Fréttablaðið - 13.08.2012, Blaðsíða 42

13. ágúst 2012 MÁNUDAGUR18
timamot@frettabladid.is
ALAN SHEARER, fyrrum framherji enska landsliðsins í fótbolta, á afmæli í dag.
„Fótbolti snýst ekki eingöngu um að skora mörk, heldur líka að vinna.“42
Það var fyrir átta árum sléttum sem söng-
konan Björk Guðmundsdóttir flutti lag sitt
Oceania við setningarathöfn Ólympíuleik-
anna í Aþenu. Lagið, sem kom út skömmu
síðar á Medúllu, sjöttu hljóðversskífu Bjark-
ar, var samið sérstaklega fyrir setningarat-
höfnina og var góður rómur gerður að flutn-
ingnum.
Ólympíuleikarnir í Aþenu voru þeir 28. í
röðinni og alls tóku um tíu þúsund íþrótta-
menn frá 202 löndum þátt í leikunum. Rit-
höfundurinn Sjón samdi texta lagsins sem
Björk flutti í fyrsta sinn á setningarathöfninni
þegar íþróttafólkið hafði lokið inngöngu sinni
á Ólympíuleikvanginn. Í Aþenu klæddist söng-
konan gríðarstórum kjól sem stækkaði eftir
því sem á leið lagið og huldi að lokum allan
leikvanginn og íþróttafólkið sem á honum var.
Í blálokin var heimskorti varpað á kjólinn.
Margt var um frægðarfólk á setningarat-
höfninni fyrir utan Björk og íþróttahetjurnar,
meðal annarra þau Julia Roberts, Jack Nic-
holson, Britney Spears og David og Victoria
Beckham.
ÞETTA GERÐIST: 13. ÁGÚST 2004
Björk syngur á Ólympíuleikum
Merkisatburðir
1900 Minnisvarði um Otto Wathne afhjúpaður á Seyðisfirði.
1908 Þýskur jarðfræðingur, Hans Reck, og Sigurður Sumarliða-
son bóndi ganga á Herðubreið á Mývatnsöræfum en hún var
talin ókleif.
1928 Þýska sjóflugvélin Súlan er við landhelgisgæslu og síldar-
leit fyrir norðan á vegum Flugfélags Íslands.
1935 Franska hafrannsóknarskipið Pourquoi pas? heldur frá
Akureyri til Grænlands.
1950 Minningarhátíð um Jón biskup Arason haldin á Hólum í
Hjaltadal.
„Ég læt nú ekki rigninguna aftra mér
í að hóa saman vinum, vandamönn-
um og nokkrum samstarfsmönnum í
garðinn heima hjá mér á Bjarkargöt-
unni á afmælinu. Þetta verður „garden
party“, bara eins og hjá Mezzoforte,“
segir Sigríður Dúna Kristmundsdóttir
háskólaprófessor, en hún heldur upp á
sextugsafmæli sitt í dag. „Ég var orðin
svo vongóð um að þetta góða veður og
mikla sólskin í sumar myndi haldast.
Núna ligg ég hins vegar yfir spánni hjá
norsku veðurspánni og þeirri íslensku
og lítur allt út fyrir smá rigningu, en
ef svo verður þá tjöldum við bara yfir
garðinn. Þegar maður býr á Íslandi
er ekki annað hægt en að taka allar
tegundir af veðri með í reikninginn,“
bætir hún við.
Sigríður Dúna, sem var þingmaður
Kvennalistans á níunda áratugnum,
starfar um þessar mundir sem prófess-
or í mannfræði við Háskóla Íslands, en
til háskólans sneri hún aftur á síðasta
ári eftir að hafa gegnt stöðu sendiherra
Íslands í Suður-Afríku og Noregi. „Ég
er í leyfi frá utanríkisþjónustunni eins
og er, en gekk til liðs við utanríkisþjón-
ustuna með leyfi frá Háskóla Íslands
svo það áttu sér stað hálfgerð skipti. Nú
er ég í mínu gamla prófessorsembætti
og þykir það óskaplega gaman. Þegar
ég gerðist sendiherra hafði ég kennt í
25 ár við Háskólann og það getur verið
svolítið lýjandi að kenna lengi í strik-
lotu. Nú finnst mér ég koma aftur end-
urnýjuð. Ég hef fyllt á tankinn með
nýrri reynslu og þekkingu og þykir
afskaplega gaman að kenna og skrifa,
því helmingurinn af starfi háskólapró-
fessors felst í rannsóknum og ritun.
Undanfarið hef ég verið að birta fræði-
legar greinar og sótt ráðstefnur erlend-
is og þykir mikil gæfa að hafa tækifæri
til að skipta tímabundið um starfsvett-
vang. Það var mér mikils virði að geta
notað þekkingu mína og reynslu í þágu
utanríkisþjónustu Íslands, ekki síst í
Afríku, en utanríkisþjónustan getur
svo auðvitað kallað mig inn aftur ef
hún vill,“ útskýrir Sigríður Dúna.
Þetta er í fyrsta sinn sem prófess-
orinn heldur upp á stórafmæli, en
aðspurð segist hún ekki hafa talið til-
efni til hátíðahalda fyrr en hún næði
þessum fína aldri. „Ég hef fengið að
takast á við mörg verkefni á þessum
áratugum. Ég hef farið víða og safnað
reynslu í sarpinn, reynslu sem hæfir
virðulegum aldri og nýtist mér í þeim
verkefnum sem fram undan eru.“
En skyldi Sigríður Dúna óska sér ein-
hvers í afmælisgjöf fremur en annars?
„Hlýja og gleðibros á vör eru langbestu
gjafirnar,“ segir hún.
kjartan@frettabladid.is
SIGRÍÐUR DÚNA KRISTMUNDSDÓTTIR HÁSKÓLAPRÓFESSOR: ER SEXTUG Í DAG
Hef safnað reynslu í sarpinn
SEXTUG Sigríður Dúna býður vinum og vandamönnum í garðveislu á heimili sínu á Bjarkargötu í tilefni dagsins. FRÉTTABLAÐIÐ/GVA
Kúmentínsla í Viðey verður á morgun,
14. ágúst, og færist fram miðað við síð-
ustu ár vegna mikillar blíðu í sumar.
Þá flykkist fólk í eyjuna með plastpoka
og skæri og sækir sér kúmen fyrir vet-
urinn. „Viðeyjarkúmenið er þekkt fyrir
einstök gæði, það er fíngerðara en búð-
arkúmenið, bragðmeira og sætara. Ein-
staklega gott í baksturinn, að ekki sé
minnst á kaffið!“ segir í fréttatilkynn-
ingu.
Engin formleg leiðsögn er um Viðey
þetta kvöld en aðstoð veitt og aðferð-
in sýnd þeim sem ekki hafa áður tínt
kúmen.
Aukaferðir eru á þriðjudagskvöld-
um frá Skarfabakka klukkan 18.15
og 19.15. Kaffihúsið í Viðeyjarstofu
er opið þessi kvöld og upplagt að njóta
kvöldverðar í eyjunni áður en hafist
er handa við tínsluna. Síðasta ferjan
fer úr Viðey klukkan 22. Gjald í hana
fram og til baka er 1000 krónur fyrir
fullorðna og 500 fyrir börn, sjö til
fimmtán ára, í fylgd fullorðinna en
frítt er fyrir sex ára og yngri.
- gun
Bragðmikið og sætt
KÚMEN Einstaklega gott í baksturinn
að ekki sé minnst á kaffið.
Á menningarnótt, þann 18. ágúst, eru börn á aldrinum 3
til 14 ára hvött til að taka þátt í teiknismiðju sem haldin
verður í Borgarbókasafninu. Myndirnar sem hinir upp-
rennandi listamenn munu töfra fram úr ermum sínum
verða sendar í alþjóðlegu teiknisamkeppnina Colorful
Rights sem er á vegum ítölsku samtakanna Fondazione
Malagutti onlus. Samtökin hafa staðið fyrir þessari
alþjóðlegu teiknisamkeppni frá árinu 2001 og er tilgang-
urinn að vekja athygli á Barnasáttmála Sameinuðu þjóð-
anna og réttindum barna almennt.
Í ár verður sérstök áhersla
lögð á 19. og 20. grein sáttmál-
ans en þær fjalla um vernd
gegn ofbeldi og vanrækslu og
umönnun barna utan fjölskyldu.
Þrátt fyrir þessar áherslur er þátt-
takendum frjálst að teikna það sem
hugur þeirra stendur til. Leiðbein-
endur í smiðjunni verða listamenn-
irnir Erna G. Ólafsdóttir og Kristín
Arngrímsdóttir.
Borgarbókasafn sér um að
senda myndirnar til Fondazione
Malagutti onlus. Tilkynnt verð-
ur um vinningshafa 25.
nóvember í Mantova á
Ítalíu og hlýtur hinn
heppni vikudvöl
fyrir þrjá í Evrópu.
Borgarbókasafn
mun einnig veita
þremur þátt-
takendum
viðurkenn-
ingu fyrir
þátttöku sína
og verða nöfn
þeirra tilkynnt
í byrjun
nóvember.
- hhs
Blása til teikni-
smiðju fyrir börn á
menningarnótt
Elskuleg dóttir okkar, systir,
mágkona og frænka,
ELÍN REYNISDÓTTIR
Sambýlinu Mururima 4, Reykjavík,
lést á Landspítalanum Fossvogi
miðvikudaginn 8. ágúst. Útförin fer fram frá
Fossvogskirkju föstudaginn 17. ágúst
kl. 15.00. Þeim sem vilja minnast hennar er vinsamlegast bent á
Ás Styrktarfélag s. 414-0500.

Reynir Kjartansson María Ólafson
Þuríður Reynisdóttir Ágúst Guðmundsson
Viðar Reynisson Anna Lilja Másdóttir
María Ágústsdóttir Guðrún Viðarsdóttir
Ástkær móðir okkar, tengdamóðir, amma
og langamma,
SESSELJA ÞÓRÐARDÓTTIR
húsmóðir,
frá Sléttubóli í Austur-Landeyjum,
síðast til heimilis Álfheimum 54, Reykjavík,
andaðist á hjúkrunarheimilinu Skógarbæ,
þriðjudaginn 7. ágúst sl. Útför hennar verður frá Fossvogskirkju,
föstudaginn 17. ágúst kl. 13.00.
Guðrún Erlendsdóttir Davíð Janis
Valgerður Erlendsdóttir Stephen J. Carter
Ólafur Þór Erlendsson Hildur Kristjánsdóttir
barnabörn og barnabarnabörn.