Fréttablaðið - 13.08.2012, Blaðsíða 54

13. ágúst 2012 MÁNUDAGUR30
MORGUNMATURINN
„Ég fæ mér alltaf graut úr
chiafræjum sem er ekki aleld-
aður heldur helli ég heitu vatni
yfir fræin, stappa banana út í
og borða með kókosmjólk eða
rjóma. Svo fæ ég mér súper-
sjeik með sem er með alls konar
súper-næringarríku stöffi.“
Rakel Húnfjörð, eigandi lífrænu
verslunarinnar Radísu í Hafnarfirði.
„Það hefur staðið lengi til að bjóða
upp á meistaranám í myndlist við
Listaháskólann og það verið í und-
irbúningi í fleiri, fleiri ár,“ segir
Hulda Stefánsdóttir, prófessor
við myndlistardeild Listaháskóla
Íslands. Hún hefur haft umsjón með
þróun MA náms við skólann, en í
haust verður í fyrsta sinn boðið upp
á meistaranám í hönnun og myndlist
hér á landi.
Átta nemendur fengu inngöngu í
námið sem hefst í ágústlok og eru
þrír þeirra af erlendu bergi brotnir.
Að sögn Huldu hafa erlendir nem-
endur sýnt náminu mikinn áhuga
og gildir það sama um BA námið
við skólann.
„Þetta er ótvíræð góð viðbót við
myndlistarnám hér á landi og kemur
sér vel fyrir þá nemendur sem eiga
þess ekki kost að fara út í fram-
haldsnám. Við finnum þó ekki síst
fyrir miklum áhuga erlendis frá og
það kemur manni á óvart því við
vissum ekki við hverju mætti búast
þegar hafist var handa við þróun
námsins.“
Hulda vonar að þessi viðbót við
námið muni setja sinn svip á lista-
senuna á Íslandi og segir skólann nú
betur nýta tækifærin sem hér eru í
boði. „Ísland þykir spennandi staður
að heimsækja og við höfum því átt
auðvelt með að fá til okkar flott fag-
fólk að utan og getum nú nýtt þeirra
þekkingu betur. Námið felur einnig
í sér þátttöku á starfsvettvangi lista
og nemendum býðst þannig tæki-
færi til sérhæfingar í tengslum við
ýmis svið samfélagsins sem og verk-
efni,“ segir hún að lokum. - sm
Erlendir nemendur spenntir
fyrir MA námi í myndlist
SPENNANDI NÁM Hulda Stefánsdóttir
er prófessor við myndlistardeild LHÍ.
Í fyrsta sinn er nú hægt að stunda
meistaranám við myndlist á Íslandi.
FRÉTTABLAÐIÐ/STEFÁN
Skráning stendur enn yfir í
íslenska útgáfu sjónvarpsþáttar-
ins MasterChef og að sögn Þórs
Freyssonar, framleiðanda hjá
Sagafilm, hafa nokkur hundruð
skráningar þegar borist. Lokað
verður fyrir skráningar síðar í
ágúst en tökur hefjast í byrjun
næsta mánaðar.
„Við veljum ákveðinn fjölda úr
hópnum sem fer í „áheyrnarpruf-
ur“ og kokkar fyrir dómnefndina.
Við reiknum með að um 50 til 70
manns verði fyrir valinu. Við vilj-
um auðvitað taka inn sem flesta.“
Starfsfólk Sagafilm hefur þegar
hafist handa við að velja úr hópi
umsækjenda og að sögn Þórs er
farið eftir hæfni umsækjenda í
matreiðslu sem og persónuleg-
um upplýsingum. „Við munum
svo kalla þá umsækjendur í við-
tal sem við höfum áhuga á að taka
inn og ganga úr skugga um að það
sé spennandi á skjánum. Við erum
orðin nokkuð sjóuð í þessu eftir
að hafa valið keppendur í fjórar
þáttaraðir af Idolinu og þáttaröð af
X-Factor og Bandinu hans Bubba.“
Þeir keppendur sem komast í
gegnum áheyrnarprufurnar fara
áfram í svokallaðar vinnubúðir
þar sem þeir þurfa að leysa ákveð-
in verkefni af hendi. Átta keppend-
ur komast áfram í MasterChef-eld-
húsið og þar hefst æsispennandi
útsláttarkeppni þar til einn stend-
ur uppi sem sigurvegari. - sm
Fleiri hundruð umsækj-
endur í MasterChef
VANUR MAÐUR Þór Freysson framleiðandi velur úr hópi umsækjenda í sjónvarps-
þáttinn MasterChef. Tökur á þættinum hefjast í næsta mánuði. FRÉTTABLAÐIÐ/DANÍEL
„Við sigtum aðeins úr umsækjend-
um og svo eru einhver úrföll en ég
býst við að það verði að minnsta
kosti 60 þátttakendur í ár,“ segir
Marteinn Þórsson umsjónarmað-
ur fjögurra daga kvikmyndasmiðj-
unnar Talent Lab á Reykjavík
International Film Festival, RIFF.
Um 90 manns sóttu um að kom-
ast að í ár, sem er rúmlega tvisvar
sinnum fleiri en í fyrra þegar 38
manns sóttu smiðjuna. „Ég hef svo
sem enga skýringu á þessari gríð-
arlegu aukningu en það voru allir
rosalega ánægðir í fyrra og ætli
það hafi ekki bara spurst út,“ segir
Marteinn. Umsækjendur þurftu
ekki að uppfylla neinar kröfur um
kunnáttu eða reynslu heldur segir
Marteinn áhugann vera fyrir öllu.
Heiðursgestir hátíðarinnar verða
á meðal kennara og fá þátttakend-
ur til dæmis færi á að kynna hug-
myndir sínar fyrir framleiðend-
um. „Svona smiðjur eru frábær
vettvangur fyrir fólk til að koma
upp samböndum og kynnast því
hvernig kvikmyndahátíðir ganga
fyrir sig, en slíkar hátíðir skipta
öllu máli til að lifa af í kvikmynda-
bransanum,“ segir hann.
Athygli vekur að aðeins fjórir
umsækjendanna eru Íslending-
ar en aðrir koma hvaðanæva að
úr heiminum. „Í fyrra voru engir
Íslendingar svo þetta er gríðarleg
prósentuaukning síðan þá,“ segir
Marteinn og hlær. „Manni finnst
auðvitað skrítið hversu fáir sækja
um héðan en það er eins og Íslend-
ingarnir fatti ekki hvað þetta er
æðislegt tækifæri. Svo er það nú
oft þannig að maður sér ekki það
sem er næst manni, ætli það sé
ekki tilfellið hér,“ bætir hann við.
- trs
Kvikmyndasmiðja RIFF vinsæl
38 MANNS Í fyrra tóku 38 manns þátt í smiðjunni og aukningin á milli ára því
gríðarleg. MYND/EINKAEIGN
„Margir eru að bjóða í vöfflur
en við ætlum að bjóða upp á tón-
list,“ segir Steindór Grétar Jóns-
son sem ásamt kærustu sinni
Kristjönu Björgu Reynisdóttur
býður gestum og gangandi á raf-
tónleika heima í stofu á menning-
arnótt. „Við sambýlisfólkið erum
miklir aðdáendur danstónlist-
ar og erum að leigja þessa rúm-
góðu íbúð á Laugarveginum svo
við ákváðum að hóa saman öllum
þeim sem við þekkjum og slá upp
tónlistarveislu.“
Stofutónleikarnir hefjast
klukkan tólf að hádegi og mun
gleðin vara fram á kvöld. Að sögn
parsins voru íbúar miðbæjarins
hvattir sérstaklega til að bjóða
heim til sín en þemað er Gakktu
í bæinn á menningarnótt.
„Við hugsum dagskrána þann-
ig að fjölskyldufólk geti komið
framan af. Það verður ekki
kveikt á strobe-ljósum og reyk-
vél sett í gang heldur er óhætt
fyrir fjölskyldufólk að koma. Það
er líka gaman að líta við og koma
inn á heimili þar sem búið er að
setja upp hljóðkerfi,“ segir hann
en veglegt hljóðkerfi frá Óla Ofur
verður á staðnum.
Steindór er plötusnúður og einn
skipuleggjenda Kanilkvölda á
Faktorý. „Ég er einn stofnenda
Color Me Records, sem er lítið
útgáfufyrirtæki í raftónlist, og
allir meðlimir þess spila en ann-
ars eru þetta bara þessir sem
landsmenn kannast við; DJ Mar-
geir, President Bongo úr GusGus
og Logi Pedro úr Retro Stefson
og fleiri sem eru að gera áhuga-
verða hluti,“ segir hann en frum-
samin tónlist verður flutt í bland
við skífuþeytingar plötusnúða.
Kristjana hlustaði ekki á raftón-
list fyrir kynni þeirra en eftir
þau hefur orðið breyting á. „Ég
var heilaþvegin strax og hlusta
ekki á annað núna,“ segir hún
spennt fyrir næstkomandi laug-
ardegi. „Þetta er bara eins og að
fara á Hróarskeldu því maður
hlustar á tónlist allan tímann í
næstum því hálfan sólarhring,“
segir hún.
Þau nýta tækifærið til að kynna
fjölskyldur sínar fyrir raftónlist.
„Við ætlum ekkert að hafa eitt-
hvað hart teknó yfir daginn. Þá
nennir mamma ekkert að mæta.
Við viljum kynna fjölskylduna
fyrir þessu því þau skilja oft ekki
hvað þessi raftónlist er sem við
höldum svo mikið upp á.“
Parið lofar góðu stuði og hellir
upp á kaffi og grillar ef vel viðr-
ar á heimili þeirra í bakhúsi að
Laugavegi 32. hallfridur@frettabladid.is
KRISTJANA BJÖRG REYNISDÓTTIR: EINS OG AÐ FARA Á HRÓARSKELDU
Bjóða heim í raftónlist og
kaffi á menningarnótt
BJÓÐA HEIM Steindór Grétar og Kristjana Björg bjóða gestum og gangandi á raf-
tónleika heim til sín á menningarnótt en meðal tónlistarmanna eru Steindór sjálfur,
DJ Margeir, President Bongo, Logi Pedro og Captain Fufanu. FRÉTTABLAÐIÐ/GVA
Við ætlum ekkert að
hafa eitthvað hart
teknó yfir daginn. Þá nennir
mamma ekki að mæta.
KRISTJANA BJÖRG REYNISDÓTTIR
SKIPULEGGJANDI STOFUTÓNLEIKA