Fréttablaðið - 01.02.2013, Page 2

1. febrúar 2013 FÖSTUDAGUR| FRÉTTIR | 2
Júlíus, er þetta svartur húmor?
„Nei, hann er með rjóma og sykri.“
Kaffibrúsakarlarnir hyggja á endurkomu eftir
áratuga hlé til að halda upp á fjörutíu ára
afmæli sitt. Grínararnir Gísli Rúnar Jónsson
og Júlíus Brjánsson eru kaffibrúsakarlarnir.
SPURNING DAGSINS
kíktu inn á www.pfaff.is
Pfaff // Grensásvegi 13 // Sími 414 0400
TAK LJÓSAKRÓNA – SVÖRT EÐA HVÍT
VERÐ ÁÐUR 49.900,-
NÚ 25.000,-
Opið í dag til kl. 18 og laugardag kl. 11-16.
50%50%
Fjöldi
loftljós
a og
lampa
á
ótrúleg
a góðu

verði!
IMPULS GÓLFLAMPI
VERÐ ÁÐUR 29.800,-
NÚ 15.000,-
ÚTSÖLULOK!
SÍÐASTISÉNS!
PERSÓNUVERND Landsbókasafn
Íslands – Háskólasafn mátti ekki
veita aðgang að félagatali Komm-
únistaflokks Íslands frá árunum
1930 til 1938, segir Persónuvernd
í úrskurði.
Kjartan Ólafsson, fyrrverandi
ritstjóri Þjóðviljans, gaf Lands-
bókasafninu árið 2005 félagatal
Kommúnistaflokksins. Félagatal-
ið er í handskrifaðri stílabók og
nær til áranna 1930-1938, sem er
tímabilið sem flokkurinn starfaði.
Í bókina voru skráð nöfn 727 ein-
staklinga, oftast ásamt fæðingar-
degi og þeim tíman sem viðkom-
andi gekk í flokkinn. Einnig eru
upplýsingar um þá sem skráðu sig
úr flokknum strikaðar út vegna
þess að þeir greiddu ekki félags-
gjöld eða voru hreinlega reknir
úr flokknum af öðrum ástæðum.
Fram kom, þegar Kjartan gaf
félagatalið, að hann hefði beinlín-
is gert það til að efla rannsóknir á
vinstri hreyfingunni á tuttugustu
öldinni.
Frá því stílabókin komst í hend-
ur Landsbókasafnsins árið 2005
hafa tólf fræðimenn fengið aðgang
að henni á lestrarsal safnsins að
því er segir í úrskurði Persónu-
verndar. Það var þó ekki fyrr en
árið 2010 að elsti hluti félagatals-
ins var laus undan lagaákvæðum
um áttatíu ára trúnað sem gildir
um slíkar persónuupplýsingar. Af
yngsta hlutanum verður trúnaði
ekki aflétt fyrr en árið 2018.
Ingibjörg Steinunn Sverrisdótt-
ir landsbókavörður bendir á að
engar kvaðir hafi fylgt gjöfinni
frá Kjartani. „Við höfum yfirleitt
tekið þann pólinn í hæðina að það
sé þeirra sem nota gögnin að gæta
að öllum heimildum og athuga
hver mörkin séu og hvað megi gera
með þessar upplýsingar. Með þess-
um úrskurði þurfum við sjálf að
fara að segja við fólk hvaða hluta
það megi skoða og hvern ekki,“
segir hún.
Að sögn Ingibjargar voru starfs-
menn Landsbókasafnsins þó óviss-
ir um hvernig haga ætti aðgangi
að félagatalinu því þar væri við-
kvæmt efni. Safnið hafi feng-
ið fund með Persónuvernd í júní
2011 til að fara yfir málið. Nú liggi
úrskurður fyrir. „Nú verðum við
hugsanlega að setja í okkar skrán-
ingar að þetta efni sé lokað til árs-
loka 2018 og setja vinnureglur um
það hvernig taka eigi á málinu.
Ef við fáum svona gögn í framtíð-
inni munum við passa betur upp á
þetta.“
Fram kemur í úrskurði Persónu-
verndar að vilji menn fá aðgang
að félagatalinu verði að leita eftir
leyfi til þess hjá stofnuninni.
gar@frettabladid.is
Landsbókasafnið rauf
friðhelgi kommúnista
Persónuvernd segir Landsbókasafnið hafa brotið lög með því að hleypa fræði-
mönnum í félagatal Kommúnistaflokks Íslands frá árunum 1930 til 1938. Gætum
betur að slíku í framtíðinni, segir landsbókavörður og boðar breyttar vinnureglur.
ÞJÓÐARBÓKHLAÐAN Starfsmenn Landsbókasafns veittu tólf fræðimönnum
aðgang að stílabók með nöfnum félaga í Kommúnistaflokki Íslands en leituðu loks
leiðbeininga frá Persónuvernd sem nú hefur kveðið upp úr með að það hafi verið
óheimilt.
KJARTAN
ÓLAFSSON
INGIBJÖRG ST.
SVERRISDÓTTIR
DÓMSMÁL Hæstiréttur þyngdi í gær dóma yfir
fjórum sakborningum í hrottafengnu líkamsárás-
armáli sem kennt hefur verið við Hells Angels.
Andrea Kristín Unnarsdóttir hlaut fimm og
hálfs árs fangelsi í stað fjögurra og hálfs árs áður,
fyrir að leiða árásina gegn konu á heimili hennar í
desember 2011.
Dómar yfir Jóni Ólafssyni,
kærasta Andreu, og Elíasi Valdi-
mari Jónssyni voru þyngdir úr
fjórum árum í fjögur og hálft og
dómur yfir Óttari Gunnarssyni
þyngdur úr tveimur og hálfu ári
í fjögur.
Fólkið sparkaði í höfuð þoland-
ans, skar í fingur hans með hnífi
og sló með leðurkylfu. Þá stakk
Elías fingrum upp í endaþarm og
leggöng konunnar og klemmdi þar á milli.
Hæstiréttur staðfesti sýknudóma yfir Einar
Marteinssyni, fyrrverandi forsprakka Hells
Angels á Íslandi, og öðrum manni.
- sh
Hæstiréttur dæmir í hrottafengnu líkamsárásarmáli kenndu við Vítisengla:
Öll fjögur fá þyngri refsingu
„Ég er rosalega glaður, en ég er líka rosalega reiður.
Ég vil að ríkið og lögreglan biðji mig afsökunar,“ segir
Einar „boom“ Marteinsson, fyrrverandi forsprakki
Hells Angels, sem sat í gæsluvarðhaldi um hálfs árs
skeið vegna málsins. Hann segist gera ráð fyrir því að
hann muni fara í skaðabótamál við ríkið vegna varð-
haldsvistarinnar.
Rosalega glaður og reiður
ÓSÁTTUR
Einar Mar-
teinsson
ætlar líklega í
mál við ríkið.
ANDREA KRISTÍN
UNNARSDÓTTIR
Við höfum yfir-
leitt tekið þann pólinn í
hæðina að það sé þeirra
sem nota gögnin að gæta
að öllum heimildum og at-
huga hver mörkin séu.“
Ingibjörg Steinunn Sverrisdóttir
landsbókavörður.
ÍSRAEL, AP Sendiherra Sýrlands í Líbanon hefur hótað hefndaraðgerð-
um vegna loftárásar Ísraelshers á Sýrland. Ísraelar eru taldir hafa
varpað sprengjum á bílalest, sem sögð er hafa verið á leiðinni með
vopn handa liðsmönnum Hesbolla-samtakanna.
Ísraelsstjórn hefur ekki staðfest að Ísraelar beri ábyrgð á árásinni,
en bandarískir embættismenn fullyrða að þarna hafi Ísraelar verið
að verki. Hesbolla-samtökin hafa höfuðstöðvar í Líbanon en eru tengd
bæði sýrlenskum og írönskum stjórnvöldum. - gb
Ísraelar taldir bera ábyrgð á sprengjuárás á bílalest:
Sýrlendingar hóta hefndum
ÍSRAELSKIR HERMENN Við landamæri Líbanons í Gólanhæðum. NORDICPHOTOS/AFP
HEILBRIGÐISMÁL Forstjóri Land-
spítalans ætlar að hækka laun
hjúkrunarfræðinga í samræmi
við framlag ríkisstjórnarinnar,
hvort sem hjúkrunarfræðingar
samþykkja tillöguna eða ekki.
Laun hækka að meðaltali um 25
þúsund á mánuði.
Samninganefnd hjúkrunar-
fræðinga á LSH fundaði með
fulltrúum spítalans í gærmorgun,
þar sem spítalinn kynnti lokatil-
lögu sína að lausn launadeilunnar.
Hjúkrunarfræðingar hafa
boðað til funda í byrjun næstu
viku þar sem tillögurnar verða
ræddar. Hvað sem kemur út úr
því ætlar Björn Zoëga að hækka
launin samkvæmt þessum tillög-
um. - þeb
Hjúkrunarfræðingar funda:
Launin verða
hækkuð á LSH
DÓMSMÁL Sekt sem samkeppnis-
yfirvöld dæmdu olíufélögin til
að borga vegna ólöglegs samráðs
þeirra stendur, samkvæmt dómi
sem Hæstiréttur felldi í gær.
Héraðsdómur hafði áður fellt
sektina úr gildi.
Hæstiréttur gagnrýnir mála-
tilbúnað olíufélaganna harð-
lega og segir hann svo óljósan að
dómstólar geti ekki hent reiður
á málsástæðum. Þá er málsmeð-
ferð héraðsdóms gagnrýnd fyrir
mikla annmarka á dómnum sjálf-
um og óhóflegan drátt á rannsókn
málsins. Málinu var áfrýjað til
héraðsdóms árið 2005 en dómur
féll í fyrra.
Stjórnvaldssektin er samtals
1,5 milljarðar króna. - þeb
Hæstiréttur vísar frá:
Sekt olíufélag-
anna stendur
ALÞINGI Steingrímur J. Sigfússon atvinnu-
vegaráðherra lagði í gær fram frumvarp um
stjórn fiskveiða á Alþingi. Með frumvarpinu
er lögð til heildarendurskoðun á núverandi
lögum um stjórn fiskveiða.
Frumvarpsins hefur verið beðið lengi, en
það var tekið aftur til umfjöllunar í atvinnu-
vegaráðuneytinu vegna andstöðu við það í
röðum Samfylkingarmanna.
Meðal þess sem lagt er til í nýja frum-
varpinu er að á hverju fiskveiðiári skuli ráð-
herra skipta heildaraflamarki nytjastofns,
sem lýtur að veiðitakmörkunum, í tvo flokka.
Annars vegar það sem fari til útgerðarmanna
eins og áður og hins vegar í línuívilnun,
strandveiðar og fleira, meðal annars leigu á
kvóta í gegnum kvótaþing. Nýtingarréttur
útgerðarmanna verður tímabundinn til tutt-
ugu ára samkvæmt frumvarpinu. Ef frum-
varpið verður að lögum á þessu þingi er gert
ráð fyrir 2,3 til 2,7 milljarða tekjum í ríkis-
sjóð af leigu á kvóta á næsta fiskveiðiári.
Steingrímur sagði í samtali við Ríkisút-
varpið í gærkvöldi að þetta væri síðasta tæki-
færið til að klára fiskveiðistjórnunarmálið,
og tekist hafi að skapa tiltölulega breiða sátt
og öflugan stuðning milli stjórnarflokkanna.
- þeb
Steingrímur J. Sigfússon segir tiltölulega breiða sátt um nýtt frumvarp um stjórn fiskveiða:
Kvótafrumvarpið lagt fram á Alþingi
ATVINNUVEGARÁÐHERRA Steingrímur J. Sigfússon
lagði í gær fram frumvarp um stjórn fiskveiða.