Fréttablaðið - 24.10.2012, Blaðsíða 23
HÚSNÆÐISLÁN
MIÐVIKUDAGUR 24. OKTÓBER 2012 Kynningarblað Óverðtryggð lán, uppgreiðslukerfi, fastir vextir, blönduð lán.
Ráðgjafafyrirtækið Sparnað-ur hefur sett sér það mark-mið að hjálpa fólki til að ná
árangri í fjármálum. Fyrirtækið,
sem var stofnað árið 2002, hefur
alla tíð farið nýjar leiðir í ráðgjöf
og veitt aðstoð við niðurgreiðslu
skulda og aðstoðað um leið við
aukna eignamyndun og fjárhags-
legt öryggi. Gestur B. Gestsson,
framkvæmdastjóri Sparnaðar,
segir starfsmenn fyrirtækisins
vinna mikið eftir hugmyndafræði
stjórnarformanns þess, Ingólfs
H. Ingólfssonar, varðandi upp-
greiðslu á lánum. „Ingólfur þróaði
kerfi sem við höfum aðgang að þar
sem öll lán viðkomandi aðila eru
sett inn og kerfið gefur leiðbein-
ingar um hvernig best sé að greiða
niður lánin miðað við forsend-
ur lánanna með smá viðbótar-
greiðslu á mánuði. Það er nefni-
lega ekki sama í hvaða röð lán eru
greidd niður og hvenær greiðsla á
sér stað.“
Fjöldi þakklátra viðskiptavina
Að sögn Gests hefur Sparnaður
tekið þessa hugsun aðeins lengra
með því að bjóða viðskipta vinum
sínum upp á að sjá um þessar
greiðslur fyrir þá. „Við höfum
hannað kerfi sem vaktar viðkom-
andi lán þannig að allar greiðslur
fari inn á rétt lán og í réttri röð.“
Hann segir hugmyndafræðina
byggja á því að greiða viðbótar-
greiðslu inn á það lán sem valið
er og svo er sömu greiðslubyrði
haldið áfram þó svo að lán sé upp-
greitt en viðbótin fer inn á næsta
lán og svo koll af kolli. „Hins vegar
er ekki nauðsynlegt að greiða við-
bótargreiðslu inn á fyrsta lánið
heldur er hægt að stilla þessu upp
í kerfið og sjá hvaða lán er best
að greiða niður eftir að stysta
lánið hefur verið greitt að fullu.
Þannig er upphæðin nýtt sem var
greidd mánaðarlega af láninu sem
greiddist niður til þess að greiða
aukalega inn á næsta lán.“
Gestur segir í raun lítið mál að
gera þetta en með uppgreiðslu-
þjónustu Sparnaðar, þar sem
starfsmenn fyrirtækisins sjá um
málið fyrir viðskiptavinina, verði
þetta að raunveruleika eins og
fjöldi þakklátra viðskiptavina
hefur upplifað undanfarin ár.
Hann segir meginregluna vera
þá að velja fyrst lán til greiðslu
sem beri hærri vexti og eru til
skemmri tíma. Þegar þau eru upp-
greidd fari næstu greiðslur inn á
íbúðarlánin sem eru í flestum til-
fellum til langs tíma og bera lægri
vexti.
„Bankarnir hafa komið með
svipaðar lausnir á eftir okkur en
þar byggir lausnin á því að greiða
ÞEIRRA lán þannig að ekki er víst
að hagkvæmasta leiðin sé endi-
lega valin fyrir viðskiptavininn.
Við mælum eindregið með að við-
skiptavinir komi til okkar sér að
kostnaðarlausu og fái óháða ráð-
gjöf hjá okkur.“
Umtalsverður sparnaður
Gestur bendir á að í sumum til-
fellum geti viðskiptavinir ekki
bætt við aukagreiðslum en þá
er hægt að reikna út að viðhalda
greiðslubyrðinni þannig að þegar
ákveðið lán er uppgreitt þá hafi
ráðgjafar hjá Sparnaði samband
varðandi það að gengið sé frá því
að sambærileg greiðsla fari inn á
næsta lán.
„Því miður þá er það þó þannig
hjá sumum að þeir eiga í erfið-
leikum með að greiða af núver-
andi lánum en við hjá Sparnaði
bjóðum upp á sérfræðiaðstoð þar
sem vandamálin eru greind og
viðskiptavini hjálpað með hvernig
bera skuli sig að við samningaum-
leitanir við lánardrottna.“
Gestur segir að f lest skuldug
heimili landsins ættu að geta
sparað háar fjárhæðir með því að
nota uppgreiðslukerfi Sparnaðar
og um leið stytt greiðslutímann
um mörg ár.
„Sparnaðurinn er umtals-
verður hjá mörgum heimilum
og getur jafnvel numið tugum
milljóna króna.
Við hvetjum alla til að mæta til
okkar í ókeypis viðtal og fá ráð-
gjafa okkar til að meta hvaða leiðir
eru í boði.“
Sparnaður hefur einnig verið
leiðandi aðili í að reikna út áhrif
dóma um gengislán fyrir einstak-
linga. Rúmlega 45.000 aðilar hafa
niðurhalað reikniverki Sparnaðar
á skömmum tíma, auk þess sem
Sparnaður hefur einnig boðið þá
þjónustu að reikna út fyrir ein-
staklinga og fyrirtæki hver áhrifin
kunni að vera.
Eignamyndun með hjálp Sparnaðar
Uppgreiðslukerfi Sparnaðar hefur vakið mikla athygli undanfarin ár. Fjölmargir einstaklingar og fjölskyldur nýta sér kerfið með
góðum árangri. Sparnaður veitir óháða ráðgjöf varðandi endurgreiðslur lána og sér um greiðslur fyrir viðskiptavini.
„Það er nefnilega ekki sama í hvaða röð lán eru greidd niður og hvenær greiðsla á sér stað,“ segir Gestur B. Gestsson, framkvæmdastjóri Sparnaðar. MYND/GVA