Fréttablaðið - 17.09.2012, Blaðsíða 6

17. september 2012 MÁNUDAGUR6
Lyfjaval.is • sími 577 1160
15%
afsláttur SAMFÉLAGSMÁL Kvennaathvarfið stendur nú fyrir tölusölu í fjáröflunarskyni til þess að unnt sé að
flytja starfsemi athvarfsins í stærra og hentugra
húsnæði. Þörfin er brýn enda eru aðeins fjögur
svefnherbergi í núverandi húsnæði athvarfsins þar
sem rúmlega hundrað konur hafa dvalið ár hvert
undanfarin ár, þar af um þriðjungur með eitt eða
fleiri börn með sér.
Jóna Sólveig Elínardóttir, verkefnisstýra átaks-
ins, segir átakið hafa farið vel af stað en auk þess
sem tölusalan er lífleg hafa athvarfinu í vikunni
einnig borist nokkrir myndarlegir fjárstyrkir.
Í vikunni var einnig haft samband við athvarfið
frá Dagþjónustunni Gylfaflöt þar sem fatlað fólk
á aldrinum 16 til 25 ára dvelur til þess að bjóða
börnum sem dvelja í athvarfinu glaðning. „ Börnin
sem fylgja mæðrum sínum í Kvennaathvarfið eru
augasteinar allra sem þar starfa. Einmitt þess
vegna vorum við í skýjunum þegar hringt var frá
Dagþjónustunni Gylfaflöt og okkur sagt að þar
ætti að útbúa tíu brúður sem hefðu augu úr tölum
Kvennaathvarfsins,“ segir Jóna Sólveig.
Megináhersla í starfi Gylfaflatar er á tómstundir
og þar er meðal annars starfrækt listasmiðja sem
gengur undir nafninu Smiðjan en það var þar sem
brúðurnar voru búnar til.
Átak Kvennaathvarfsins „Öll með tölu“ stendur
fram til 23. september. -ss
Ungmenni í Gylfaflöt gefa börnum í Kvennaathvarfinu brúður:
Brúður með þýðingarmikil augu
GEFA BRÚÐUR Unga fólkið í Dagþjónustunni Gylfaflöt hefur
útbúið brúður með augum úr fjáröflunartölum Kvennaathvarfs-
ins. Brúðurnar ætla þau að gefa börnum sem dvelja í athvarfinu.
GÓÐGERÐARMÁL Tæpar 100 millj-
ónir króna söfnuðust í söfnunar-
átakinu á Allra vörum, en því
lauk með söfnunarþætti sem fram
fór í beinni útsendingu á Rás 2 og
í Sjónvarpinu á laugardagskvöld.
Í tilkynningu frá aðstand endum
átaksins kemur fram að upp hæðin
sem safnaðist hafi bæði verið
fengin með frjálsum framlögum
og sölu á varaglossi.
Fjármununum var safnað fyrir
byggingu stuðningsmiðstöðvar
fyrir langveik börn með ólækn-
andi sjúkdóma. - óká
Átakinu lauk um helgina:
Söfnuðu nærri
100 milljónum
FJÁRMÁL Þegar er hafin frumvarps-
gerð innan ráðuneyta um hvernig
auðlindastefna stjórnvalda verður
innleidd. Stefnan liggur nú fyrir en
Auðlindastefnunefnd skilar loka-
skýrslu sinni í dag. Horfið er frá
stofnun Auðlindasjóðs, tíma bundið,
en í þess stað verður stofnaður
Auðlindareikningur sem hefur með
höndum að ráðstafa auðlindaarði á
sýnilegan hátt.
Vinna Auðlindanefndar hefur frá
skipun snúist um hvernig hand hafar
sérleyfa eru valdir, til hve langs
tíma leyfin gilda og hvernig mögu-
legum umframarði, auðlindarentu,
er skipt milli sérleyfishafa og þjóð-
arinnar. Búið er að byggja upp rann-
sóknir og ráðgjöf vegna ákvarðana
um verndun og nýtingu auðlinda
auk eftirlits.
Samkvæmt heimildum Frétta-
blaðsins er unnið að stofnun mið-
stöðvar auðlindaumsýslu í fjár-
málaráðuneytinu, en það er gerlegt
án lagasetningar, og er innan ráðu-
neytisins unnið að frumvarpi um
fjárreiðulög þar sem auðlindareikn-
ingur kemur fram.
Í atvinnuvega- og nýsköpunar-
ráðuneytinu er hafin vinna við að
skoða nýtingartíma orku- og vatns-
auðlindarinnar. Auðlindastefnan
snertir beint lengd nýtingarsamn-
inga í nýjum lögum um stjórn fisk-
veiða, svo dæmi sé tekið. Er ekki
annað að skilja en mælt sé með
styttri nýtingarsamningum en rætt
hefur verið um til þessa.
Í skýrslunni, sem í raun markar
auðlindastefnu stjórnvalda, er ekki
gert ráð fyrir sjóðssöfnun í Auð-
lindasjóð, heldur að arðinum verði
strax ráðstafað með sýni legum
hætti í verkefni og málaflokka af
fjárveitingavaldinu. Unninn verður
auðlindareikningur þar sem birtar
verða tekjur þjóðarinnar af auð-
lindum sínum, sem eru í eigu eða í
umsjón ríkisins. Gert er ráð fyrir að
auðlindareikningurinn verði hluti
ríkisreiknings og fjárlaga og birtur
sérstaklega með fjárlagafrumvarpi
hvers árs ásamt greinargerð.
Auðlindasjóðurinn, sem lengi
hefur verið í umræðunni, gæti þó
komið til ef arður myndast af auð-
lind eins og olíu á Dreka svæðinu.
Þá er mælt með að frumkvæði verði
haft að stofnun sjóðs sem farið yrði
með í anda líkra erlendra sjóða. Er
norski olíusjóðurinn sérstaklega
nefndur.
Auðlindastefnunefnd ályktar að
ákvæði um ævarandi þjóðareign á
auðlindum verði sett í stjórnarskrá
Íslands. svavar@frettabladid.is
Þegar er unnið út frá
nýrri auðlindastefnu
Auðlindastefna stjórnvalda liggur fyrir með lokaskilum Auðlindastefnunefndar.
Skýrslan verður kynnt í dag. Þegar er unnið að frumvarpsgerð innan ráðuneyt-
anna í anda hennar. Horfið er frá stofnun sérstaks auðlindasjóðs í bili.
Nefndin bendir á að í ljósi þess að auðlindaarður verður til víða um land sé
sjálfsagt og eðlilegt að tryggja að hluti auðlindaarðsins renni til verkefna í
þessum samfélögum, ekki síst til eflingar innviða og fjölbreyttara atvinnulífs.
Með þeim hætti getur auðlindaarðurinn orðið undirstaða öflugri byggða og
atvinnulífs um land allt. Slík ráðstöfun er einnig mikilvæg til að tryggja sátt
um fyrirkomulag auðlindamála.
Arður til að efla innviði og atvinnulíf
FUNDUR AUÐLINDASTEFNUNEFNDAR Í ÁGÚST Í FYRRA Skýrsla auðlindastefnunefndar verður kynnt í dag, mánudag. Þegar hefur
verið hrint í framkvæmd ýmsum tilmælum úr skýrslunni. FRÉTTABLAÐIÐ/GVA
LÖGREGLUMÁL Lögreglan í Vestmannaeyjum rannsakar
nú þjófnað og íkveikju í íbúð í Vestmannaeyjum. Enginn
hefur verið handtekinn vegna málsins.
Lögreglan fékk tilkynningu um eld í íbúð við Vest-
mannabraut um klukkan 6.30 á laugardagsmorgun.
Mikill hiti og reykur var í íbúðinni þegar slökkvilið
og lögregla komu á staðinn, en íbúðin var mannlaus.
Vel gekk að slökkva eldinn og reykræsta íbúðina, en
miklar skemmdir urðu af völdum reyks og sóts.
Að sögn lögreglu er ljóst að brotist var inn í íbúðina
og 46 tommu sjónvarpi stolið. Þá kom eldurinn upp á
tveimur stöðum sem bendir eindregið til íkveikju.
Lögreglan biður þá sem gætu haft einhverjar upp-
lýsingar um málið eða urðu varir við mannaferðir á
þessum tíma um að hafa samband í síma 481-1665 eða
480-1010. - þeb
Stóru sjónvarpstæki stolið úr íbúð í Vestmannaeyjum og svo kveikt í:
Rannsaka íkveikju og þjófnað
SÓFINN BORINN ÚT Slökkviliðsmenn báru muni út úr íbúðinni
eftir að eldurinn hafði verið slökktur. FRÉTTABLAÐIÐ/ÓSKAR
KJÖRKASSINN
Hefur þú keypt rafbók?
JÁ 14,2%
NEI 85,8%
SPURNING DAGSINS Í DAG:
Finnst þér launahækkun
forstjóra Landspítalans rétt-
lætanleg?
Segðu þína skoðun á Vísir.is.