Fréttablaðið - 13.08.2012, Blaðsíða 18

FÓLK|HEIMILI
ALLIR Í
BERJAMÓ
Ber eru holl og góð
Nú er tími berjatínslu að renna
upp og margir farnir að huga
að því að koma sér í berjamó.
Ferð í berjamó er tilvalin fyrir
fjölskyldur að fara í saman því
stórir sem smáir geta lagt hönd
á plóg við tínsluna, hvort sem
tínt er beint upp í munn eða í
fötu til að fara með heim.
Hollusta berja er ótvíræð og
hafa bláber meðal annars verið
kölluð ofurfæða. Þau eru rík
af vítamínum, steinefnum og
andoxunarefnum. Krækiber og
aðalbláber eru einnig trefjarík
en trefjaefni eru nauðsynleg
fyrir eðlilega meltingu.
Ber geymast vel í frysti og gott
er að eiga poka með berjum til
að grípa í þegar blanda á þeyt-
inga, setja út á jógúrt eða nota
í bakstur. Að sjálfsögðu er líka
upplagt að sulta úr berjunum.
Ryðfríir neysluvatnshitarar, hitöld (element),
hitastillar, hitastýringar, rafhitarar til húshitunar
og flest annað til rafhitunar.
Við hjá Rafhitun erum sérfræðingar í öllu sem við
kemur rafhitun. Við bjóðum einungis úrvals tæki
sem hafa sannað sig með áralangri reynslu.
íslensk
framleiðsla
í 20 ár
Rafhitarar fyrir heita potta
BESTU
BROTIN
ÚR ÞÁTTUM
BYLGJUNNAR
FRÉTTIR VIÐSKIPTI SPORT UMRÆÐAN ÚTVARP LÍFIÐ SJÓNVARP
- oft á dag
KOMDU FRAM VIÐ AÐRA
Á NETINU EINS OG ÞÚ VILT LÁTA
KOMA FRAM VIÐ ÞIG
www.saft.is
FÓLK ER KYNNINGARBLAÐ sem býður aug-
lýsendum að kynna vörur og þjónustu í formi
viðtala og umfjallana ásamt hefðbundnum auglýs-
ingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal
Sölumenn: Jónína María Hafsteinsdóttir, jmh@365.is, s. 512 5473
Sverrir Birgir Sverrisson, sverrirbs@365.is, s. 512 5432
Elsa Jensdóttir, elsaj@365.is, s. 512-5427 | Hönnun: Silja Ástþórsdóttir
■ Ný bók, Múffur í öll mál, kemur út
á næstu dögum eftir matgæðinginn
Nönnu Rögnvaldardóttur. „Þetta er
lítil bók um múffur af ýmsu tagi, hollar
morgunmúffur, nestismúffur, múffur
með kaffinu, múffur til að hafa í kvöld-
matinn og meira að segja múffur fyrir
hunda og ketti,“ segir Nanna sem fékk
það hlutverk að svara nokkrum spurn-
ingum um eigið heimili.
Stendur þú í einhverjum framkvæmd-
um þessa dagana á heimilinu eða hefur
nýlokið við? Ekki þessa stundina, nei
(nema ég réðist á þvottafjallið um
daginn og straujaði heil ósköp. Það eru
framkvæmdir á minn mælikvarða en
kannski ekki annarra).
Eitthvað slíkt á dagskránni? Já, það er
farið að bráðliggja á að skipta um eld-
húsinnréttingu, hún er að detta í sundur.
Ertu dugleg að breyta og bæta heima
við? Ég er dugleg að bæta við (dóti). En
breyta og bæta heima við … nei.
Er einhver hlutur sem þig langar sér-
staklega mikið í þessa dagana? Nýtt
rúm. En þegar ég loksins kem mér í eld-
húsframkvæmdirnar langar mig ógur-
lega mikið í nýjan stóran ísskáp.
Hver er uppáhaldshluturinn þinn í eld-
húsinu? Steypujárnspannan mín, held
ég. Eða -pönnurnar, ég á nokkur stykki.
Hver er uppáhaldsstaðurinn þinn á
heimilinu? Borðstofan, því þar
skemmti ég mér með
gestum og þar er líka
meirihlutinn af mat-
reiðslubókasafninu.
HEIMA VIÐ | NANNA RÖGNVALDARDÓTTIR MATGÆÐINGUR
SKEMMTI MÉR BEST Í BORÐSTOFUNNI
MATARKONA
Nanna Rögnvald-
ardóttir.
Jakob Lárusson stálsmiður hefur sameinað áhugamál sín, stálsmíði, hönnun og hestamennsku, með því
að smíða hringamél úr ryðfríu stáli upp
í hesta. Hringamélin eru skreytt í anda
goðafræðinnar. „Goðafræðin og Háva-
mál hafa alltaf heillað mig og er Hávamál
grafið í hringina, en hinn hái er Óðinn og
er kvæðið lífsspeki hans,“ segir Jakob.
Árið 2002 útskrifaðist Jakob sem tamn-
ingamaður frá Hólaskóla. Hann segir að
eitthvað hafi smollið saman hjá sér þegar
Eyjólfur Ísólfsson yfirreiðkennari sýndi
bekknum margar gerðir af beislisstöng-
um og mélum og hálfkláraðar stangir sem
hann var að hanna. „Þarna hugsaði ég að
ég sem stálsmiður og hestamaður ætti
að geta hannað og smíðað hringamél og
stangir. Síðan þá hef ég verið með hugann
við þetta.“
Jakob smíðaði mélin eftir uppáhalds
mélunum hans Antons P. Níelssonar,
kennara á Hólum. „Þessi mél reyndust
svo vel að slegist var um þau við tamn-
ingar. Þegar þau slitnuðu spurði Anton
hvort ég gæti ekki smíðað eins mél og
þau gömlu, helst tvö. Það gerði ég en í
leiðinni skreytti ég mélin í anda goða-
fræðinnar. Í dag eru öll hringamél og
stangir flutt inn til landsins. Allt látlaust
í útliti og smíðin misjöfn. Mér finnst að
hringamél, þó aðallega beislisstangir,
ættu að sameina vandað handverk og
gott notagildi,“ segir hann.
Í vetur ætlar Jakob að smíða beislis-
stangir sem hann hefur verið að hanna
undanfarin þrjú ár. Þær verða tileinkaðar
Sleipni, hesti Óðins. „Núna er ég að smíða
tvískipt mél sem verða skreytt með rúna-
letri og hamrinum hans Þórs, Mjölni.“
Jakob hefur smíðað mél eftir pöntun-
um en hann segist ekki geta annað mikilli
eftirspurn. „Ég merki það sem ég smíða
með fangamarkinu mínu, ártali og merki
það líka eigandanum, þannig að hver
hlutur er sérstakur.“ ■ lilja.bjork@365.is
STÁLSMÍÐI OG HESTA-
MENNSKA SAMEINUÐ
HAGLEIKSSMIÐUR Jakob Lárusson hefur um nokkurn tíma smíðað hringa-
mél upp í hesta og skreytt þau í anda goðafræðinnar.
HRINGAMÉL
Einbrotin mél með
höggormum og texta úr
Hávamálum sem Jakob
smíðaði. Honum finnst
að hringamél eigi að
sameina vandað hand-
verk og gott notagildi.
HESTAMAÐUR
Jakob er hér með
stóðhestinn Grunn
frá Grund sem Örn
Stefánsson á.