Fréttablaðið - 24.10.2012, Blaðsíða 8
24. október 2012 MIÐVIKUDAGUR8
LÍBANON Ró færðist yfir Líbanon
í gær eftir nokkurra daga átök
stjórnarhersins við mótmælendur,
sem saka stjórnina um þjónkun við
stjórn Bashars al Assad í Sýrlandi.
Átökin brutust út eftir að yfir-
maður í leyniþjónustu Líbanons,
Wissam al Hassan herforingi, var
myrtur á föstudag. Hinn myrti
hafði verið harður andstæðingur
áhrifa Sýrlandsstjórnar í Líbanon.
Grunur leikur á að Sýrlandsstjórn
hafi staðið á bak við morðið.
Lögreglan í Líbanon segir að
ýtarleg rannsókn hafi verið gerð
á morðinu, en fátt hefur komið út
úr henni um sökudólgana. Hez-
bollah-samtökin, sem hafa notið
stuðnings frá Sýrlandsstjórn, eru
andvíg hugmyndum um að láta
hlutlausa erlenda aðila rannsaka
málið.
Mikil spenna er áfram í Líb-
anon vegna átakanna í Sýrlandi,
enda er Líbanon viðkvæmast allra
nágrannaríkja Sýrlands fyrir því
að átökin þar flæði út fyrir landa-
mærin.
Harðvítug borgarastyrjöld
geisaði í Líbanon á árunum 1975
til 1990, þar sem kristnir íbúar
börðust við múslíma, og súnní-
múslímar börðust við sjía-mús-
líma. Sýrlendingar blönduðu sér
fljótt inn í átökin og hertóku Líb-
anon árið 1976, en hernámi Sýr-
lands lauk ekki fyrr en 2005, eða
fimmtán árum eftir að borgara-
styrjöldinni lauk.
Borgarastyrjöldin kostaði um
120 þúsund manns lífið og um
milljón manns flúði land.
Líbanon hefur að mestu staðið
utan við uppreisnarbylgjuna í
arabaríkjum undanfarin misseri,
líklega vegna þess að stjórnin í
Líbanon stendur það veikum fótum
fyrir.
Stjórnin lýsti auk þess yfir
stuðningi við uppreisnarmenn í
öðrum löndum, en staða hennar
versnaði hins vegar mjög heima
fyrir eftir að hún tók afstöðu gegn
uppreisnarmönnum í Sýrlandi.
Íran hefur lengi verið sterkasti
bandamaður stjórnar Líbanons, en
stuðningur Sýrlands hefur einnig
verið mikilvægur, enda þarf að
fara í gegnum Sýrland til að flytja
vopn og annan búnað frá Íran til
Líbanons.
Átökin í Sýrlandi hafa nú kostað
meira en 30 þúsund manns lífið.
Þau hófust snemma á síðasta ári
með friðsamlegum mótmælum
gegn stjórn Bashars al Assad for-
seta. Stjórnin tók af hörku á mót-
mælunum og smám saman snerust
þau upp í borgarastyrjöld, sem
orðið hefur æ harðvítugri með
hverjum mánuðinum sem líður.
gudsteinn@frettabladid.is
Átökum að
linna í Beirút
Ró færist yfir í Líbanon eftir nokkurra daga átök.
Stjórnin stendur veikt vegna stuðnings hennar við
stjórn Sýrlandsforseta. Lítið þarf til að upp úr sjóði á
ný, enda er valdajafnvægið þar mjög brothætt.
Stjórnskipan Líbanons tekur mið af því að í landinu eru alls átján trúarhópar
sem margir hafa átt í hörðum átökum innbyrðis undanfarna áratugi.
Reynt er að tryggja öllum þessum hópum sanngjarna hlutdeild í stjórn
landsins.
Æðstu embættum er meðal annars skipt þannig að forsetinn er kristinn
maroníti, forsætisráðherrann er súnní-múslími, þingforsetinn er sjía-mús-
lími, en bæði aðstoðarforsætisráðherra og varaforseti þingsins eru frá grísku
rétttrúnaðarkirkjunni.
Viðkvæmt jafnvægi
GRÁIR FYRIR JÁRNUM Stjórnarherinn hefur verið áberandi á götum Beirút síðustu
daga. NORDICPHOTOS/AFP
NEYTENDUR Árlega slasast um 180
þúsund börn innan Evrópusam-
bandsins af völdum aðkeyptra vara.
Nú hefur í fyrsta sinn verið opnað
alþjóðlegt vefsetur á vegum OECD
sem tekur saman í sameiginlegan
gagnagrunn innkallaðar vörur á
heimsmarkaði og ástæður innköll-
unarinnar.
Neytendastofa greinir frá því að
kostnaður á heimsvísu vegna slysa
og dauðsfalla af völdum vöru sé
stjarnfræðilega hár, eða rúmlega
123 billjónir íslenskra króna.
Samkvæmt upplýsingum um
Rapex-skýrslu fyrir árið 2011 eru
leikföng og fatnaður algengustu
vörurnar sem eru innkallaðar. Upp-
runaland vöru er í meira en helm-
ingi tilvika Kína.
Vefsetrið var opnað í síðustu
viku og þar geta
neytendur, inn-
flytjendur og
dreifingaraðilar
séð á einum stað
allar vörur sem
hafa reynst vera
hættulegar og
verið afturkallaðar
af markaði.
Til að byrja með
eru skráðar vörur einungis frá
Bandaríkjunum, Kanada, Evrópu og
Ástralíu, en á næstu mánuðum munu
fleiri lönd skrá vörur sem þar hafa
verið inn kallaðar. Slóð vefsíðunnar
er http://globalrecalls.oecd.
org/. - sv
Nýtt alþjóðlegt vefsetur á vegum OECD um innkallaðar vörur af heimsmarkaði:
Um 180.000 börn slasast á ári
INNKALLAÐUR LEIK-
FANGABÍLL Algengustu
vörurnar sem eru inn-
kallaðar í heiminum
eru leikföng og meira
en helmingur þeirra
er framleiddur í Kína.
SAMFÉLAGSMÁL Hópur á Vestfjörð-
um hefur ákveðið að stofna þar
formlegt femínistafélag. Stofn-
fundur félagsins verður haldinn í
Edinborgarhúsinu á Ísafirði í dag.
Ólöf Dómhildur Jóhannsdótt-
ir er ein þeirra sem standa fyrir
stofnun félagsins og segir hún
í samtali við Bæjarins besta að
markmiðið sé að efla jafnréttis-
vitund á svæðinu.
Femínistafélag Vestfjarða mun
reyna að tengja starf sitt Femín-
istafélagi Íslands. Fundurinn
hefst klukkan 20. - sv
Stofnfundur á Ísafirði:
Femínistafélag
á Vestfjörðum
Á UNDAN STRAUMNUM Múslímar
ganga niður Ljósfjallið við Mekka í
Sádi-Arabíu. Innan fárra daga fara
milljónir pílagríma þarna um.
NORDICPHOTOS/AFP
Sprotaþingið (Seed Forum Iceland) er einn mikilvægasti vettvangur
íslenskra sprotafyrirtækja til að kynna sig fyrir fjárfestum og tengjast
athafnalífi landsins. Yfir hundrað fyrirtæki hafa nýtt sér þetta
tækifæri frá 2005 þegar fyrsta þingið var haldið.
Með stuðningi sínum vill Arion banki undirstrika mikilvægi verðmæta-
og nýsköpunar fyrir íslenskt samfélag.
Dagskrá
08.30 Kaffi og léttar veitingar
09.00 Fundarstjóri: Dr. Eyþór Ívar Jónsson, Seed Forum Iceland
09.10 Höskuldur H. Ólafsson, forstjóri Arion banka: Fjárfestingar
í sprotafyrirtækjum
09.20 Geir Ove Kjesbu, CEO Investinor: Investinor – An early
stage investor
09.35 Robin Rowland Hill, Beer and Partners: Post Global Meltdown
09.50 Brian Singerman, Founders Fund: Investing for passion
over pretense
10.15 Kaffihlé
10.30 Fjárfestakynningar íslenskra sprotafyrirtækja
11.55 Lokaorð: Steinar Korsmo, framkvæmdastjóri Seed Forum
International
12.00 Léttur hádegisverður
Skráning á www.seedforum.is
SPROTAÞING
ÍSLANDS
Arion banka, Borgartúni 19, föstudaginn 26. október