeirra á Ob-La-Dí-Ob-La-Da
Frakkastíg 8. Aðgangseyrir er kr. 1.000.
➜ Fyrirlestrar
12.15 Tinna Grétarsdóttir mannfræð-
ingur flytur hádegiserindi í tengslum við
sýninguna Kerfi. Fyrirlesturinn fer fram í
Hafnarhúsi Listasafns Reykjavíkur.
Upplýsingar um viðburði sendist á
hvar@frettabladid.is
Kjarnorkuárásanna á Japan minnst
UNDIRBÚA OPNUN Sýning um kjarnorkusprengjurnar sem varpað
var á Hírósíma og Nagasaki opnar í Borgarbókasafni í dag.
Opið laugard. kl. 10-14
LEIÐIN TIL
HOLLUSTU
www.skyr.is
Norræna matvælamerkið
Skráargatið auðveldar þér að
velja holla matvöru.
Vörur með Skráargatinu verða
að uppfylla ákveðin næringar-
viðmið og teljast hollastar í
sínum fæðuflokki.
Skyr.is drykkirnir standast
þessar ströngu kröfur, þú
getur því treyst á hollustu
Skyr.is.