Fréttablaðið - 24.10.2012, Síða 30

| 8 24. október 2012 | miðvikudagur
GJALDMIÐILSMÁL
Magnús Þorlákur Lúðvíksson
magnusl@frettabladid.is
Talsverður stuðningur er meðal ríkja Evr-
ópusambandsins (ESB) við hugmyndir um
sérstök evru-fjárlög til að vernda evru-
samstarfið fyrir áhrifum ósamhverfra
hagsveiflna í evruríkjunum. Fjallað var
um hugmyndirnar nýverið á fréttaveitunni
EurActiv.com sem fjallar um málefni ESB.
Samkvæmt frétt EurActiv voru hug-
myndirnar fyrst settar fram í minnisblaði
frá skrifstofu Hermans van Rompuy, for-
seta leiðtogaráðs ESB, frá því í byrjun síð-
asta mánaðar. Var minnisblaðið skrifað í
tengslum við vinnu innan ESB um hvernig
styrkja megi evrusamstarfið með það
fyrir augum að koma í veg fyrir að skulda-
kreppan á svæðinu geti endurtekið sig.
Hug myndirnar eru sagðar njóta stuðnings
Þýskalands og Frakklands auk fleiri ríkja.
Samkvæmt hugmyndunum yrðu fjár-
lögin hugsuð til þess að gera ESB mögulegt
að bregðast við fjármála- og efnahagslegum
áföllum í einstökum evruríkjum. Þá yrðu
þau notuð til mótvægisaðgerða í ríkjum í
kreppu. Hugmyndirnar hafa þó enn ekki
verið útfærðar af neinni nákvæmni. Þá er
málið pólitískt viðkvæmt þar sem í því felst
að evruríkin myndu deila ríkisfjármálavaldi
sínu upp að vissu marki auk þess sem það
kallar á flutning fjármuna milli evruríkja.
Seðlabanki Íslands kynnti í síðasta mán-
uði ýtarlega skýrslu um valkosti Íslands í
gjaldmiðilsmálum. Að mati bankans koma
tveir valkostir helst til greina í þeim efnum;
áframhaldandi notkun krónunnar með
vissum umbótum á umgjörð hennar og upp-
taka evru í kjölfar aðildar að ESB.
Verði hugmyndirnar um evrufjárlög til
sveiflujöfnunar á evrusvæðinu að veruleika
hefði það áhrif á hina hagfræðilegu spurn-
ingu hvort skynsamlegt sé að taka upp evru.
Þegar litið er til þess hvort ríki hafa gagn af
því að ganga í myntbandalag er mikilvægt
að bera saman hagsveiflu ríkisins og ríkja
bandalagsins.
Sé hagsveiflan eins er kostnaður afsals
sjálfstæðrar peningastefnu lítill þar sem
hin sameiginlega peningastefna kemur ein-
faldlega í staðinn og mildar sveiflur. Ef hag-
sveiflan er hins vegar ólík getur sameigin-
lega peningastefnan þvert á móti magnað
sveiflur.
Íslenska hagsveiflan hefur sögulega
haft lítil tengsl við hagsveiflu evruríkja.
Bendir það til þess að kostnaður Íslands
við afsal sjálfstæðrar peningastefnu væri
mikill. Verði hins vegar sett á fót einhvers
konar evrufjárlög með það að markmiði að
bregðast við ósamhverfum hagsveiflum
gæti sá kostnaður minnkað sem slagkrafti
fjárlaganna nemur.
Hugmyndirnar um evrufjárlög eru þó
enn ekkert nema einmitt hugmyndir. Þá
eru evru fjárlög fráleitt eina hug myndin
sem sett hefur verið fram um breytingar
á umgjörð evrusamstarfsins enda útbreidd
skoðun að geri þurfi umtalsverðar
breytingar á því í kjölfar skulda kreppunnar
á evrusvæðinu.
Skoða evrufjárlög til sveiflujöfnunar
Hugmyndir um sameiginleg evrufjárlög í einhverri mynd eru sagðar njóta stuðnings fjölda ríkja Evrópusam-
bandsins. Fjárlögin yrðu notuð til sveiflujöfnunar í einstökum evruríkjum en eru þó enn sem komið er að mestu
óútfærð. Verði hugmyndirnar að veruleika gætu þær haft áhrif á spurninguna hvort evran henti Íslandi.
LEIÐTOGARÁÐ EVRÓPU Herman van Rompuy (lengst til vinstri í neðri röð), forseti leiðtogaráðs Evrópu, hefur viðrað hugmyndir um svokölluð evrufjárlög til sveiflu-
jöfnunar í hagkerfum evruríkjanna. FRÉTTABLAÐIÐ/AP
VIÐ KOMUM ÞVÍ TIL SKILA
Dreifikerfi Póstsins er það víðtækasta
á landinu. Fimm daga vikunnar fá 99%
heimila og fyrirtækja afhentar sendingar
sem Pósturinn dreifir. Stór bílafloti og hópur
reyndra starfsmanna gerir þér kleift að velja
lausnir sem henta þörfum þíns fyrirtækis.
Við getum sent nánast hvað sem er, bæði
stórt og lítið – hratt eða á hagkvæman hátt.
Vörudreifing Vöruhýsing
Sendla-
þjónusta

Fyrirtækja-
þjónusta

Auglýsinga-
póstur

Viðskipta-
pakkar til
útlanda
www.postur.is
VÍÐTÆKASTA
DREIFIKERFIÐ
GEFUR VÍÐTÆKAR
LAUSNIR