Fréttablaðið - 02.01.2013, Side 12

2. janúar 2013 MIÐVIKUDAGUR| FRÉTTIR |
Fréttablaðið greindi frá því í des-
ember að þverpólitísk nefnd, sem
í sitja fulltrúar sex stjórnmála-
afla, hefði komist að þeirri niður-
stöðu að gjaldeyrishöft ættu ekki
lengur að vera tímabundin heldur
yrði þeim lyft þegar ákveðin efna-
hagsleg skilyrði sem tryggja eiga
fjármálalegan stöðugleika verða
til staðar. Nefndin sendi bréf með
þessum tillögum til formanna
allra stjórnmálaflokka og viðbrögð
þeirra virðast vera þau að fallist
verði á niðurstöðu nefndarinnar,
þó útfærslan liggi enn sem komið
er ekki fyrir.
Í bréfi nefndarinnar kom einn-
ig skýrt fram að hún hefði mikl-
ar áhyggjur af því að Glitnir og
Kaupþing stefndu að frágangi
nauðasamninga sinna og ætlaði
sér að hefja skipulega útgreiðslu
úr búum sínum í kjölfar þeirra.
Nefndin vildi að beðið væri átekta
og staðan metin ítarlega áður en
slíkum nauðasamningum yrði
veitt brautar gengi. Hún undirstrik-
aði auk þess þörfina á heildstæðri
áætlun um losun hafta áður en rót-
tækar breytingar yrðu gerðar á
núverandi starfsumhverfi gömlu
bankanna.
Ólík þrotabú
Bú föllnu bankanna þriggja eru
afar ólík. Nánast allar eignir
Landsbankans munu fara upp í
forgangskröfur vegna Icesave-
netreikninganna. Nauðasamningur
er því ekki í sigtinu hjá búi hans.
Kaupþing á síðan enn eftir að borga
út forgangskröfur sínar og miðað
við lausafjárstöðu búsins í dag mun
það að mestu fara í þær greiðslur.
Glitnir er hins vegar búinn að gera
upp við forgangskröfuhafa. Það var
gert í mars síðastliðnum þegar þeir
fengu 106 -milljarða króna greidda
í fjórum mismunandi myntum,
meðal annars íslenskum krónum.
Vert er að taka fram að hluti þeirr-
ar upphæðar var greiddur inn á
geymslureikninga vegna þess að
ágreiningur ríkti um hvort hluti
krafnanna væri forgangskröfur eða
almennar kröfur. Þeir dómar sem
fallið hafa síðan útgreiðslan átti sér
stað hafa allir verið Glitni í hag og
því hafa peningar runnið út af þess-
um geymslureikningum og aftur í
þrotabúið. Samanlagt er um nokkra
milljarða króna að ræða. Þrátt
fyrir þessa útgreiðslu átti þrotabú
Glitnis samt sem áður 383 millj-
arða króna í reiðufé í lok septem-
ber síðastliðins. Af því fé eru 28,3
milljarðar króna í íslenskum krón-
um. Þessir peningar myndu renna
til kröfuhafa eftir nauðasamninga.
Nauðasamningur Glitnis
Bæði þrotabúin eru búin að óska
eftir undanþágu frá gjaldeyris-
höftunum vegna nauðasamninga
sinna og leggja fram tillögu um
hvernig útgreiðslum til kröfuhafa
yrði hagað. Fyrirhugaður strúktúr
beggja búanna eftir nauðasamn-
inga er mjög svipaður. Til yrðu
íslensk eignaumsýslufélög í eigu
samþykktra kröfuhafa sem myndu
eiga allar eignir búanna, þar með
talið íslensku bankana, Íslands-
banka og Arion banka.
Fréttablaðið greindi frá því í síð-
ustu viku að í nauðasamningi Glitn-
is væri síðan meðal annars gert ráð
fyrir svokölluðu gullnu hlutabréfi
(e. golden share) sem gefið yrði út
til Seðlabanka Íslands og myndi
tryggja honum neitunarvald gagn-
vart breytingum á samþykktum
þess eignaumsýslufélags sem verð-
ur til að nauðasamningsferlinu
loknu. Það mun meðal annars gefa
Seðlabankanum vald til að hamla
flutningi félagsins úr landi og til að
koma í veg fyrir allar breytingar á
fjárfestingastefnu félagsins. Greiða
á öllum samþykktum almennum
kröfuhöfum Glitnis ákveðna lág-
marksupphæð fyrir hverja kröfu.
Kröfuhafar munu jafnframt fá til-
tekna viðbótargreiðslu og myndu
báðar þessar greiðslur verða í
erlendum gjaldeyri. Með þessu yrði
gert upp við hluta smærri kröfu-
hafa og samhliða myndi hlutfalls-
leg stærð annarra í kröfuhafahópn-
um aukast.
Fyrir afganginum af kröfunum
yrði gefið út skuldabréf til 15-30
ára. Hlutafé í eignaumsýslufélag-
inu verður til jafns við virði skulda-
bréfanna. Frjálst verður að stunda
viðskipti með þau á þeim mörk-
uðum sem eru með slík bréf í við-
skiptum. Bréfin verða svokölluð
„pay as you can-bréf“. Það þýðir að
greitt verður af þeim ársfjórðungs-
lega. Glitni verður síðan heimilt,
að hluta til eða öllu leyti, að breyta
skuldabréfunum í hlutabréf. Stefna
búsins er að allar eignir þess verði
orðnar að reiðufé árið 2015.
Nauðasamningur Kaupþings
Í kynningu sem Kaupþing hélt fyrir
kröfuhafa sína 31. maí síðastliðinn
kom fram að eftir nauðasamning
yrði Kaupþing íslenskt eignaum-
sýslufélag undir stjórn og í eigu
almennra kröfuhafa bankans. Þeir
eru að mestu erlendir vogunar- og
fjárfestingarsjóðir og bankar.
Í október tilkynnti slitastjórn
Kaupþings að fjármunir bús-
ins í erlendum gjaldmiðlum, sem
geymdir höfðu verið hjá Seðla-
banka Íslands, hefðu verið fluttir
til erlendra viðskiptabanka bús-
ins. Féð var tilkomið vegna endur-
heimta og annarra endurgreiðslna
af erlendu lánasafni og öðrum eign-
um Kaupþings. Í tilkynningu vegna
þessa kom fram að „fyrirhugaður
nauðasamningur felur meðal ann-
ars í sér útgreiðslur á fjármun-
um vegna endanlega samþykktra
krafna en samhliða þeim þarf
Kaupþing einnig að setja trygging-
ar fyrir greiðslu krafna sem deilt
er um. Jafnframt stendur undir-
búningur yfir vegna útgreiðslu
samþykktra forgangskrafna“.
Samningar frestast
Slitastjórnir bæði Kaupþings og
Glitnis ætluðu að vera búnar að
klára nauðasamningsferli fyrir
nýliðin áramót. Vinna við nauða-
samningana hefur enda staðið yfir
frá því á árinu 2011 og löngu ljóst
að báðir aðilar hafa hug á að ljúka
slitum búanna með slíkum samn-
ingi. Til þess að hægt verði að sam-
þykkja samningana verður þó að
liggja fyrir undanþága frá lögum
um gjaldeyrishöft sem Seðlabanki
Íslands veitir. Slík undanþága verð-
ur ekki veitt nema fjármálalegur
stöðugleiki sé tryggður.
Þórður Snær
Júlíusson
thordur@frettabladidis
Nauðasamningarnir vofa yfir
Þverpólitísk sátt hefur náðst á meðal íslenskra stjórnmálamanna um að bremsa af nauðasamninga Glitnis og Kaupþings. Samhliða verða
gjaldeyrishöft fest í sessi um ófyrirséða framtíð með breytingum á lögum. Glitnir og Kaupþing ætluðu að klára samninga 2012.
KAUPÞING Þrotabú bankans færði fjármuni sína í erlendum gjaldmiðlum frá Seðlabankanum í október. Sú aðgerð var liður í nauðasamningsgerð Kaupþings sem nú hefur frestast um óákveðinn tíma. FRÉTTABLAÐIÐ/GVA
Níu vogunarsjóðir eru á meðal stærstu kröfuhafa bæði Kaupþings og Glitnis. Tveir þeirra, Burlington Loan
Management og York Global Finance Offshore BDH, eiga samþykktar kröfur á Kaupþing og Glitni upp á samtals 511
milljarða króna. Verði nauðasamningar bankanna að veruleika munu kröfur þessara aðila breytast í eignarhluti. Alls
eiga sjóðir um helming allra krafna á Glitni og að minnsta kosti um þriðjung krafna á Kaupþing.
Stærsti einstaki kröfuhafi í bú Kaupþings er sjóður í stýringu bandaríska vogunarsjóðsfyrirtækisins York Capital
Management. Fyrirtækið er tuttugasti stærsti vogunarsjóður Bandaríkjanna. Samtals á sjóðurinn samþykktar
kröfur upp á 198,3 milljarða króna, eða 7,13 prósent allra samþykktra krafna. York er líka stór kröfuhafi í bú Glitnis.
Alls á sjóður í stýringu York 0,58 prósent allra samþykktra krafna í bú Glitnis.
Burlington Loan Management, írskur sjóður í stýringu bandaríska sjóðstýringarfyrirtækisins Davidson Kempner
Capital Management, er fimmti stærsti kröfuhafi Kaupþings. Sjóðurinn á samtals kröfur upp á 109 milljarða króna,
eða 3,92 prósent allra samþykktra krafna. Sjóðurinn er auk þess langstærsti einstaki kröfuhafi Glitnis með 8,46
prósent allra samþykktra krafna. Heildarumfang krafna hans í bú Glitnis er 191 milljarður króna. Burlington er
einnig á meðal stærstu eigenda Straums fjárfestingabanka og Klakka, sem áður hét Exista.
Á meðal annarra vogunarsjóða sem eiga stórar kröfur í bú bæði Glitnis og Kaupþings er CCP Credit Acquisition
(1,11 prósent í Kaupþingi og 4,61 prósent í Glitni), ACMO s.a.r.l. (3,55 prósent í Kaupþing og 2,79 prósent í Glitni),
Perry Luxco (1,7 prósent í Kaupþing og 1,98 prósent í Glitni), Thingvellir s.a.r.l. (1,68 prósent í Kaupþing og 1,98
prósent í Glitni), TCA Opportunity Investments (1,12 prósent í Kaupþing og 1,52 prósent í Glitni) og Hillcrest
Investors ltd. (3,32 prósent í Kaupþing og 0,71 prósent í Glitni).
Vogunarsjóðir á meðal eigenda
ASKÝRING | 12
NAUÐASAMNINGAR FÖLLNU BANKANNA