Fréttablaðið - 01.02.2013, Qupperneq 12

1. febrúar 2013 FÖSTUDAGUR| FRÉTTIR |
„Þetta leggst bara vel í mig. Ég held að ég
eigi góða möguleika og finn fyrir góðum
stuðningi,“ segir Oddný G. Harðardóttir,
sem gefur kost á sér til varaformanns.
Hún segist hafa orðið vör við að flokks-
menn velti fyrir sér hvernig best sé að para
saman formann og varaformann.
„Ég hef heyrt margar útgáfur. Sumir
segja að það sé meiri breidd í því að ég
verði varaformaður ef Árni Páll verður for-
maður og aðrir segja að það sé bara gott
að hafa tvo landsbyggðarmenn, Guðbjart
og mig. Enn aðrir segja þetta svo engu
máli skipta. Þetta getur hins vegar haft
áhrif á hver úrslitin verða, þar sem þó
nokkuð er um þetta rætt. Menn tala þó
ekki einum rómi en velta kannski ásýnd og
ímynd forystunnar fyrir sér.“
Breytir mögulegt tap einhverju um þína
stöðu í flokknum? „Nei, það breytir engu.
Ég fer í kosningabaráttu eins og aðrir Sam-
fylkingarmenn og landsmenn reyndar allir.“
➜ Rætt um ásýnd forystunnar
Það skýrist á morgun hver munu
leiða Samfylkinguna inn í kosn-
ingabaráttuna, en landsfundur
flokksins hefst í dag. Raunar ligg-
ur þegar fyrir hver verður næsti
formaður flokksins þar sem kosn-
ingu um það lauk á mánudaginn.
Það verður hins vegar ekki gefið
upp fyrr en klukkan 11.30 á morg-
un. Að því loknu kýs Samfylking-
arfólk sér nýjan varaformann.
Það er ekki ofsögum sagt að
fundurinn um helgina boði straum-
hvörf fyrir flokkinn. Kosið verð-
ur til Alþingis 29. apríl og auk for-
ystuskipta bíður því fundarmanna
að leggja línurnar fyrir kosninga-
baráttuna. Þar liggja sóknarfæri
flokksins endilega ekki ljós fyrir.
Hægri/vinstri lifir enn
Árni Páll Árnason og Guðbjartur
Hannesson buðu sig fram til for-
manns. Pólitískt upphaf beggja var
í Alþýðubandalaginu en Árni Páll
er, hvort sem það er sanngjarnt
eður ei, í almannarómi sagður
hægra megin við Guðbjart. Það
gæti skipt máli þegar til kosninga-
baráttunnar kemur.
Gunnar Helgi Kristinsson
stjórnmálafræðingur segir úrslit
formannskjörsins geta haft áhrif
á ímynd flokksins í kosningum og
það hver forgangsröðunin verði í
stjórnarmyndunarviðræðum. Sé
fyrrnefnd flokkun á frambjóðend-
unum rétt, sem hann geri ráð fyrir
að sé, gæti kjör Árna Páls auðveld-
að flokknum að höfða til miðju-
fylgis, ekki á ósvipuðum slóðum
og Björt framtíð stefni á.
„Ég geri ráð fyrir því að það sé
allavega einhver slagur um kjós-
endur á milli Samfylkingar og
Bjartrar framtíðar og formanns-
kjörið gæti haft einhver áhrif á
hann. Varðandi ríkisstjórn hugsa
ég, án þess að ég hafi neitt sér-
staklega skýrt fyrir mér í því,
að Árni Páll mundi fyrr koma að
þeim möguleika að mynda stjórn
með Sjálfstæðisflokknum en Guð-
bjartur.“
Áhersla á árangurinn
Gunnar Helgi segir að vígstaða
flokksins fyrir komandi kosninga-
baráttu sé ekki einföld og hún hafi
ýmis erfið mál á bakinu.
„Til dæmis þennan Icesave-dóm.
Ég er reyndar ekki viss um að
hann verði mjög fyrirferðarmik-
ill í kosninga-
baráttunni, en
hann er náttúru-
lega ekki hag-
stæður flokkn-
um. Þá bakkaði
hún aðeins í
Evrópumálum
fyrir Vinstri
grænum. Ein-
hverjir munu
verða sárir yfir
því og þá væri Björt framtíð senni-
lega valkostur þeirra. Þeir eiga
hins vegar ekki mjög marga kosti í
íslensku flokkakerfi þannig að það
er ekki víst að það skaði flokkinn
sérstaklega mikið.“
Gunnar Helgi segir að stjórnar-
skrármálið hafi ekki reynst Sam-
fylkingunni það óumdeilda og
þægilega mál sem hún vonaðist til.
Það sé mun flóknara en svo.
„Það sem Samfylkingin mun
þurfa að gera út á er fyrst og
fremst árangur stjórnarinnar. Hún
mun rifja upp að hún hafi tekið
við hræðilegu búi og skelfingar-
sögu uppgangstímans og hrunsins,
með hennar orðum, og segja: Við
tókum við öllu í kaldakoli og erum
að byggja upp og höfum náð feiki-
lega góðum árangri í samvinnu við
alþjóðlega aðila og svo framvegis.
Það er það upplegg sem við
blasir, að leggja áherslu á að þrátt
fyrir allt hafi Samfylkingin staðið
vörð um velferðarkerfið.“
Rétta samstæðan valin?
Katrín Júlíusdóttir og Oddný G.
Harðardóttir hafa tilkynnt um
framboð til varaformanns. Bæst
gæti í þann hóp, þar sem hægt
er að bjóða sig fram á fundinum
sjálfum.
Margir heimildarmenn Frétta-
blaðsins nefndu það að úrslit í for-
mannskjörinu myndu hafa áhrif á
varaformannskjörið. Þannig finnst
sumum það ekki ganga að hafa for-
mann og varaformann úr sama
kjördæminu, líkt og Árni Páll og
Katrín eru, eða bæði af lands-
byggðinni, líkt og Guðbjartur og
Oddný.
Þá hefur það verið nefnt að hug-
myndafræðileg breidd næðist best
með Árna Páli og Oddnýju annars
vegar og Guðbjarti og Katrínu
hins vegar. Gunnar Helgi segist
telja að margir á fundinum hugsi
á þann hátt, að vilja stilla upp for-
ystu sem sýni sem mesta breidd
flokksins.
Hvernig sem allt fer má segja að
eftir helgi verði kosningabaráttan
hafin; ný forysta tekin við keflinu
og áherslumálin skýrari en áður.
ASKÝRING | 12
LANDSFUNDUR SAMFYLKINGARINNAR
Kolbeinn
Óttarsson Proppé
kolbeinn@frettabladid.is
Ný forysta fer beint í baráttuna
Nýr formaður tekur við Samfylkingunni á morgun sem og varaformaður. Kosningaáherslur munu skýrast á landsfundi sem hefst í dag.
Úrslit í formannskjöri gætu haft áhrif á hver verður varaformaður. Áherslan verður á árangur í efnahagsmálum segir stjórnmálafræðingur.
KVEÐJA Jóhanna Sigurðardóttir og Dagur B. Eggertsson stíga bæði til hliðar á morgun. Eftirmanna þeirra bíður að leiða flokk-
inn inn í erfiða kosningabaráttu. FRÉTTABLAÐIÐ/DANÍEL
GUNNAR HELGI
KRISTINSSON
Gunnar Helgi segir það geta haft áhrif á ímynd Samfylkingarinnar í kosningabaráttunni hvor verði formaður, Árni
Páll eða Guðbjartur. „Þetta hefur verið túlkað þannig að Árni Páll sé hægra megin og Guðbjartur vinstra megin,“
segir hann. Hann segir mjög líklegt að þetta sé síðasta tækifæri Guðbjarts til að keppa um formanninn, með vísan í
aldur hans. Tapi hann verði hann varla formaður síðar. Tapi Árni Páll hins vegar sé erfiðara að segja um framtíð hans.
„Hann ætti náttúrulega vísan ráðherrastól ef Samfylkingin yrði í ríkisstjórn, það mundi kannski nægja honum.“
Í hvaða átt mun flokkurinn fara?
Katrín Júlíusdóttir segir að framboð sitt
til varaformanns hafi mælst vel fyrir og hún
fengið mikla hvatningu. Kosningin leggist
því vel í hana. Hún vill ekki gefa mikið fyrir
hugleiðingar um það að úrslit í formannskjöri
muni hafa áhrif á val á varaformanni; öll séu
þau ólíkir einstaklingar sem hver hafi sitt fram
að færa.
„Það er ekki með einföldum hætti hægt
að draga upp þá mynd að ef þessi karl vinnur
þá passi þessi kona ekki við hann. Svoleiðis
skýringar eru ekki í boði, menn verða að vera
málefnalegri en það. Hvað þá staðreynd að við
Árni Páll komum úr sama kjördæmi varðar þá
höfum við í Samfylkingunni aldrei kosið eftir
heimilisfangi,“ segir Katrín og bendir á að í
tæp tíu ár hafi formanna- og varaformanna-
parið alltaf komið úr Reykjavík. „Þetta snýst
um það hvernig við vinnum og fyrir mér er allt
landið undir í öllu því sem ég geri.“
Breytir mögulegt tap einhverju um þína
stöðu í flokknum? „Það mundi náttúrulega
breyta því að ég yrði ekki varaformaður en nei,
það breytir engu. Ég held þá bara áfram að
gera það sem ég hef verið kjörin til að gera; að
sinna þingstörfum af þeirri alúð sem ég get.“
➜ Snýst um hvernig við vinnum
Suðurlandsbraut 20, Reykjavík | Sími 588 0200 | www.eirvik.is
Kaffivélar fyrir
skrifstofur
og mötuneyti
Fullkomið kaffi,
espresso, cappucicino
eða latté macchiato
með einni snertingu.
kr.Tilboðsverð 276.675 m.vsk.
rá kr. 325.500 m.vsk.Verð f
Tilboð
VINNUM SAMAN HVERNIG SEM FER
Guðbjartur segist ekki hafa hugmynd um hvernig
formannskjörið fari og frambjóðendur muni bíða til-
kynningar um það í salnum eins og aðrir fundarmenn.
En er hann bjartsýnn? „Bæði og, ég held að þetta verði
mjög tvísýnt. Ég bíð niðurstöðunnar bara og verð með
tvær ræður tilbúnar í vasanum.“
Breytir mögulegt tap einhverju um þína stöðu í
flokknum? „Nei, ekki að mínu mati. Við gáfum flokks-
mönnum kost á því að velja og höfum báðir lofað því
að vinna áfram af fullum krafti hvernig sem fer.“
HEF GERT ÞAÐ SEM ÉG GET GERT
Árni Páll segist sáttur mjög ánægður með kosninga-
baráttuna og hefði ekki viljað gera neitt öðruvísi. Nú
líði honum eins og eftir að hafa klárað próf; hann hafi
gert það sem hann geti gert og bíði niðurstöðunnar.
„Ég er mjög sáttur við það hvernig ég hélt á málum
og hvernig ég setti málin fram. Ég ákvað frá byrjun að
setja fram sýn um það hvernig samfélagið og flokkurinn
þyrftu að þróast og ég stóð við það allt til enda.“
Breytir mögulegt tap einhverju um þína stöðu í
flokknum? „Ég svara aldrei ef-spurningum en það er
nýbúið að kjósa mig sem oddvita í stærsta kjördæmi
landsins og í því felst auðvitað að maður er í forystu-
sveitinni.“