Fréttablaðið - 24.10.2012, Blaðsíða 29

7 | 24. október 2012 | miðvikudagur
Nánari upplýsingar á www.xd.is. Sjálfstæðisflokkurinn
Allt sjálfstæðisfólk er hvatt til þess að taka þátt í opnu
fundunum og hafa þannig áhrif á stefnu flokksins!
Opnir fundir
málefnanefnda
Laugardagur 27. október í Valhöll
Utanríkismálanefnd
Velferðarnefnd
Atvinnuveganefnd
Fjárlaganefnd
Laugardagur 3. nóvember í Valhöll
Efnahags- og viðskiptanefnd
Umhverfis- og samgöngunefnd
Allsherjar- og menntamálanefnd
Stjórnskipunar- og eftirlitsnefnd
Fundirnir hefjast kl. 11:00 og þeim lýkur kl.15:00 með beinni útsendingu
á xd.is þar sem formenn nefnda fara yfir helstu niðurstöður dagsins.
IÐNAÐUR | FRÉTTAVIÐTAL
Magnús Þorlákur Lúðvíksson
magnusl@frettabladid.is
Hampiðjan er sennilega nátengd
sjávarútvegi og framleiðslu
veiðar færa í huga flestra Íslend-
inga. Fyrirtækið var enda stofn-
að árið 1934 af íslenskum sjó-
mönnum og hefur séð fiskiskipa-
flotanum fyrir netum, köðlum og
öðrum veiðarfærum síðan. Á átt-
unda áratugnum fór Hampiðjan
í útrás með kjarnastarfsemi sína
og á síðustu tuttugu árum hefur
fyrirtækið svo haslað sér völl á
ýmsum nýjum mörkuðum.
Nú til dags hefur Hampiðjan
starfsstöðvar í átta löndum og
kemur langstærstur hluti tekna
fyrirtækisins erlendis frá. Mest
öll framleiðsla þess fer fram í
Litháen en höfuðstöðvarnar eru
hér á landi. Helsti vaxtar broddur
þess nú er sala á ýmiss konar
köplum, taumum og stroffum til
olíufyrirtækja. Þá selur fyrir-
tækið vörur til ýmissa annarra
geira, svo sem til snekkjufram-
leiðenda, herja og jafnvel kvik-
myndaframleiðslufyrirtækja.
Markaðurinn ræddi við þá Inga
Þórðarson, sölustjóra reipa og
neta hjá Hampiðjunni, og Davíð
G. Waage, sem hefur umsjón með
sölu til olíufyrirtækja, um starf-
semi fyrirtækisins.
ÖRT VAXANDI MARKAÐIR
„Við eigum nú í viðskiptum við
miklu fleiri geira en bara sjávar-
útveg þótt hann sé sögulega
okkar mikilvægasti geiri. Mjög
stór hluti af framleiðslunni er
núna fyrir annan iðnað og sá geiri
sem er nú veigamestur fyrir utan
sjávarútveg er olíuiðnaðurinn,“
segir Davíð og heldur áfram: „Í
raun eru þetta tveir ólíkir geirar.
Annars vegar erum við að selja
til olíufyrirtækja sem vinna olíu
af hafsbotni og hins vegar til olíu-
leitarfyrirtækja.“
Davíð segir olíufyrirtækin nota
kapla og tauma Hampiðjunnar
til ýmissa verka. „Þeir stærstu
eru notaðir til að lyfta olíudælu-
búnaði frá kannski verksmiðju í
Noregi á skip og svo niður á hafs-
botn. Þessar vélar eru á stærð við
þriggja hæða hús og olíu fyrir-
tækin setja upp litlar borgir af
þeim á hafsbotni. Þetta er ekki
hægt að gera öðruvísi en að nota
ofurefnin sem okkar kaplar eru
búnir til úr. Þessar dælur eru ein-
faldlega það þungar að kranar og
skip ráða ekki við þær ella þegar
á mikið dýpi er komið því langir
stálvírar verða of þungir. Okkar
stroffur eru þar að auki mun
öruggari þar sem þær eru mjúkar
og auðveldara að vinna með þær.
Þá er miklu fljótlegra að koma
taumunum fyrir auk þess sem
það er engin hætta á að þeir eyði-
leggi annan búnað eins og stál-
vírarnir geta gert,“ segir Davíð
og heldur áfram: „Olíuleitar-
skip nota svo vörur frá okkur til
að draga á eftir sér stórar loft-
byssur og allt að 20 kílómetra
langa hlustunarkapla en þessi
tæki eru notuð til að greina berg
á hafsbotni. Svona skip voru til
dæmis á Drekasvæðinu í sumar
og öllu haldið saman með vörum
frá okkur.“
Hampiðjan er að sögn Davíðs
orðinn stærsti birgir olíuleitar-
fyrirtækja fyrir tauma og kapla.
Þá segir Davíð flestar spár gera
ráð fyrir því að markaðurinn
nærri tvöfaldist á næstu árum
sem geti haft mikla þýðingu fyrir
Hampiðjuna.
STEFNA Á FREKARI LANDVINNINGA
Hampiðjan hefur vaxið talsvert á
síðustu árum. Tekjur fyrirtækis-
ins námu tæpum sjö milljörðum
króna á síðasta ári og var hagn-
aður þess tæpar 1.200 milljónir.
Til samanburðar voru tekjur þess
ríflega þrír milljarðar fyrir tíu
árum og hagnaður 175 milljónir.
Að sögn Davíðs hefur vöxtur-
inn aðallega orðið á nýjum mörk-
uðum. Fyrir utan sjávarútveg og
olíuiðnað selur fyrirtækið nú til
fjölda annarra geira. Til dæmis
má nefna að Hampiðjan selur
kaðla og kapla til bæði norska
og bandaríska hersins og til kvik-
myndaframleiðslufyrirtækja.
„Okkar taumar eru notaðir við
leikmyndagerð svo sem við gerð
Hringadróttinssögu-myndanna
og nú Hobbita-myndanna sem
verið er að gera á Nýja-Sjálandi.
Fyrr á þessu ári var greint frá
því að Hobbitanum yrði skipt í
þrjár myndir í stað tveggja eins
og áður hafði verið stefnt að. Við
fengum að vita það nokkru áður
en það varð opinbert þar sem
þeir nota vörur frá okkur við
kvikmyndagerðina,“ segir Ingi
Þórðarson.
Ingi segir vaxtarmöguleika
Hampiðjunnar enn mjög mikla
þar sem nýir markaðir séu sífellt
að opnast fyrirtækinu. „Málm-
vírar eru notaðir ótrúlega víða en
okkar vörur eru yfirleitt prakt-
ískari. Okkar áskorun er að upp-
götva markaði þar sem vörurnar
geta komið að gagni og kynna
síðan eiginleika ofurefna og
möguleika okkar vara,“ segir Ingi
og heldur áfram: „Við erum oft
að fræða fyrirtæki um ofurefni
en sú staðreynd að margir eru
ekki meðvitaðir um þau bendir
til þess að við höfum enn mikil
tækifæri til að selja okkar vörur á
nýjum mörkuðum. Við lítum í því
samhengi til skógarhöggs, námu-
vinnslu, uppsetningar vindmylla
á hafi úti og sjávarfallavirkjana
svo eitthvað sé nefnt.“
Ingi segir Hampiðjuna hafa
metnaðarfullar áætlanir um að
láta að sér kveða á þessum mörk-
uðum og fleirum. „Það sést til
dæmis á nýjustu véla kaupum
okkar en nýverið keyptum við
stærstu vél sem hefur verið
framleidd fyrir okkar geira. Með
henni getum við framleitt sver-
ustu kaðla og sterkustu kapla sem
til eru í heiminum,“ segir Ingi og
bætir við að lokum: „En það má
ekki gleyma því að uppruni okkar
er í sjávarútvegi og honum hyggj-
umst við sinna áfram. Hampiðj-
an var stofnuð árið 1934 af skip-
stjórum og vélstjórum og stjórnin
okkar er enn þá að hluta til skipuð
afkomendum þessara manna. Við
þurfum sífellt að vera á tánum til
að halda okkar stöðu þar.“
Mikil tækifæri í
fram leiðslu ofurkapla
Hampiðjan hefur á síðustu árum haslað sér völl í fjölda annarra
geira en sjávar útvegi. Fyrirtækið selur mikið til olíufyrirtækja.
DAVÍÐ G. WAAGE Stærstur hluti framleiðslu Hampiðjunnar fer fram í Litháen en þó eru
enn framleidd veiðarfæri fyrir á annan milljarð króna á Íslandi á ári hverju.
FRÉTTABLAÐIÐ/ANTON
Margar vörur Hampiðjunnar, þar af stærstu og sterkustu
kaplar og taumar hennar, eru framleiddar úr svoköll-
uðum ofurefnum. Ofurefni eru búin til með framleiðslu-
ferlum sem endurraða sameindum hefðbundinna
plastefna í langar samfelldar keðjur sem eykur styrk
og þol efnanna. Það þekktasta er sennilega efni sem
nefnist kevlar og var lengi notað í skotheld vesti. Kevlar
er unnið úr næloni en Hampiðjan notar aðallega skylt
efni sem unnið er úr pólýetýleni.
Ingi Þórðarson segir að Hampiðjan hafi á áttunda
áratugnum farið að keppa við framleiðendur veiðarfæra
á Spáni og á Portúgal sem hafi í sumum tilfellum
getað undirboðið fyrirtækið. „Við höfum því alltaf lagt
mikið upp úr gæðum. Þar af leiðandi urðum við fyrsti
veiðarfæraframleiðandinn til að byrja að nota ofurefnin
í kringum 1990. Okkar menn sáu strax notagildið í því
að vera með efni sem flýtur en er samt jafn sterkt og
málmvír. Nú til dags eru efnin orðin margfalt sterkari en
stál. Með því að nota þessi efni gátu skip dregið stærri
troll og önnur veiðarfæri og með þá þekkingu sem við
höfðum myndað í sjávarútvegi í farteskinu fórum við í
kjölfarið að færa okkur inn á aðra markaði,“ segir Ingi.
Þá segir Davíð G. Waage að sífellt sé verið að kynna
nýja flokka af ofurefnunum. „Þá er undir okkur komið
að finna not fyrir efnin. Þar sem við komum úr sjávar-
útvegi hefur okkur gengið mjög vel að þróa vörur sem
henta iðnaði á hafi úti. Það er gríðarleg þróunarvinna
sem liggur að baki þessum vörum og sú vinna fer nær
eingöngu fram hér á Íslandi. Höfuðhönnuðurinn okkar
heitir Hjörtur Erlendsson og hann hefur náð ótrúlegum
árangri í að finna not fyrir þessi efni og raunar reynst
fyrirtækinu sem selur okkur þau mjög vel líka.“
FRAMLEIÐA OFUREFNI STERKARI EN STÁL
ÞAÐ ERU
ENGINN HÖFT Á
VIÐSKIPTUNUM
Á VÍSI
FRÉTTIR VIÐSKIPTI SPORT UMRÆÐAN ÚTVARP LÍFIÐ SJÓNVARP
- oft á dag